ເພງເສົ້າ ເອົາໃຈແຟນໆ “ ປ່ອຍເຈົ້າໄປດີກວ່າ ” ຂອງໜຸ່ມໂອລາ ແບັກອາຍ

26

” ຖ້າເຈົ້າອ່ານໃຈຂ້ອຍໄດ້ …. ເຈົ້າຄົງຮ້ອງໄຫ້ໄປດົນແລ້ວ ” ເນື້ອຫາເສົ້າໆເອົາໃຈສາຍບໍ່ສົມຫວັງກັບຄວາມຮັກເລີຍ ປ່ອຍເຈົ້າໄປດີກວ່າ ຟັງກັນ ຫຼື ຍັງ ເພງໃໝ່ຂອງໜຸ່ມ ໂອລາ ແບັກອາຍ ເຊິ່ງປ່ອຍໃຫ້ໄດ້ຟັງພ້ອມກັນທົ່ວປະເທດແລ້ວ ໃນວັນ 5 ກຸມພາຜ່ານມາ ເຊິ່ງຕອນນີ້ຍອດວິວຫຼາຍພັນກັນແລ້ວ ຢ່າລືມເດີເຂົ້າໄປຟັງກັນມ່ວນກິນໃຈແນ່ນອນເລີຍ.

อาจเป็นรูปภาพของ 2 คน และ งานแต่งงาน

ງານນີ້ບອກເລີຍ ເມື່ອວົງ BLACK EYES ເປີດສະກິວເພງເສົ້າ, ຜູ້ຟັງກໍນໍ້າຕາແຕກນໍາກັນເປັນແຖວກັນເລີຍ ເຊິ່ງຜົນງານເພງໃໝ່ຫຼ້າສຸດນີ້ ຈາກວົງຣັອກຊື່ດັງລະດັບຕໍານານຂອງປະເທດລາວ ແລະ ເປັນຜົນງານເພງສຸດຊຶ້ງທີ່ພວກເຂົາຕັ້ງໃຈເຮັດອອກມາ ໃຫ້ແຟນໆໄດ້ຟັງກັນ ເຊິ່ງບໍ່ຜິດຫວັງ ບໍ່ວ່າຈະເປັນຜົນງານໃດ ເນື້ອຮ້ອງ, ທໍານອງ ແລະ ນໍ້າສຽງອັນເປັນເອກະລັກກໍເປັນທີ່ຕິດຫູຕິດໃຈແຟນໆກັນຢ່າງລົ້ນເຫຼືອ ໃຜຍັງບໍ່ໄດ້ຟັງຮີບໄປຟັງກັນເດີ.

อาจเป็นรูปภาพของ 2 คน

ສິ່ງທີ່ພິເສດສຸດອີກຢ່າງໃນເພງນີ້ ນັ້ນກໍຄືເອັມວີເພງນີ້ແມ່ນໄດ້ສາວງາມ ນ້ອງນຸ້ນ ທິດາຈັນ ນາງສາວລາວ ປະຈໍາປີ 2021 ເປັນນາງເອກເອັມວີອີກດ້ວຍ! ເຊິ່ງນຸ້ນ ແມ່ນໄດ້ຮັບບົດເປັນຄົນຮັກຂອງ ໂອລາ ທີ່ເປັນພະເອກເອັມວີຜູ້ເຄາະຮ້າຍເກີດອຸບັດເຫດທີ່ພາໃຫ້ເປັນອໍາມະພາດ ຈົນຄົນຮັກຕ້ອງມາດູແລ ແຕ່ດ້ວຍຄວາມຮັກລາວເລີຍຢາກປ່ອຍອີກຝ່າຍໄປພົບຄົນທີ່ດີກວ່າລາວຈຶ່ງບໍ່ຕ້ອງທຸກທໍລະມານແບບນີ້ນັ້ນເອງ. ພ້ອມນີ້, ຍັງໄດ້ພະເອກສຸດຫຼໍ່ ໜຸ່ມອຸງ ທົດສະພອນ ມາຮ່ວມສະແດງເອັມວີນໍາ ບອກເລີຍປັງຄູນສາມ ເອັມວີເພງກໍໜ້າຕິດຕາມ ເນື້ອຫາຂອງເພງກໍເສົ້າກິນໃຈ ຢາກໃຫ້ແຟນໆຂ່າວບັນເທີງໄດ້ຕິດຕາມນໍາກັນ.

อาจเป็นรูปภาพของ 4 คน, หน้าม้า, เสื้อ และ ข้อความ

ໃນບາງເທື່ອເຮົາກໍຢາກປ່ອຍໃຫ້ຄົນທີ່ເຮົາຮັກໄປ ເພື່ອໃຫ້ເຂົາມີຄວາມສຸກ ເຖິງວ່າມັນຈະຕ້ອງແລກດ້ວຍ ຄວາມທຸກຂອງເຮົາກໍຕາມ ເພງ ປ່ອຍເຈົ້າໄປດີກວ່າ ສາມາດສື່ຄວາມຮູ້ສຶກນີ້ໄດ້ດີທີ່ສຸດເລີຍ ສາມາດຕິດຕາມໄປຮັບຟັງ ແລະ ການເຄື່ອນໄຫວຜົນງານໄດ້ເລີຍທີ່: Facebook: Black Eyes Laos.