ໄອເອັມເອັຟ ແລະ ທະນາຄານໂລກຫ່ວງສົງຄາມກາຊາ ກະທົບເສດຖະກິດໂລກ

27

ສຳນັກຂ່າວຕ່າງປະເທດລາຍງານວ່າ: ທ່ານນາງ ຄຣິສຕາລີນາ ຈໍຈີວາ ກຳມະການຜູ້ຈັດການກອງທຶນການເງິນສາກົນ ຫລື ໄອເອັມເອັຟ (IMF)ກ່າວໃນກອງປະຊຸມຜູ້ນຳລັດຖະບານໂລກ ທີ່ປະກອບດ້ວຍຜູ້ນຳການເມືອງ ແລະ ຜູ້ນຳພາກທຸລະກິດທີ່ນະຄອນດູໄບ ສະຫະລັດອາຣັບເອມິເຣດ ເມື່ອວວັນຈັນທີ12ກຸມພາວ່າ: ສົງຄາມລະຫວ່າງອິດສະລາແອນ ກັບ ຮາມາສ ທີ່ເລີ່ມມາແຕ່ເດືອນຕຸລາ ປີຜ່ານມາ ສ້າງຄວາມເສຍຫາຍຕໍ່ເສດຖະກິດຕາເວັນອອກກາງແລະ ອາຟຣິກາເໜືອເປັນທີ່ຮຽບຮ້ອຍແລ້ວ ຫາກການສູ້ຮົບຍືດເຍື້ອຕໍ່ໄປ ຈະສົ່ງຜົນກະທົບຕໍ່ເນື່ອງໄປເຖິງເສດຖະກິດໂລກ.

ไม่มีคำอธิบายรูปภาพ

ທ່ານ ນາງຈໍຈີວາ ກ່າວອີກວ່າ: ຜົນການສູ້ຮົບບໍ່ວ່າຈະເປັນຮູບແບບໃດຍ່ອມສ້າງປັນຫາໃຫ້ກັບໂລກໂດຍລວມ ແຕ່ເຖິງຈະມີຄວາມບໍ່ແນ່ນອນຂອງຜົນຈາກສົງຄາມ; ກໍາມະການຜູ້ຈັດການໄອເອັມເອັຟ ເຊື່ອໝັ້ນວ່າຕອນນີ້ເສດຖະກິດໂລກກຽມເຕີບໂຕຊ້າລົງຢ່າງທີ່ພວກເຮົາຕ້ອງການ ແລະ ຄາດວ່າອັດຕາດອກເບ້ຍຈະຫຼຸດລົງໃນໄລຍະກາງປີ ສອດຮັບກັບເງິນເຟີ້.

ຂະນະທີ່ທ່ານ ເອເຈ ບັງກາ ປະທານທະນາຄານໂລກ ກ່າວໃນເວທີດຽວກັນວ່າ ສິ່ງທີ່ເກີດຂຶ້ນໃນກາຊາ ລວມເຖິງອູແກຣນ ແລະ ທະເລແດງ ເປັນໜຶ່ງໃນ ຄວາມທ້າທາຍອັນດັບຕົ້ນໆຂອງທ່າອ່ຽງເສດຖະກິດໂລກ ແລະ ຕ້ອງຕິດຕາມຢ່າງໃກ້ຊິດ.