ສຳນັກຂ່າວສານ ຫວຽດນາມ ລາຍງານວ່າ: ວັນທີ 21 ພຶດສະພາ ກະຊວງພະລັງງານ ສະຫະລັດອາເມຣິກາ ໃຫ້ຮູ້ວ່າ: ຈະຂາຍ ນໍ້າມັນ ຈຳນວນ 1 ລ້ານບາເຣລ ຢູ່ໃນສາງສຳຮອງ ຍຸດທະສາດຂະໜາດນ້ອຍ ໃນພາກຕາເວັນອອກສ່ຽງເໜືອເພື່ອປິດສາງດັ່ງກ່າວ.
ທ່ານ ໂຈໄບເດນ ປະທານາທິບໍດີ ສະຫະລັດອາເມຣິກາ ກ່າວວ່າ: ການເຄື່ອນໄຫວດັ່ງກ່າວນີ້ ຈະຊ່ວຍໃຫ້ລາຄານໍ້າມັນຫຼຸດລົງກ່ອນຈະເຖິງລະດູຮ້ອນ ເມື່ອຊາວອາເມຣິກາ ເດີນທາງໄປທ່ອງທ່ຽວ ພາຍໃນປະເທດ ດ້ວຍລົດໃຫຍ່.
ເຖິງຢ່າງໃດກໍຕາມ ຂໍ້ມູນ ຈາກສຳນັກງານຂໍ້ມູນພະລັງງານສະຫະລັດອາເມຣິກາ (EIA) ລະບຸວ່າ: ການຂາຍນໍ້າມັນ ຈຳນວນ 1 ລ້ານນາເຣລ ດັ່ງກ່າວ ຈະບໍ່ສົ່ງຜົນກະທົບ ເນື່ອງຈາກອາເມຣິກາ ບໍລິໂພກນໍ້າມັນ ສະເລ່ຍປະມານ 9 ລ້ານບາເຣລຕໍ່ວັນ (ຕາມສະຖິຕິຂອງປີກາຍ). ການຂາຍນໍ້າມັນ 1 ລ້ານບາເຣລ ຢູ່ NGSR ເປັນສ່ວນໜຶ່ງຂອງກົດໝາຍທີ່ປະກາດໄວ້ ເມື່ອຕົ້ນປີນີ້ ເພື່ອໃຫ້ທຶນກະຊວງພະລັງງານໃນສົກປີການເງິນ 2024 ແລະ ອື່ນໆ.
