ເອົາໃຈໃສ່ ຜົນຜະລິດດີປູກມັນຕົ້ນຂາຍກໍ່ພໍມີລາຍຮັບ

30

ຫຼາຍຄັ້ງຄົນເຮົາມັກແນມຫາສິ່ງທີ່ຢູ່ໄກຕົວເພາະເຫັນຄົນອື່ນເຮັດແລ້ວໄດ້ເງິນ ແຕ່ທ່ານຮູ້ບໍວ່າຄວາມສາມາດແຕ່ລະຄົນບໍ່ຄືກັນ ສະນັ້ນຈົ່ງສ້າງປະໂຫຍດຈາກສິ່ງໃກ້ຕົວ ເພ່ືອໃຫ້ເປັນອາຊີບເປັນຕົວເປັນກຳລັງແຮງຂັບເຄື່ອນຄອບຄົວໃຫ້ກ້າວໄປໜ້າ ຕົວຢ່າງການປູກພຶດຜັກ, ປູກມັນຕົ້ນຫຼາຍຕໍ່ຫຼາຍຄອບຄົວກໍ່ມີຊີວິດທີ່ດີຂຶ້ນ ມີສິ່ງທີ່ຕ້ອງການຍ້ອນຂອງໃກ້ຕົວເຫຼົ່ານີ້ນັ້ນເອງ.

May be an image of 1 person and grass

ດັ່ງຄອບຄົວ ລຸງຄຳມຸນ ສີວົງສາ ປະຊາຊົນບ້ານໝາກນາວເໜືອ ເມືອງໄຊບູລີ ແຂວງສະຫວັນນະເຂດ ຊຶ່ງເປັນຄອບຄົວຕົວແບບໃນການປູກມັນຕົ້ນຂາຍເປັນສິນຄ້າທີ່ມີລາຍໄດ້ຈາກການຂາຍມັນຕົ້ນສູງເຖິງ 240.000.000 ກີບ/ປີ ສະເລ່ຍລາຍຮັບ 80.000.000 ກີບ/ເຮັກຕາ.

No photo description available.

ລຸງຄຳມຸນ ສີວົງສາ ໄດ້ໃຫ້ສໍາພາດຕໍ່ຜູ້ສື່ຂ່າວທ້ອງຖິ່ນວ່າ: ແຮງຈູງໃຈທີ່ຢາກຫັນມາປູກມັນຕົ້ນເປັນສິນຄ້າກໍ່ຍ້ອນວ່າເຫັນຄົນບ້ານໃກ້ເຮືອນຄຽງປູກ ແລະ ມີລາຍຮັບດີ ກໍເລີຍມີຄວາມຢາກປູກຄືໝູ່ ເບື້ອງຕົ້ນມີແຮງງານໃນຄອບຄົວ 6 ຄົນ, ຈ້າງແຮງງານຊ່ວຍຕື່ມ 4-5 ຄົນ, ຄ່າຈ້າງແຮງງານແມ່ນ 100.000 ກີບ/ວັນ ເພື່ອເປັນການປະຢັດເວລາເຮັດວຽກໃຫ້ສັ້ນເຂົ້າ. ສ່ວນແນວພັນທີ່ນໍາມາປູກປີທຳອິດແມ່ນໄດ້ຂໍແນວພັນຈາກໝູ່ ແລະ ຊື້ແນວພັນຈາກຄົນພາຍໃນບ້ານ.

No photo description available.

ຄອບຄົວຂອງລຸງປູກມາໄດ້ 4 ປີແລ້ວແນວພັນກໍ່ສາມາດກຸ້ມຕົນເອງ ແລະ ຂາຍເປັນສ່ວນໜຶ່ງ,ເປັນແນວພັນປັບປຸງທີ່ໃຫ້ຜົນຜະລິດສູງ. ລຸງແນະນຳວ່າ ວິທີການປູກມັນຕົ້ນໃຫ້ໄດ້ຜົນຕອບແທນດີທີ່ສຸດແມ່ນໃຫ້ປູກໃນຊ່ວງໄລຍະເດືອນ ມີນາ-ເດືອນເມສາ ໄລຍະນີ້ມັນຈະສາມາດຄຸມຫຍ້າໄດ້ດ້ວຍໂຕຂອງມັນເອງ, ໄລຍະຫ່າງຂອງການປູກແມ່ນ 70 ຊັງຕີແມັດຕໍ່ຕົ້ນ ບໍ່ໃຫ້ຖີ່ເກີນໄປ, ຖ້າປູກໃນຊ່ວງລະດູຝົນຈະຕ້ອງໄດ້ດູແລເສຍຫຍ້າ,ບົວລະບັດຫຼາຍຂຶ້ນກ້າວໄປເຖິງການໃຊ້ຕົ້ນທຶນແຮງງານໃນການບົວລະບັດຮັກສາຫຼາຍຂຶ້ນເຮັດໃຫ້ເຮົາມີຜົນກຳໄລໜ້ອຍເມື່ອຫັກຕົ້ນທຶນອອກ.

May be an image of longan and grass

ປັດຈຸບັນຄອບຄົວ ລຸງ ຄຳມຸນ ສີວົງສາ ມີເນື້ອທີ່ປູກມັນທັງໝົດ 3 ເຮັກຕາ ເຫັນວ່າໄດ້ດີກວ່າປີຜ່ານມາເພາະລາຄາກໍ່ສູງຂຶ້ນ, ດີໃຈທີ່ພັກ-ລັດທາງຂັ້ນເທິງເພີ່ນໄດ້ກະຈາຍບໍລິສັດຊື້ມັນ ແລະ ເພີ່ມລາຄາຊື້ມັນຕົ້ນຂຶ້ນ ແລະ ມີແນວພັນໃຫມ່ເຂົ້າມາໃຫ້ປະຊາຊົນໄດ້ປູກ. ທ່ານ ຄຳມຸນ ສີວົງສາ ຍັງໃຫ້ຮູ້ຕື່ມອີກວ່າພາຍຫລັງທີ່ຫັນມາປູມັນຕົ້ນຂາຍເຫັນວ່າຊີວິດການເປັນຢູ່ຂອງຄອບຄອບແມ່ນດີຂຶ້ນຫຼາຍເມື່ອທຽບໃສ່ກັບເມື່ອກ່ອນ ຊຶ່ງປັດຈຸບັນແມ່ນສາມາດຊື້ລົດຈັກ, ລົດໃຫຍ່ ແລະ ຊື້ດິນກຽມຈະປູກຢາງພາລາຕື່ມອີກໃນເນື້ອທີ່ 9 ເຮັກຕາທີ່ແຂວງຄຳມ່ວນ.

May be an image of grass