ອາທິດໜ້ານີ້ແລ້ວ! ງານວາງສະແດງສິນຄ້າ ກະສິກໍາ-ຫັດຖະກໍາ ແລະ ອຸດສາຫະກໍາ ນາຊາຍທອງ

38

ເມືອງນາຊາຍທອງ ກຽມພ້ອມຈັດງານວາງສະແດງສິນຄ້າປະຈໍາປີ 2024 ເຊິ່ງເປັນຄັ້ງທີ 27 ຂຶ້ນ ລະຫວ່າງ ວັນທີ 13-19 ກຸມພາ 2024 ນີ້; ຄາດຈະມີຫຼາຍຮ້ອຍຫົວໜ່ວຍຜູ້ປະກອບການເຂົ້າຮ່ວມ ພ້ອມເຊີນຊວນພໍ່ແມ່ປະຊາຊົນ ໄປຫຼິ້ນ ໄປມ່ວນ ໄປຊອກ ໄປຊື້ ຢູ່ເມືອງລາວໃຊ້ເງິນກີບລາວ ສົ່ງເສີມສິນຄ້າລາວ.

ພິທີຖະແຫຼງຂ່າວ ຈັດຂຶ້ນເມື່ອ ວັນທີ 5 ກຸມພາ 2024 ທີ່ຫ້ອງວ່າການເມືອງນາຊາຍທອງ ໂດຍມີທ່ານ ພູວອນ ພົງລາດແກ້ວ ຮອງເຈົ້າເມືອງນາຊາຍທອງ, ທ່ານ ຄໍາໝັ້ນ ສິນສະໄໝ ຫົວໜ້າຫ້ອງການ ຖວທ ເມືອງ ແລະ ທ່ານ ບຸນຫົງ ທໍາມະວົງ ຜູ້ອໍານວຍການ ບໍລິສັດ EFL ໃນນາມຜູ້ສໍາປະທານການຈັດງານ ໄດ້ຖະແຫຼງຕໍ່ສື່ມວນຊົນ.

No description available.
ທ່ານ ພູວອນ ພົງລາດແກ້ວ ໄດ້ກ່າວວ່າ: ເມືອງນາຊາຍທອງກໍເປັນເມືອງໜຶ່ງທີ່ນອນໃນຈໍານວນ 9 ຕົວເມືອງຂອງນະຄອນຫຼວງວຽງຈັນ; ມີເນື້ອທີ່ຜະລິດກະສິກໍາກວ້າງຂວາງສົມຄວນ. ພິເສດ: ມີອ່າງນໍ້າຫຸມ ແລະ ອ່າງນໍ້າຊວງ ທີ່ເປັນອ່າງເກັບ ແລະ ກັກນໍ້າທີ່ສາມາດຕອບສະໜອງ ໃຫ້ແກ່ເນື້ອທີ່ການຜະລິດພາຍໃນເມືອງນາຊາຍທອງ ບວກໃສ່ພໍ່ແມ່ປະຊາຊົນມີຄວາມດຸໝັ່ນຂະ ຫຍັນພຽນໃນການປູກຝັງ-ລ້ຽງສັດ.

No photo description available.
ສໍາລັບການຈັດງານຕະຫຼາດນັດ ກໍເປັນຂະບວນການໜຶ່ງຂອງຄະນະພັກ-ອົງການປົກຄອງເມືອງນາຊາຍທອງ ເຊິ່ງໄດ້ຈັດຕັ້ງປະຕິບັດ ເລີ່ມແຕ່ປີ 1996 ເປັນຕົ້ນມາ ເຊິ່ງປີນີ້ ເປັນຄັ້ງທີ 27 ຈຸດປະສົງເພື່ອເປັນການກະຕຸກຊຸກຍູ້ສົ່ງເສີມການຜະລິດກະສິກໍາ-ຫັດຖະກໍາ ແລະ ອຸດສາຫະກໍາ ຢູ່່ພາຍໃນເມືອງໃຫ້ມີຄວາມເຕີບໃຫຍ່ເຂັ້ມແຂງຕໍ່ເນື່ອງ ເຊິ່ງເມືອງນາຊາຍທອງ ກໍເປັນເມືອງໜຶ່ງ ທີ່ມີກາລະໂອກາດ ມີທ່າແຮງ ແລະ ເງື່ອນໄຂໃນການຜະລິດກະສິກໍາ ປູກຝັງ-ລ້ຽງສັດ ເພື່ອທົດແທນການນໍາເຂົ້າຕາມນະໂຍບາຍສົ່ງເສີມຂອງລັດຖະບານ. ພ້ອມດຽວກັນນັ້ນ, ກໍເພື່ອເປີດກວ້າງການຄ້າການບໍລິການ ແລະ ການທ່ອງທ່ຽວ ຂອງເມືອງໃຫ້ຂະຫຍາຍ ຕົວຢ່າງມີປະສິດທິພາບ ໄປພ້ອມໆກັບການສົ່ງເສີມສິນຄ້າໂອດັອບ, ສົ່ງເສີມການພັດທະນາວິສາ ຫະກິດ ຂະໜາດນ້ອຍ ແລະ ຂະໜາດກາງ; ເຕົ້າໂຮມຄວາມສາມັກຄີ, ໂຄສະນາດ້ານການຕະ ຫຼາດ ແລະ ສ້າງເວທີແລກປ່ຽນບົດຮຽນຂອງຊາວກະສິກອນ, ຊາວຊ່າງຫັດຖະກໍາ, ຄອບຄົວຕົວແບບ, ຄອບຄົວທີ່ມີການຜະລິດຕ່າງໆ.

No photo description available.
ໃນໂອກາດດຽວກັນ ທ່ານ ບຸນຫົງ ທໍາມະວົງ ກໍໄດ້ເຜີຍວ່າ: ຜູ້ຈັດງານມີຄວາມພ້ອມ 100% ທີ່ຈະຮັບໃຊ້ພໍ່ແມ່ພີ່ນ້ອງ ກໍຄືຜູ້ປະກອບການຢູ່ເມືອງນາຊາຍທອງ ຫຼື ມາຈາກຕ່າງເມືອງ-ຕ່າງແຂວງ ທີ່ຈະນໍາເອົາສິນຄ້າຂອງຕົນເອງໄປວາງສະແດງ ຄາດວ່າຈະມີຫຼາຍຮ້ອຍຫົວໜ່ວຍກິດຈະການເຂົ້າຮ່ວມ ເຊິ່ງໄລຍະດັ່ງກ່າວໄດ້ກວມເອົາວັນທີ 14 ກຸມພາ ກໍຈະຈັດໃຫ້ມີເວທີຄອນ ເສີດໄປພ້ອມ. ຂໍເຊີນຊວນພໍ່ແມ່ປະຊາຊົນ ໄປຫຼິ້ນ ໄປມ່ວນ ໄປຊອກ ໄປຊື້ ຢູ່ເມືອງລາວໃຊ້ເງິນກີບລາວ ສົ່ງເສີມສິນຄ້າລາວ ເຮັດແນວໃດ ໃຫ້ສິນຄ້າເຮົາໄດ້ຮັບການພັດທະນາ ແລະ ຂາຍຫຼາຍຂຶ້ນ ກ້າວໄປສູ່ການສົ່ງອອກໃນອະນາຄົດ.
ງານວາງສະແດງສິນຄ້າ ກະສິກໍາ-ຫັດຖະກໍາ ແລະ ອຸດສາຫະກໍາ ນາຊາຍທອງ ຄັ້ງທີ 27 ຈະຈັດຂຶ້ນເປັນເວລາ 7 ວັນ ທີ່ບ້ານ ແຈ້ງສະຫວ່າງ ເມືອງນາຊາຍທອງ ນະຄອນຫຼວງວຽງຈັນ ສາມາດໄປພົວພັນເຂົ້າຮ່ວມງານວາງສະແດງຢູ່ສະຖານທີ່ດັ່ງກ່າວໄດ້ເລີຍ.