ແຕ່ງຕັ້ງຫົວໜ້າອົງການ ໄອຍະການປະຊາຊົນ ພາກເໜືອ ຜູ້ໃໜ່

109

ໃນໂອກາດທີ່ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດ ພ້ອມຄະນະ ເຄື່ອນໄຫວເຮັດວຽກງານ ຢູ່ແຂວງຫລວງພະບາງລະຫວ່າງວັນທີ 5-7 ກຸມພາ 2024 ນີ້ທ່ານໄດ້ເຂົ້າຮ່ວມພິທີປະກາດແຕ່ງຕັ້ງຫົວໜ້າອົງການໄອຍະການປະຊາຊົນພາກເໜືອ ຜູ້ໃໜ່ ຕາມຂໍ້ຕົກລົງຂອງ ທ່ານຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 094/ອອປສ, ລົງວັນທີ 29 ມັງກອນ 2024 ວ່າດ້ວຍການຍົກຍາຍ ທ່ານ ໄພຄຳ ວິໄລສຸກ ວ່າການຫົວໜ້າອົງການໄອຍະປະຊາຊົນພາກເໜືອ ໄປຮັບໜ້າທີ່ໃໝ່ຢູ່ອົງການໄອຍະການປະຊາຊົນສູງສຸດ, ຂໍ້ຕົກລົງສະບັບເລກທີ 095/ອອປສ, ລົງວັນທີ 29 ມັງກອນ 2024 ວ່າດ້ວຍການຍົກຍ້າຍ ທ່ານ ອ່ອນຈັນ ມະນີວັນ ຫົວໜ້າກົມຕິດຕາມກວດກາການດຳເນີນຄະດີອາຍາ ໄປຮັບໜ້າທີ່ໃໝ່ ເປັນຫົວໜ້າອົງການໄອຍະການປະຊາຊົນພາກເໜືອ.

อาจเป็นรูปภาพของ 1 คน และ ข้อความ
ໃນພິທີ, ທ່ານ ບຸນທັນ ບຸນທະວິໄລ ໄດ້ກ່າວວ່າ: ການແຕ່ງຕັ້ງ, ຍົກຍ້າຍ ແລະ ສັບປ່ຽນໜ້າທີ່ບ່ອນປະຈໍາການ ເຊິ່ງແມ່ນຄວາມຮຽກຮ້ອງຕ້ອງການໜ້າທີ່ການເມືອງທັງສະເພາະໜ້າ ແລະ ຍາວນານ, ເປັນການກໍ່ສ້າງພະນັກງານ ໄປຕາມທິດນໍາຂອງພັກ, ໄປຕາມແຜນກໍານົດພະນັກງານນໍາພາ-ຄຸ້ມຄອງ, ເປັນການສ້າງຄວາມເຂັ້ມແຂງດ້ານການຈັດ ຂອງອົງການໄອຍະການປະຊາຊົນທັງ ຢູ່ສູນກາງ ແລະ ທ້ອງຖິ່ນ ເພື່ອຮັບປະກັນໃນການປະຕິບັດພາລະບົດບາດ, ສິດ ແລະ ໜ້າທີ່ ຂອງອົງການໄອຍະການປະຊາຊົນພາກເໜືອ ໃຫ້ມີຄວາມໜັກແໜ້ນ ແລະ ຄວາມເຂັ້ມ ແຂງໃນການຕິດຕາມກວດກາການເຄົາລົບ, ປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານຕາມກົດໝາຍ.

อาจเป็นรูปภาพของ 6 คน, แท่นบรรยาย และ ข้อความ

ນອກນັ້ນ, ຍັງໄດ້ເນັ້ນໃຫ້ ຄະນະພັກ-ຄະນະນໍາ ອົງການໄອຍະການປະຊາຊົນແຕ່ລະຂັ້ນ ຕ້ອງໄດ້ເພີ່ມທະວີການສຶກສາອົບຮົມ ທາງດ້ານການເມືອງ-ນໍາພາແນວຄິດ ໃຫ້ມີຄວາມໜັກແໜ້ນ, ເອົາໃຈ ໃສ່ເຊື່ອມຊຶມມະຕິຂອງພັກ ກໍຄື ການຈັດຕັ້ງຜັນຂະຫຍາຍ ແນວທາງນະໂຍບາຍຂອງພັກ ເຂົ້າສູ່ການປະຕິບັດພາລະບົດບາດ, ສິດ ແລະ ໜ້າທີ່ ຂອງອົງການໄອຍະການປະຊາຊົນ ໃຫ້ເປັນຮູບປະທໍາ, ການ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ເຂົ້າສູ່ລວງເລີກ, ຜັນຂະ ຫຍາຍບັນດາຄຳສັ່ງ, ຄຳແນະນຳ ຂອງຫົວໜ້າອົງການໄອຍະການປະຊາຊົນສູງສຸດ, ແກ້ໄຂບັນດາຂໍ້ຄົງ ຄ້າງ ແລະ ຕ້ານປະກົດການຫຍໍ້ທໍ້ທີ່ອາດຈະເກີດຂຶ້ນ.
ຄຽງຄູ່ກັນນັ້ນ, ຕ້ອງໄດ້ປັບປຸງແບບແຜນນໍາພາ-ວິທີເຮັດວຽກ, ສ້າງກົນໄກປະສານສົມທົບກັບພາກສ່ວນຕ່າງໆ ເພື່ອປະກັນການດໍາເນີນຄະດີໄປຕາມກົດໝາຍ ແລະ ລະບຽບຫລັກການ ປະກອບ ສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຮັບປະກັນ ໃຫ້ການດໍາເນີນຄະດີໄປຕາມຂະບວນການຍຸຕິທໍາ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ.
ຂ່າວ: ຈະເລີນສິນ