ອີຊີບີ ຄາດປີນີ້ອາດບໍ່ມີການປັບຫຼຸດອັດຕາດອກເບ້ຍ

26

ທ່ານ ໂຣເບິດ ໂຮລແມນ ສະມາຊິກຄະນະກຳມະການຄວບຄຸມນະໂຍບາຍຂອງທະນາຄານກາງເອີຣົບ(ອີຊີບີ) ກ່າວວ່າ: ອີຊີບີ ອາດບໍ່ມີການປັບຫຼຸດອັດຕາດອກເບ້ຍຕະຫຼອດປີນີ້ ຂ້າພະເຈົ້າບໍ່ສາມາດຈິນຕະນາການ ໄດ້ວ່າເຮົາຈະຫາລືກັນກ່ຽວກັບການປັບຫຼຸດອັດຕາດອກເບ້ຍໄດ້ ເນື່ອງຈາກເຮົາຍັງບໍ່ຄວນເວົ້າເຖິງເລື່ອງນີ້ ເພາະສິ່ງທີ່ເຮົາເຫັນໃນຊ່ວງຫຼາຍອາທິດທີ່ຜ່ານມາ ລ້ວນບົງຊີ້ໄປໃນທິດທາງກົງກັນຂ້າມ. ດັ້ງນັ້ນ ຄາດວ່າເຮົາຈະບໍ່ມີການປັບຫຼຸດອັດຕາດອກເບ້ຍໃນປີນີ້, ທ່ານ ໂຣເບິດ ໂຮລແມນ ກ່າວໃນການປະຊຸມ World Economic Forum (WEF) ທີ່ດາວອສ ປະເທດສະວິດ.

อาจเป็นรูปภาพของ ตึกระฟ้า

ທັງນີ້ ອັດຕາເງິນເຟີ້ຂອງຢູໂຣໂຊນ ດີດຕົວຂຶ້ນ2,9% ໃນເດືອນທັນວາ ໂດຍໄດ້ແຮງໜູນຈາກການພຸ່ງຂຶ້ນຂອງລາຄາພະລັງງານ ຂະນະທີ່ເປົ້າໝາຍເງິນເຟີ້ຂອງອີຊີບີຢູ່ໃນລະດັບ2%.

ທ່ານ ໂຮລແມນ ກ່າວເສີມວ່າ: ຖ້າເຮົາຍັງບໍ່ເຫັນເງິນເຟີ້ກຳລັງຫຼຸດລົງສູ່ລະດັບ2% ຢ່າງຊັດເຈນ ເຮົາກໍຍັງບໍ່ສາມາດປະກາດໄດ້ວ່າເຮົາຈະປັບຫຼຸດອັດຕາດອກເບ້ຍໄດ້ເມື່ອໃດ.