ທ່ານໂຕເລີມ ເຂົ້າພິທີສາບານຕົນ ຮັບໜ້າທີ່ປະທານປະເທດຫວຽດນາມຄົນໃໝ່

175

 

ອີງຕາມສຳນັກຂ່າວສານລາຍງານ ໃນຕອນເຊົ້າວັນ 22 ພຶດສະ ພານີ້ ທ່ານພົນເອກ ໂຕເລີມ ໄດ້ຂຶ້ນສາບານຕົນ ເພື່ອຮັບຕຳແໜ່ງເປັນປະທານປະເທດສາທາລະນະລັດ ສັງຄົມນິຍົມ ຫວຽດນາມ ຢ່າງເປັນທາງການ , ພາຍຫຼັງສະພາແຫ່ງຊາດຂອງວຫວຽດນາມໄດ້ລົງຄະແນນສຽງຮັບຮອງເອົາມະຕິເລືອກຕັ້ງປະທານປະເທດສຳເລັດ.

ທ່ານພົນເອກ ໂຕເລີມ ໄດ້ກ່າວໃນພິທີສານບານຕົນວ່າ: ພາຍໃຕ້ທຸງສີແດງອັນສັກສິດ ປະດັບດ້ວຍດາວສີເຫຼືອງຂອງປະເທດຊາດ, ຕໍ່ສະພາແຫ່ງຊາດ ແລະ ຜູ້ມີສິດເລືອກຕັ້ງທົ່ວປະເທດ, ຂ້າພະເຈົ້າ, ປະທານປະເທດ ສາທາ ລະນະລັດ ສັງຄົມນິຍົມ ຫວຽດນາມ ໄດ້ສາບານຕົວວ່າ: ຈະຈົງ ຮັກພັກດີຕໍ່ປະເທດຊາດ, ປະຊາຊົນ ແລະ ລັດຖະທຳມະນູນແຫ່ງ ສາທາລະນະລັດ ສັງຄົມນິຍົມ ຫວຽດນາມ. ສູ້ຊົນເຮັດໃຫ້ສຳ ເລັດໜ້າທີ່ທີ່ພັກ, ລັດ ແລະ ປະຊາຊົນໄດ້ມອບໝາຍໃຫ້.

May be an image of 1 person and text
ໂດຍທ່ານພົນເອກ ໂຕເລີມ ໄດ້ຮັບຄະແນນສຽງສູງເຖິງ 97,13% ຂອງຈໍານວນຜູ້ແທນສະພາແຫ່ງຊາດທີ່ເຂົ້າຮ່ວມການເລືອກຕັ້ງປະທານປະເທດໃນຄັ້ງນີ້ .
ສຳລັບພົນເອກ ໂຕເລີມ ປະຈຸບັນອາຍຸ 67 ປີ ກຳເນີດໃນຄອບຄົວນັກປະຕິວັດ ເພິ່ນເກີດເມື່ອວັນທີ 10 ກໍລະກົດ 1957 ໃນແຂວງຮຶງອຽນ ຕິດກັບນະຄອນຫຼວງຮ່າໂນ້ຍ ແລະເພິ່ນຈົບການສຶກສາປະລິນຍາເອກສາຂາກົດໝາຍ.