ໄຟໄໝ້ເຮືອນ ເຂົ້າສານເງິນຄຳຂອງໃຊ້ກາຍເປັນເຖົ່າຖ່ານ

131

ບູຮານວ່າ ໂຈນເຂົ້າເຮືອນ 10 ຄັ້ງຍັງບໍ່ເທົ່າໄຟໄໝ້ເທື່ອໜຶ່ງ ໄລຍະນີ້ລະດູແລ້ງແນ່ທຸກບ່ອນແຫ້ງໄປໝົດງ່າຍຕໍ່ການຕິດໄຟ ຈຶ່ງເຮັດໃຫ້ເຮືອນທີ່ຖືກໄຟໄໝ້ຢູ່ຫຼວງນ້ຳທາ ບໍເຫຼືອຫຍັງທັງໝົດນອກຈາກກອງຂີ້ເຖົ່າ ໜ້າເຫັນໃຈເປັນທີ່ສຸດ.

May be an image of 5 people

ກອງບັນຊາການ ປກສ ເມືອງສິງ ແຂວງຫຼວງນ້ຳທາ ໃຫ້ຮູ້ວ່າ: ໃນເວລາ 9:15 ໂມງ ຂອງວັນທີ 14 ກຸມພາ 2024, ໄດ້ຮັບແຈ້ງຈາກຫົວໜ້າ ປກສ ກຸ່ມ ບ້ານຂວາງ ເມືອງສິງ ວ່າ: ມີເຫດໄຟໄໝ້ເຮືອນຂອງປະຊາຊົນຢູ່ບ້ານຕາໝີ ເມືອງສິງ. ຈາກນັ້ນ, ທາງເຈົ້າໜ້າທີ່ກອງຈະລາຈອນ-ມອດໄຟ ຈຶ່ງໄດ້ແຕ່ງຕັ້ງພະນັກງານວິຊາສະເພາະ ສົມທົບກັບ ປກສ ກຸ່ມບ້ານ ແລະ ປະຊາຊົນ ຊ່ວຍກັນດັບໝອດໄຟ ເພື່ອບໍ່ໃຫ້ລຸກລາມເປັນວົງກວ້າງ ດ້ວຍການນໍາເອົາພາສະນະຕັກນໍ້າຫົດມອດໄຟ ໃຊ້ເວລາປະມານ 40 ນາທີ ຈຶ່ງສາມາດສະກັດກັ້ນ ແລະມອດໄຟລົງໄດ້.

May be an image of fire
ຮອ ຄຳເປົ່າ ອ່ອນແສງສີ ຫົວໜ້າກອງຈາລະຈອນ-ມອດໄຟ ປກສ ເມືອງສິງ ໃຫ້ຮູ້ວ່າ: ອັກຄີໄຟທີ່ເກີດຂຶ້ນໃນຄັ້ງນີ້, ພວກເຮົາບໍ່ສາມາດນໍາເອົາລົດມອດໄຟເຂົ້າໄປຊ່ວຍໄດ້ ເນື່ອງຈາກວ່າເຫດການເກີດຂື້ນຢູ່ບ້ານຕາໝີ, ເຊິ່ງຕັ້ງຢູ່ຫ່າງຈາກເທດສະບານເມືອງປະມານ 9 ກິໂລແມັດ, ເປັນເຂດພູດອຍ, ເສັ້ນທາງຄັບແຄບ ແລະ ທຸລະກັນ ດານ ຈຶ່ງຕ້ອງໄດ້ໃຊ້ແຮງງານຄົນເປັນຫຼັກໃນການດັບມອດໄຟ.

May be an image of 9 people
ຂໍ້ມູນເບື້ອງຕົ້ນໄດ້ຮູ້ວ່າ: ເຮືອນຫຼັງທີ່ຖືກໄຟໄໝ້ແມ່ນເຮືອນຂອງ ທ້າວ ຮືເຄາະ ອາຍຸ 29 ປີ ປະຊາຊົນບ້ານຕາໝີ, ເຊິ່ງຜົນເສຍຫາຍມີເຮືອນ 1 ຫຼັງ ເປັນປະເພດເຮືອນໄມ້ຍົກສຸງ ແອມດ້ວຍໄມ້ແປ້ນ, ມຸງດ້ວຍກະເບື້ອງ ຂະໜາດ 10×6 ແມັດ; ພາຍໃນເຮືອນມີເງິນກີບ 50 ລ້ານກີບ, ເງິນຢວນ 10,50 ຢວນ, ເງິນໝັນໃຫຍ່ຫົວແຫຼມ 16 ອັນ, ເງິນໝັນນ້ອຍຫົວ ແຫຼມ 21 ອັນ, ແຫວນຄໍາ 1 ບາດ, ເຄື່ອງປະດັບເງີນຈຳນວນໜື່ງ, ໂທລະພາບ 1 ຊຸດ, ຕູ້ເຢັນ 1 ໜ່ວຍ, ຕູ້ໂຊ 1 ໜ່ວຍ, ຕູລໍາໂພງ 1 ໜ່ວຍ, ຈັກຕີເຂົ້າໜ້ອຍ 1 ເຄື່ອງ, ຈັກຊີດຢາຂ້າຫຍ້າ 1 ເຄື່ອງ, ລົດຈັກວູ ຢ່າງເກົ່າ 1 ຄັນ, ເຂົ້າສານ 500 ກິໂລ, ເຂົ້າເປືອກ 2 ໂຕນ, ເຄື່ອງນຸ່ງຫົ່ມ ແລະ ເຄື່ອງໃຊ້ໃນຄົວອື່ນໆ ຖືກໄຟໄໝ້ຈົນໝົດ, ມູນຄ່າເສຍຫາຍທັງໝົດປະມານ 320 ລ້ານກີບ.

May be an image of 8 people and tree