ລັດຖະບານປະດັບຫຼຽນໄຊແຮງງານຊັ້ນ I ໃຫ້ ກະຊວງ ຮສສ ໃນຜົນງານ 30 ປີ

20

ໃນວັນທີ 26 ມັງກອນຜ່ານມາໄດ້ມີພິທີປະດັບຫຼຽນໄຊແຮງງານຊັ້ນ I ແລະ ກອງປະຊຸມວຽກແຮງງານ ແລະ ສະຫວັດດີການສັງຄົມທົ່ວປະເທດປະຈຳປີ 2023 ທີ່ເຮືອນຮັບແຂກກະຊວງແຮງງານ ແລະ ສະຫວັດດີການສັງຄົມ( ຮສສ) ເປັນກຽດເຂົ້າຮ່ວມຂອງທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ມີ ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍ ຄະນະນຳກະຊວງ ຮສສ ພະນັກງານຫຼັກແຫຼ່ງ ແລະ ພາກສ່ວນກ່ຽວຂ້ອງເຂົ້າຮ່ວມ.

May be an image of 4 people and text
ພິທີປະດັບຫຼຽນໄຊແຮງງານ ຊັ້ນ 1 ໃນຄັ້ງນີ້ ເປັນເຫດການທີ່ມີຄວາມໝາຍສໍາຄັນທາງດ້ານຂະບວນວິວັດແຫ່ງການເຕີບໃຫຍ່ຂະຫຍາຍຕົວຂອງຂະແໜງແຮງງານ ແລະ ສະຫວັດດີການສັງຄົມ ທີ່ໄດ້ປະກອບສ່ວນເຄື່ອນໄຫວຈັດຕັ້ງປະຕິບັດໜ້າທີ່ການເມືອງ ໄປຄຽງຄູ່ກັບຂະແໜງການອື່ນ ຕະຫຼອດໄລຍະ 30 ປີຜ່ານມາເຊິ່ງບັນດາຜົນງານເຫຼົ່ານີ້ ລ້ວນແຕ່ ໄດ້ຮັບການສັນລະເສີນ ແລະ ຈົດຈໍາບຸນຄຸນ ຄຸນງາມຄວາມດີຂອງການນຳ ພະນັກງານແຕ່ລະຮຸ່ນທີ່ໄດ້ປະກອບສ່ວນຈັດຕັ້ງປະຕິບັດໜ້າທີ່ການເມືອງ ທີ່ພັກ-ລັດ ມອບໝາຍ ທັງເປັນການປະກອບສ່ວນເຂົ້າໃນຜົນງານ ລວມໃນພາລະກິດປົກປັກຮັກສາ ແລະ ພັດທະນາປະເທດຊາດອີກດ້ວຍ.

May be an image of 10 people, dais and text

ຈາກຜົນງານ ດັ່ງກ່າວ ຈິ່ງເຮັດໃຫ້ ລັດຖະບານ ຕົກລົງປະດັບຫຼຽນໄຊແຮງງານ ຊັ້ນ 1 ເພື່ອຍ້ອງຍໍສັນລະເສີນຜົນງານທີ່ຂະແໜງແຮງງານ ແລະ ສະຫວັດດີການສັງຄົມ ຍາດມາໄດ້ ເປັນກຽດຂຶ້ນປະດັບຫຼຽນໄຊແຮງງານຊັ້ນ 1 ໂດຍທ່ານ ພົນເອກ ຈັນສະໝອນ ຈັນຍາລາດ.

May be an image of 13 people and text
ພາຍຫຼັງສຳເລັດພິທີປະດັບຫຼຽນໄຊແຮງງານຊັ້ນ 1 ແລ້ວ ກໍສືບຕໍ່ກອງປະຊຸມວຽກແຮງງານ ແລະ ສະຫວັດດີການສັງຄົມທົ່ວປະເທດປະຈຳປີ 2023 ເຊິ່ງກອງປະຊຸມດັ່ງກ່າວໄດ້ດຳເນີນມາເປັນເວລາ 2 ວັນດ້ວຍບັນຍາກາດອັນຟົດຟື້ນ ມີຄວາມຮັບຜິດຊອບສູງຂອງບັນດາຜູ້ແທນທີ່ເຂົ້າຮ່ວມກອງປະຊຸມ ໂດຍໄດ້ພ້ອມກັນຕີລາຄາຜົນສໍາເລັດ ຂໍ້ຄົງຄ້າງ ແລະ ຄົ້ນຄວ້າກໍານົດມາດຕະການໃນການຈັດຕັ້ງບັນດາຕົວເລກຄາດໝາຍສູ້ຊົນໃນຕໍ່ໜ້າ ພ້ອມທັງໄດ້ຄົ້ນຄວ້າ ປຶກສາຫາລື ແລະ ປະກອບຄໍາຄິດຄໍາເຫັນບັນຫາທີ່ຕິດພັນກັບດ້ານວິຊາການລົງເລິກການແບ່ງຂັ້ນຄຸ້ມຄອງລະຫວ່າງກະຊວງ ແລະ ສາຍຕັ້ງຂອງຕົນ ການພັດທະນາສີມືແຮງງານ ການຈັດຫາວຽກເຮັດງານທຳ ການຄຸ້ມຄອງແຮງງານ ການປັບປຸງລະບົບປະກັນສັງຄົມເພື່ອຂະຫຍາຍອັດຕາການປົກຄຸ້ມ ການຄຸ້ມຄອງເປົ້າໝາຍທີ່ຈະໄດ້ຮັບນະໂຍບາຍສະແດງຄວາມກະຕັນຍູຮູ້ບຸນຄຸນຕໍ່ຜູ້ມີຜົນງານ ຄຸນງາມຄວາມດີຕໍ່ການປະຕິວັດ ການປະຕິບັດງານແກ້ໄຂບັນຫາລະເບີດບໍ່ທັນແຕກຕົກຄ້າງ ການຫັນເປັນທັນສະໄໝໃນຂົງເຂດແຮງງານ ແລະ ສະຫວັດດີການສັງຄົມ.

May be an image of 8 people, dais and text