ຂີ່ລົດໄຟແບບບັນເທິງ ສ້າງບັນຍາກາດທີ່ດີຕ້ອນຮັບປີທ່ອງທ່ຽວລາວ 2024

12

 

ເພື່ອເປັນການສ້າງບັນຍາກາດທີ່ດີຕ້ອນຮັບປີທ່ອງທ່ຽວລາວ 2024, ມອບຄວາມມ່ວນຊື່ນໃຫ້ແກ່ຜູ້ໂດຍສານ ແລະ ສົ່ງເສີມຊຸກຍູ້ແລກປ່ຽນດ້ານວັດທະນະທຳແລະມິດຕະພາບລະຫວ່າງລາວ-ຈີນໃຫ້ເລິກເຊິ່ງ ດຶງດູດນັກທ່ອງທ່ຽວຂ້າມແດນໃຫ້ມາທ່ຽວລາວໃນເທດສະການກຸດຈີນທີ່ຈະມາເຖິງ, ອາທິດແລ້ວນີ້ບໍລິສັດທາງລົດໄຟລາວ-ຈີນຈຳກັດ ຮ່ວມກັບໂທລະພາບກວາງຊີ ໄດ້ຮ່ວມກັນຈັດກິດຈະກຳ “ງານດົນຕີລົດໄຟ” ໂດຍມີການສະແດງສິລະປະພື້ນເມືອງອັນຈົບງາມ ແລະ ດຶງດູດຂອງລາວ-ຈີນ, ບົດຟ້ອນຈາກນ້ອງໆນັກຮຽນເຍົາວະຊົນລາວ, ນັກຮ້ອງສິລະປິນຊື່ດັງຂອງລາວແລະຈີນ ຈຳນວນຫຼວງຫຼາຍ ມາບັນເລງຄວາມມ່ວນຊື່ນເທິງລົດໄຟ.

May be an image of 5 people and crowd

ນອກນີ້, ຍັງມີການສະແດງອຸ່ນເຄື່ອງຢູ່ໃນສະຖານີ ພ້ອມທັງມີພະນັກງານທາງລົດໄຟຮ່ວມສະແດງນຳ ສ້າງຄວາມມ່ວນຊື່ນໃຫ້ຜູ້ໂດຍສານຢູ່ໃນຫ້ອງລໍຖ້າ, ເຖິງບາງຄົນຈະບໍ່ໄດ້ຂຶ້ນລົດໄຟເພື່ອຊົມການສະແດງ ແຕ່ກໍຍັງໄດ້ຮັບຊົມການສະແດງຢູ່ໃນສະຖານີຢ່າງໃກ້ຊິດ ອັນເປັນການສ້າງຄວາມມ່ວນຊື່ນ ແລະ ຄວາມຕື່ນເຕັ້ນໃຫ້ແກ່ຜູ້ໂດຍສານຢູ່ພາຍໃນຫ້ອງລໍຖ້າໄດ້ເປັນຢ່າງດີ.

May be an image of 7 people
ຜູ້ໂດຍສານທ່ານໜຶ່ງທີ່ໄດ້ຮັບຊົມການສະແດງຄັ້ງນີ້ໄດ້ເວົ້າວ່າ: “ເມື່ອເຫັນໂພສເຕີໂຄສະນາງານດົນຕີໃນຄັ້ງນີ້ ກໍຮູ້ສຶກຕື່ນເຕັ້ນຢາກເຂົ້າຮ່ວມທັນທີ, ພໍດີຕົນເອງກໍຈະເດີນທາງໃນມື້ນັ້ນຢູ່ແລ້ວ ຈິ່ງໄປຊື້ປີ້ຕູ້ລົດໄຟສະແດງລອງເບິ່ງ, ເມື່ອໄດ້ຂຶ້ນໄປແລ້ວກໍບໍ່ຜິດຫວັງ ປານວ່າທັງໄດ້ເດີນທາງ ແລະໄດ້ເຂົ້າຮ່ວມງານບຸນດົນຕີໂດຍບໍ່ເສຍຄ່າ!” ຜູ້ໂດຍສານອີກທ່ານໜຶ່ງໄດ້ກ່າວວ່າ: “ລາຍການສະແດງມີແຕ່ແນວຕື່ນເຕັ້ນ, ໄດ້ເຫັນການສະແດງສິລະປະພື້ນເມືອງທີ່ທັນສະໄຫມຂອງຈີນທີ່ບໍ່ເຄີຍເຫັນມາກ່ອນ, ລາຍການສະແດງຂອງເດັກນ້ອຍເຍົາວະຊົນກໍໜ້າຮັກດີ, ໄດ້ເຫັນນັກຮ້ອງຊື່ດັງທັງລາວ ແລະ ຈີນຫຼາຍທ່ານ, ສຸດທ້າຍມ່ວນຫຼາຍແມ່ນຕອນພາຜູ້ໂດຍສານຮ່ວມຂຶ້ນເຕັ້ນນຳ ບໍ່ເຄີຍເຫັນງານດົນຕີເທິງລົດໄຟແບບນີ້ມາກ່ອນ, ຫວັງວ່າໂອກາດໜ້າຈະມີງານແບບນີ້ອີກ.”

May be an image of 8 people and crowd

ທ່ານ ນາງ ວັນສີ ສຸກຈະເລີນ ຮອງຫົວໜ້າກົມສິລະປະ-ວັດທະນະທຳ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ກ່າວວ່າ: “ປີ 2024 ແມ່ນປີທ່ອງທ່ຽວລາວ ແລະ ປີໝູນວຽນເປັນປະທານຂອງອາຊຽນ, ງານດົນຕີທີ່ຈັດຂຶ້ນນີ້ຈະຊ່ວຍສົ່ງເສີມການທ່ອງທ່ຽວລາວ ແລະ ສົ່ງເສີມການແລກປ່ຽນວັດທະນະທຳລະຫວ່າງລາວ-ຈີນ, ຂ້າພະເຈົ້າຫວັງວ່າ ໃນອະນາຄົດຈະມີງານແບບນີ້ຫຼາຍຂຶ້ນ, ຍິນດີຕ້ອນຮັບນັກທ່ອງທ່ຽວຈາກນາໆປະເທດມາທ່ຽວລາວຫຼາຍຂຶ້ນ.”

May be an image of 5 people, hat, suitcase and text
ພວກເຮົາ ຈະສືບຕໍ່ກິດຈະກຳສົ່ງເສີມການທ່ອງທ່ຽວວັດທະນະທໍາລົດໄຟຕໍ່ໄປ ສ້າງໃຫ້ທາງລົດໄຟເປັນເວທີເຊື່ອມຈອດມິດຕະພາບ ແລະ ວັດທະນະທຳຂອງລາວ ແລະ ສາກົນ, ສືບຕໍ່ໃຫ້ການບໍລິການທີ່ດີຕໍ່ປະຊາຊົນ ສ້າງທາງລົດໄຟໃຫ້ເປັນເສັ້ນທາງແຫ່ງຄວາມຜາສຸກ, ສົ່ງເສີມບົດບາດການທ່ອງທ່ຽວ ແລະ ນຳພາປະເທດຊາດໃຫ້ໄປສູ່ເວທີສາກົນ.

 

May be an image of 5 people and crowd