ບໍລິສັດເອມິເຣດ ກຸບ ສ້າງກຳໄລເປັນສະຖິຕິປີທີ2ຕິດຕໍ່ກັນ ຈຸລະດັບ5,1ຕື້ໂດລາສະຫະລັດ ຈາກປັດໄຈຄວາມຕ້ອງການຍັງເຂັ້ມແຂງ ພ້ອມຈັບມືພັນທະມິດໃໝ່ຂະຫຍາຍການເຂົ້າເຖິງຫຼາຍພື້ນທີ່ທົ່ວໂລກ.
ເອມິເຣດ ກຸບ ມີສຳນັກງານໃຫຍ່ໃນເມືອງດູໄບ ປະເທດສະຫະລັດອາຣັບ ເອມິເຣດ(ຢູເອອີ) ເປີດເຜີຍກຳໄລປະຈຳປີທີ່ສິ້ນສຸດວັນທີ 31 ມີນາ 2024 ຈຸລະດັບ5,1ຕື້ໂດລາສະຫະລັດ ເພີ່ມຂຶ້ນ71% ຈາກປີຜ່ານມາ ທຳລາຍສະຖິຕິິສູງສຸດເປັນປະຫວັດການເປັນປີທີ 2 ຕິດຕໍ່ກັນ ເນື່ອງຈາກຄວາມຕ້ອງການລູກຄ້າຍັງເຂັ້ມແຂງ.
ສ່ວນລາຍໄດ້ລວມເພີ່ມຂຶ້ນ15% ຈາກປີກ່ອນໜ້າສູ່ລະດັບ37,4ຕື້ໂດລາສະຫະລັດ. ນອກຈາກນີ້ເອມິເຣດກຸບ ຍັງມີສະພາບຄ່ອງທີ່47,1ຕື້ໂດລາສະຫະລັດ ເພີ່ມຂຶ້ນຈາກປີກ່ອນໜ້ານີ້11%.
ການໃຫ້ບໍລິການຜູ້ໂດຍສານຂອງສາຍການບິນເອມິເຣດ ກໍສ້າງສະຖິຕິສູງສຸດ ມີຜູ້ໂດຍສານ51,9ລ້ານຄົນໃນປີງົບປະມານດັ່ງກ່າວ ເພີ່ມຂຶ້ນຈາກປີກ່ອນໜ້ານີ້19% ແລະ ເອມິເຣດ ສະກາຍຄາໂກ ທຸລະກິດຂົນສົ່ງສິນຄ້າຂອງເອມິເຣດ ມີຍອດຈັດສົ່ງສິນຄ້າທີ່2,2ລ້ານໂຕນທົ່ວໂລກ ເພີ່ມຂຶ້ນຈາກປີກ່ອນ18%.
