ໂອອີຊີດີ ປັບເພີ່ມການເຕີບໂຕເສດຖະກິດໂລກປີນີ້ຂຶ້ນເປັນ 2,9%

22

ໂອອີຊີດີ ໄດ້ປັບເພີ່ມຄາດການເສດຖະກິດໂລກປີນີ້ເປັນ2,9% ຈາກເດີມທີ່ຄາດວ່າຈະເຕີບໂຕ2,7%ໂດຍໄດ້ແຮງຍູ້ຈາກເສດຖະກິດ ສະຫະລັດອາເມຣິກາທີ່ສົດໃສ ຊົດເຊີຍການຊະລໍຕົວຂອງເສດຖະກິດໃນຢູໂຣໂຊນໄດ້.

ອົງການຮ່ວມມືເສດຖະກິດ ແລະ ການພັດທະນາ ຫຼືໂອອີຊີດີ(OECD) ໄດ້ເຜີຍແຜ່ບົດລາຍງານວິໄສທັດເສດຖະກິດສະບັບຫຼ້າສຸດເມື່ອວັນທີ 5 ກຸມພານີ້ ວ່າ: ປີ 2024ເສດຖະກິດໂລກຄາດວ່າຈະເຕີບໂຕໃນລະດັບ 2,9% ເຊິ່ງຫຼຸດລົງຈາກລະດັບ3,1%ໃນປີ2023 ແຕ່ຕົວເລກດັ່ງກ່າວຢູ່ໃນລະດັບສູງກວ່າ 2,7% ທີ່ໂອອີຊີດີຄາດການໄວ້ໃນເດືອນພະຈິກ 2023.

อาจเป็นรูปภาพของ บันไดหนีไฟ, แสงอาทิตย์ลับขอบฟ้า, สะพานบรูคลิน, ไทม์สแควร์, ตึกระฟ้า และ สะพานควีนส์โบโร

ແຕ່ໂອອີຊີດີ ຍັງຮັກສາໂຕເລກການເຕີບໂຕໃນປິ 2025 ທີ່ລະດັບ 3% ເຊັ່ນເດີມ ໂດຍຄາດວ່າເສດຖະກິດໃນປີດັ່ງກ່າວ ຈະໄດ້ແຮງຍູ້ໜູນຈາກທະນາຄານກາງລາຍໃຫຍ່ຫຼາຍແຫ່ງ ພາກັນປັບຫຼຸດອັດຕາດອກເບ້ຍ ຈາກແຮງກົດດັນອັດຕາເງິນເຟີ້ທີ່ອ່ອນແຮງລົງ.

ໃນນີ້ໂອອີຊີດີ ຄາດວ່າເສດຖະກິດ ສະຫະລັດອາເມຣິກາ ຈະຂະຫຍາຍຕົວ2,1% ໃນປີ2024 ເພີ່ມຂຶ້ນຈາກ1,5% ຂອງຄາດການຄັ້ງກ່ອນ ແລະ ຄາດວ່າປີ2025 ຈະເຕີບໂຕໃນລະດັບ1,7 ເຊິ່ງບໍ່ປ່ຽນແປງຈາກຄາດການກ່ອນໜ້ານີ້ ເນື່ອງຈາກການປັບຕົວລົງຂອງເງິນເຟີ້ໜູນການຂະຫຍາຍຕົວຂອງຄ່າຈ້າງແລະ ຈະກະຕຸ້ນໃຫ້ທະນາຄານກາງສະຫະລັດ ປັບຫຼຸດອັດຕາດອກເບ້ຍ.

ບົດລາຍງານໄດ້ເນັ້ນໜັກວ່າ: ສະພາບການເຄັ່ງຕຶງຂອງພູມສາດການເມືອງຍັງຄົງເປັນແຫຼ່ງທີ່ມາອັນຕົ້ນຕໍຂອງປັດໄຈທີ່ບໍ່ແນ່ນອນ, ບວກກັບການປະທະກັນຢູ່ເຂດຕາເວັນອອກກາງໄດ້ຜັນແປຮຸນແຮງຕື່ມອີກ, ການຂົນສົ່ງທາງເຮືອຢູ່ທະເລແດງໄດ້ປະເຊີນກັບໄພຂົ່ມຂູ່ ແລະ ເຮັດໃຫ້ຕົ້ນທຶນການຂົນສົ່ງເພີ່ມຂຶ້ນ, ທັງໄດ້ແກ່ຍາວເວລາການມອບສົ່ງສິນຄ້າຂອງບໍລິສັດທີ່ຜູ້ສະໜອງນໍາອີກ. ຖ້າຫາກວ່າການປະທະກັນຮ້າຍແຮງຂຶ້ນຕື່ມ, ປັດໄຈເຫຼົ່ານີ້ອາດຈະນຳເອົາຄວາມກົດດັນມາໃຫ້ແກ່ລາຄາສິນຄ້າອີກເທື່ອໜຶ່ງ.