ອີຣັກ ແລະ ອາເມຣິກາ ເຈລະຈາຮອບທຳອິດແນໃສ່ ຫຼຸດຜ່ອນການປະຈຳການຂອງກອງທັບຕ່າງປະເທດ

13

VOVWORLD ຂອງຫວຽດນາມລາຍງານວ່າ: ວັນທີ 27 ມັງກອນ ຢູ່ນະຄອນຫຼວງແບັກແດດ, ອີຣັກ ແລະ ອາເມລິກາ ໄດ້ຈັດ “ຮອບເຈລະຈາທຳອິດ” ກ່ຽວກັບອະນາຄົດຂອງກອງທັບ ອາເມລິກາ ແລະ ບັນດາປະເທດອື່ນຢູ່ປະເທດນີ້.

ທ່ານ Farhad Alaaldinທີ່ປຶກສາການພົວພັນຕ່າງປະເທດຂອງ ທ່ານນາຍົກລັດຖະມົນຕີ ອີຣັກ ກ່າວຕໍ່ສື່ມວນຊົນໂດຍ ຢັ້ງຢືນວ່າ: “ອີຣັກ ໃຫ້ຄຳໝັ້ນສັນຍາກັບບັນດາປະເທດເຂົ້າຮ່ວມກຳລັງທະຫານປະສົມສາກົນ ວ່າ ຈະບັນລຸໄດ້ບັນດາຂໍ້ຕົກລົງເພື່ອຜົນປະໂຫຍດດີທີ່ສຸດຂອງ ອີຣັກ ແລະ ບັນດາປະເທດນີ້”. ສ່ວນທ່ານນາງ Sabrina Singh ຮອງເລຂາດ້ານການຂ່າວຂອງທຳນຽບ 5 ແຈ ໄດ້ຢັ້ງຢືນວ່າ: ແບັກແດດ ແລະ ວໍຊິງຕັນ ຈະເຈລະຈາ ກ່ຽວກັບການປະຈຳການຂອງກອງທັບ ອາເມລິກາ ຢູ່ ອີຣັກ.

ກ່ອນໜ້ານັ້ນ, ວັນທີ 25 ມັງກອນ, ວໍຊິງຕັນ ໄດ້ປະກາດວ່າ: ໄດ້ເຫັນດີເຫັນພ້ອມກັບ ແບັກແດດ ກ່ຽວກັບເລືື່ອງສ້າງ “ບັນດາກຸ່ມນັກຊ່ຽວຊານ ລວມມີ: ບັນດານັກຊ່ຽວຊານການທະຫານ ແລະ ປ້ອງກັນປະເທດ”, ຂຶ້ນກັບຄະນະກຳມະການການທະຫານຂັ້ນສູງ ໄດ້ສ້າງຕັ້ງຕາມຂໍ້ຕົກລົງກັບ ແບັກແດດ. ບັນດາກຸ່ມນີ້ຈະພິຈາລະນາ 3 ປັດໄຈຕົ້ນຕໍ່ລວມມີ: “ໄພນາບຂູ່ຈາກອົງການລັດ ອິດສະລາມ (IS), ບັນດາຄຳຮຽກຮ້ອງກ່ຽວກັບການເຄື່ອນໄຫວ ແລະ ສິ່ງແວດລ້ອມ, ກໍ່ຄືລະດັບຄວາມສາມາດ ຂອງກຳລັງປ້ອງກັນ ຄວາມສະຫງົບ ອີຣັກ”.