ຈຸດຄ່ຽນຖ່າຍສິນຄ້າດ່ານພູດູ່ເລີ່ມໃຫ້ບໍລິການແລ້ວ

76

ໃນວັນທີ 8 ກຸມພາ 2024 ນີ້ໄດ້ມີພິທີເປີດການນຳໃຊ້ຈຸດຄ່ຽນຖ່າຍສິນຄ້າດ່ານສາກົນພູດູ່ ເມືອງປາກລາຍ ແຂວງໄຊຍະບູລີ ແລ້ວໂດຍການໃຫ້ກຽດເຂົ້າຮວ່ມຂອງທ່ານ ບຸນຫຼາຍ ວົງດາລາ ວ່າການເຈົ້າເມືອງປາກລາຍ, ມີທ່ານ ພວງຄຳ ພິລາເກດ ຮອງຫົວໜ້າພະແນກ ໂຍທາທິການ ແລະ ຂົນສົ່ງ ແຂວງ, ແຂກຖືກເຊີນ ແລະ ພາກສ່ວນກຽ່ວຂ້ອງເຂົ້າຮວ່ມ.

May be an image of 12 people and text

ຂໍ້ມູນໃຫ້ຮູ້ວ່າ ຈຸດບໍລິການຄ່ຽນຖາຍສິນຄ້າຢູ່ດ່ານສາກົນພູດູ່ ເມືອງປາກລາຍ ຕັ້ງຢູ່ບໍລິເວນດ່ານສາກົນພູດູ່ ນອນໃນເຂດພັດທະນາເສດຖະກິດຂອງແຂວງ ການຈັດຕັ້ງປະຕິບັດໃນໄລຍະທີ 1 ປະກອບມີ: ເດີ່ນສຳລັບຄ່ຽນຖ່າຍສິນຄ້າ, ຫ້ອງນໍ້າ, ຊິງຊັ່ງນໍ້າໜັກ, ຫ້ອງການບໍລິການ ລວມເນື້ອທີ່ປຸກສ້າງ 12.000 ຕາແມັດ, ສໍາເລັດ100%, ມີມູນຄ່າ 6 ຕື້ກວ່າກີບ, ໄລຍະທີ 2 ຈະອານາໄມ ບຸກເບີກສະຖານທີ່ເພີ່ມ 2 ເຮັກຕາ, ກໍ່ສ້າງເດີ່ນເບຕົງ, ກໍ່ສ້າງຮ່ອງລະບາຍນໍ້າ-ຮົ້ວຖາວອນ ແລະ ກໍ່ສ້າງລະບົບສາງເກັບມ້ຽນສິນຄ້າ ລວມມູນຄ່າທັງໝົດ 28 ຕື້ກວ່າກີບ.

May be an image of 12 people, people golfing, golf course and text

ໂຄງການດັ່ງກ່າວໂດຍການລົງທຶນຂອງ ບໍລິສັດ ວິໄຣພອນ 1818 ກໍ່ສ້າງຄົບວົງຈອນ ຈໍາກັດຜູ້ດຽວ 100% ເພື່ອພັດທະນາການຂົນສົ່ງສິນຄ້າສົ່ງອອກໃຫ້ມີຄວາມສະດວກສະບາຍ ແລະ ເກັບຄ່າບໍລິການຄ່ຽນຖ່າຍ, ຝາກສາງ ໃນລາຄາທີ່ເໝາະສົມ ຕາມການກໍານົດຂອງລັດ ໂດຍຮູບແບບສໍາປະທານທີ່ດິນຂອງລັດຕາມລະບຽບກົດໝາຍ.