ຝຶກອົບຮົມການຍ້ອມສີແບບທຳມະຊາດໃຫ້ແກ່ຊາວບ້ານຫ້ວຍດ້ອຍ

8

 

ຫ້ອງການອຸດສາຫະກຳ ແລະ ການຄ້າເມືອງ ໄດ້ເປີດຝຶກອົບຮົມວິທີຍ້ອມສີທໍາມະຊາດໃຫ້ແກ່ກຸ່ມຜະລິດຕໍ່າຫູກທໍໄໝ ບ້ານຫ້ວຍດ້ອຍ ເມືອງໃໝ່ ແຂວງຜົ້ງສາລີ ໃນລະຫວ່າງວັນທີ 25 – 26 ມັງກອນ 2024 ຢູ່ໂຮງຮຽນປະຖົມບ້ານຫ້ວຍດ້ອຍ.
ໂດຍເປັນກຽດເຂົ້າຮ່ວມຂອງ ທ່ານ ທອງສະມຸດ ຕັນສະທອນ ຮອງຫົວໜ້າຫ້ອງການອຸດສາຫະກຳ ແລະ ການຄ້າ ເປັນຄູຝຶກ ໂດຍ ທ່ານ ບຸນຈັນ ຄໍາສະຫວັນ ຫົວໜ້າໜ່ວຍງານອຸດສາຫະກໍາ ແລະ ຫັດຖະກໍາ ເຊິ່ງມີບັນດາສະມາຊິກກຸ່ມຜະລິດເຂົ້າຮ່ວມທັງໝົດ ຈໍານວນ 40 ຄົນ.

ໃນການຝຶກອົບຮົມໃນຄັ້ງນີ້ໄດ້ຝຶກວິທີຍ້ອມສີທໍາມະຊາດ ຈໍານວນ 2 ສີ ຄື: ສີທອງ ແລະ ສີເຫຼືອງ ໂດຍນໍາໃຊ້ວັດຖຸດິບທີ່ມີຢູ່ໃນທ້ອງຖິ່ນເປັນຫຼັກໃນການຝຶກອົບຮົມໃນຄັ້ງນີ້ ໃຊ້ເວລາ 2 ວັນເຕັມ ໂດຍຝຶກອົບຮົມ 2 ພາກ ຄື: ພາກທິດສະດີ ແລະ ພາກປະຕິບັດຕົວຈິງ ເພື່ອເຮັດໃຫ້ຊາວບ້ານມີຄວາມເຂັ້ມແຂງໃນການຕໍ່າຫູກຜະລິດເປັນສິນຄ້າໂອດ໊ອບໃຫ້ນັບມື້ມີການຜັນຂະຫຍາຍສີໄມ້ລາຍມືຂອງຕົນໃຫ້ດີຂຶ້ນ ເຮັດໃຫ້ສີລາຍຂອງສິ້ນມີຄວາມສວຍສົດງົດງາມ ປະຈັກຕາໄດ້ເປັນທີ່ນິຍົມຂອງສັງຄົມ ນຸ່ງຖືຕາມວັດທະນະທຳລາວໆ.