ການແຂ່ງຂັນກີລາຟຸດຊໍລາຍການ ລາວຟຸດຊໍ ລີກ 2024 ຄູ່ຊີງຊະນະເລີດເປັນຄູ່ທີ່ຫຼາຍຄົນລໍຄອຍຕາມນັດເມື່ອ ເບສະຫວັນ ເອັຟຊີ ແລະ ເອັສທີທີ ເອັຟຊີ ກາຍເປັນ 2 ທີມທີ່ສາມາດຜ່ານເຂົ້າຮອບຊີງຊະນະເລີດໄດ້ສໍາເລັດ ຫຼັງຈາກເອົາຊະນະຄູ່ແຂ່ງໃນຮອບ 4 ທີມສຸດທ້າຍ.
ການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນໝົດ 1 ຮອບສະສົມຄະແນນ, ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ, ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ ( Play-off ) ນັດດຽວ ໂດຍສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນໃນຮອບ 4 ທີມ.
ຫຼ້າສຸດວັນທີ 26 ພຶດສະພາ 2024 ມີການແຂ່ງຂັນຮອບ 4 ທີມສຸດທ້າຍ ທີ່ສະໜາມຟຸດຊໍ ໃນຮົ່ມຂອງ ສະຫະພັນບານເຕະແຫ່ງຊາດລາວ ໂດຍຄູ່ທໍາອິດແຂ່ງຂັນເວລາ 16:00 ໂມງ ເບສະຫວັນ ສາມາດເອົາຊະນະ ຊີໄອທີ 7-3, ສ່ວນຄູ່ທີ 2 ລົງແຂ່ງຂັນເວລາ 16:00 ໂມງ ເອັສທີທີ ສາມາດເອົາຊະນະ ນະຄອນຫຼວງ 6-2.
ເຮັດໃຫ້ ເບສະຫວັນ ຜ່ານເຂົ້າຮອບຊີງຊະນະເລີດ ພົບກັບ ເອັສທີທີ ຈະແຂ່ງຂັນໃນວັນອາທິດ 2 ມິຖຸນາ 2024 ເວລາ 17:00 ໂມງ ໂດຍທຸກໆນັດແຂ່ງຂັນທີ່ສະໜາມຟຸດຊໍໃນຮົ່ມຂອງ ສະຫະພັນບານເຕະແຫ່ງຊາດລາວ ທີ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ, ສ່ວນສະຖິຕິການພົບກັນໃນປີນີ້ ເອັສທີທີ ເຄີຍເອົາຊະນະ ເບສະຫວັນ 6-3 ໃນຮອບທໍາອິດ.
ຂ່າວ: Larh Creators
