ສຕລ ປະກາດລາຍຊື່ ກຳມະການຕັດສິນ ຟີຟາ ປະຈໍາປີ 2024 ພ້ອມເຮັດໜ້າທີ່

28

ສະຫະພັນບານເຕະນາໆຊາດ ຫຼື FIFA ໄດ້ຕົກລົງແຕ່ງຕັ້ງກຳມະການຕັດສິນ ແລະ ຜູ້ຊ່ວຍກໍາມະການຕັດສິນບານເຕະ FIFA 2024 ລວມເຖິງກໍາມະການຕັດສິນຟຸດຊໍ FIFA 2023 ຂອງ ສປປລາວ ເຊິ່ງປີນີ້ປະກອບມີທັງຫມົດຈຳນວນ 10 ທ່ານ ເຊິ່ງໃນນັ້ນມີກຳມະການໃຫມ່ 1 ທ່ານຄື : ທ່ານ ລຸນ ສຸດທິວົງ ຈາກ ມະຫາວິທະຍາໄລແຫ່ງຊາດລາວ ເຊິ່ງເປັນຄົນພື້ນຖານແຂວງອຸດົມໄຊ.
ໂດຍ ສຕລ ປະກາດຢ່າງເປັນທາງການວ່າ:
– ກຳມະການຕັດສິນ (ຊາຍ) FIFA ຈຳນວນ 2 ທ່ານ:
1. ທ່ານ ສວຍ ວົງຄຳ
2. ທ່ານ ຄຳສິງ ໄຊຍະວົງສີ

– ກຳມະການ (ຍິງ) FIFA ຈຳນວນ 1 ທ່ານ
1. ທ່ານ ນາງ ແກ້ວມະນີ ເພັງເມືອງຄູນ
– ຜູ້ຊ່ວຍກຳມະການຕັດສິນ (ຊາຍ) FIFA ຈຳນວນ 5 ທ່ານ:
1. ທ່ານ ພອນສຸກສັນ ເຕໂຊ
2. ທ່ານ ກິຫລ້າ ລາດຊະວົງ
3. ທ່ານ ບຸນເຊີນ ມອນອາລັກ
4. ທ່ານ ບຸນອູ້ມ ລາດຊະວົງ
5. ທ່ານ ລຸນ ສຸດທິວົງ ( ກຳມະການຟີຟາໃຫມ່ )

– ຜູ້ຊ່ວຍກຳມະການ (ຍິງ) FIFA ຈຳນວນ 1 ທ່ານ:
1. ທ່ານ ນາງ ພຸດສະຫວັນ ຈັນທະວົງ
– ກຳມະການຟຸດຊໍ FIFA ຈຳນວນ 1 ທ່ານ
1.ທ່ານ ຄຳປະສົງ ໄຊຍະວົງສີ

ສຳລັບ ກຳມະການຕັດສິນທັງໝົດ ກຽມພ້ອມຕັດສິນລາຍການຕ່າງໆທີ່ ສະຫະພັນບານເຕະແຫ່ງຊາດລາວ ຈັດຂຶ້ນທັງພາຍໃນ ແລະ ຕ່າງປະເທດ ລວມເຖິງມີໂອກາດໄດ້ໄປຕັດສິນລາຍການຂອງ ຟີຟາ, ສະຫະພັນບານເຕະອາຊີ ( ເອເອັຟຊີ ) ແລະ ສະຫະພັນບານເຕະອາຊຽນ ( ເອເອັຟເອັຟ ).