ລາຄາໂກໂກ້ ເພີ່ມຂຶ້ນສູງສຸດ ຈາກສະພາອາາດແຫ້ງແລ້ງກະທົບຜົນຜະລິດໃນອາຟຣິກາຕາເວັນຕົກ

10

ສຳນັກຂ່າວຕ່າງປະເທດລາຍງານວ່າ: ລາຄາໂກໂກ້ໃນຕະຫຼາດໂລກ ທະຍານຂຶ້ນສູ່ລະດັບສູງສຸດໃນປະຫວັດສາດເມື່ອວັນທີ 8 ກຸມພາຜ່ານມາ ທີ່ລະດັບ5.874ໂດລາສະຫະລັດຕໍ່ໂຕນ ຜົນມາຈາກສະພາບອາກາດແຫ້ງແລ້ງໜັກໃນອາຟຣິກາຕາເວັນຕົກ ຂົງເຂດທີ່ຜະລິດໂກໂກ້ໄດ້ຫຼາຍເຖິງ75%ຂອງການຜະລິດທົ່ວໂລກ.

อาจเป็นรูปภาพของ 1 คน

ໂດຍລາຄາສັນຍາຊື້ຂາຍໂກໂກ້ ເພີ່ມຂຶ້ນກວ່າ1.000ໂດລາສະຫະລັດ ຫລື ເກືອບ 40% ນັບຕັ້ງແຕ່ຕົ້ນປີ2024 ສູ່ລະດັບ5.874ໂດລາສະຫະລັດຕໍ່ໂຕນ ໃນວັນທີ 8 ກຸມພາ 2024.

ປາກົດການເອລນິໂຍ ກຳລັງສົ່ງຜົນໃຫ້ຂົງເຂດອາຟຣິກາຕາເວັນຕົກ ຜະເຊີນກັບອາກາດແຫ້ງແລ້ງຫຼາຍຂຶ້ນ ຈຶ່ງສ້າງ ຄວາມເສຍຫາຍຕໍ່ຜົນຜະລິດໂກໂກ້ໃນປະເທດການາ ແລະ ໄອວໍຣີໂຄດ ເຊິ່ງເປັນສອງປະເທດຜູ້ຜະລິດໂກໂກ້ລາຍໃຫຍ່ ຂອງໂລກ.

ທ່ານ ມິເຊລ ບັກ ປະທານເຈົ້າໜ້າທີ່ບໍລິຫານ ບໍລິສັດ Hershey ບໍລິສັດຜະລິດ ຊ໊ອກໂກແລັດຂອງສະຫະລັດອາເມຣິກາ ຄາດການວ່າຜົນປະກອບການຂອງບໍລິສັດມີທ່າອ່ຽງງຽບເຫງົາໃນປີນີ້ ເນື່ອງຈາກລາຄາໂກໂກ້ສູງເປັນປະຫວັດການ ໂດຍລາຍໄດ້ສຸດທິໄຕມາດ4 ປີ 2023 ຢູ່ທີ່349ລ້ານໂດລາສະຫະລັດ ຫຼຸດລົງເກືອບ12% ເມື່ອທຽບກັບໄຕມາດ 4 ຂອງປີ2022.