ເບຊອສ ມີແຜນຂາຍຮຸ້ນ ອາເມຊອນ

19

ເຈຟ ເບຊອສ ( Jeff Bezos) ມະຫາເສດຖີເຈົ້າຂອງ ອາເມຊອນ (Amazon ) ວາງແຜນທີ່ຈະຂາຍຮຸ້ນ Amazon ສູງເຖິງ 50 ລ້ານຮຸ້ນໃນ 12 ເດືອນຂ້າງຫນ້າ ໂດຍຄາດວ່າຈະໄດ້ເງິນຫຼາຍພັນລ້ານໂດລາສະຫະລັດ ຂະນະທີ່ລາຄາຮຸ້ນຂອງບໍລິສັດທີ່ເພີ່ມຂຶ້ນ ຈະເຮັດໃຫ້ລາວໃກ້ຈະກາຍມາເປັນຜູ້ ທີ່ຮັ່ງມີທີ່ສຸດໃນໂລກ.

อาจเป็นรูปภาพของ 1 คน และ ข้อความ

ສຳນັກຂ່າວບຣູມເບີກ ລາຍງານເມື່ອບໍ່ດົນມານີ້ວ່າ: ເຈຟ ເບຊອສ Jeff Bezos ມະຫາເສດຖີອັນດັບຕົ້ນຂອງໂລກ ແລະ ຜູ້ກໍ່ຕັ້ງບໍລິສັດ Amazon.com Inc ບໍລິສັດອີຄອມເມີດຍັກໃຫຍ່ ຂອງສະຫະລັດ ກຽມທີ່ຈະຂາຍຮຸ້ນ Amazon ສູງເຖິງ 50 ລ້ານຮຸ້ນໃນ 12 ເດືອນຂ້າງໜ້າ ຫຼັງຈາກບໍລິສັດລາຍງານວ່າຍອດຂາຍທາງອິນເຕີເນັດແມ່ນດີທີ່ສຸດນັບຕັ້ງແຕ່ຍຸກ COVID-19. ເຮັດໃຫ້ລາຄາຮຸ້ນເພີ່ມຂຶ້ນເກືອບ 8% ບັນລຸປະມານ 172 ໂດລາຕໍ່ຮຸ້ນ ຫຼັງຈາກຕະຫຼາດປິດໃນວັນສຸກຜ່ານມາ (2 ກຸມພາ).

ບໍລິສັດ Amazon ບອກຕະຫຼາດໃນວັນສຸກວ່າ: ເບຊອສ ໄວ 60 ປີ ໄດ້ອະນຸມັດແຜນການທີ່ຈະຂາຍ 50 ລ້ານຮຸ້ນໄດ້ທຸກເວລາກ່ອນວັນທີ 31 ມັງກອນ 2025. ນັ້ນໝາຍຄວາມວ່າເບຊອສ ຈະໄດ້ຮັບເງິນປະມານ 8,6 ຕື້ໂດລາ ຖ້າຄິດໄລ່ຈາກລາຄາຮຸ້ນໃນປັດຈຸບັນ.

ມາຮອດວັນທີ 5 ກຸມພາ 2024 ບຸກຄົນຮັ່ງມີທີ່ສຸດຂອງໂລກ ແມ່ນ ອີລອນ ມັກ ມີມູນຄ່າ 205 ຕື້ໂດລາສະຫະລັດ, ໃນຂະນະທີ່ອັນດັບ 2 ແມ່ນ ເຈຟ ເບຊອສ ຢູ່ທີ່ 197 ຕື້ໂດລາສະຫະລັດ.