ຕຳແຈ່ວໂອດບອນ ບ່າຍເຂົ້າຮ້ອນໆ

17 Jan 2024

ຄລິກແຊຣ໌ 0 Facebook WhatsApp

ແຈ່ວໂອດບອນ ບ່າຍກິນກັບເຂົ້າໜຽວຮ້ອນໆ ກັບ ປີ້ງປາ ອາຫານພື້ນເມືອງລາວເຮົາອີກປະເພດໜຶ່ງ, ການຕຳແຈ່ວໂອດບອນແມ່ນສາມາດຕຳໄດ້ຫຼາຍແບບໂດຍຂຶ້ນກັບແຕ່ລະທ້ອງຖິ່ນ ຫຼື ຕາມຄວາມມັກຂອງແຕ່ລະຄົນ ເຊິ່ງບາງຄົນກໍຕຳແຈ່ວໂອດບອນໃສ່ປາ…ແຕ່ມື້ນີ້ຄໍລຳອາຫານພວກເຮົາຈະພາທ່ານມາເຮັດແຈ່ວໂອດບອນສູດຜູ້ຂຽນເຮັດກິນເອງມາແນະນຳ (ໂດຍວິທີນີ້ຈະບໍ່ໃສ່ປາເລີຍ).

ไม่มีคำอธิบายรูปภาพ
▶ ວັດຖຸດິບ: ໂອດບອນ, ໝາກເຜັດດິບ, ຫົວຫອມບົ່ວ, ຫົວຜັກທຽມ, ເກືອ, ແປ້ງນົວ, ຫອມປ້ອມ, ຫອມບົ່ວ, ຫົວສີໃຄ, ຂ່າ.

ไม่มีคำอธิบายรูปภาพ

▶ຂັ້ນຕອນເຮັດ: ໂອດບອນ ຖ້າຢາກໃຫ້ຫອມໃຫ້ເອົາມາຫໍ່ໃສ່ໃບຕອງປີ້ງອີກເລັກໜ້ອຍ, ລ້າງຫອມປ້ອມ, ຫອມບົ່ວຊອຍໄວ້, ຈີ່ຫົວ ຫອມບົ່ວ, ຫົວຜັກທຽມ, ໝາກເຜັດ, ຫົວຂ່າໃຫ້ສຸກ, ຈາກນັ້ນກໍນຳໝາກເຜັດ, ຫົວຫອມບົ່ວ, ຫົວຜັກທຽມ, ເກືອ, ແປ້ງນົວ, ພ້ອມຊອຍຫົວສີໃຄ ແລະ ຂ່າເປັນຕ່ອນນ້ອຍໆລົງຄົກພ້ອມກັນແລ້ວຕຳໃຫ້ລະອຽດ

อาจเป็นรูปภาพของ เส้นก๋วยเตี๋ยว, ปลาแองโชวี่ และ มอสทะเล

ຈາກນັ້ນກໍນຳໂອດບອນ (ຕັດໃຫ້ສັ້ນ) ລົງໄປຕຳໃຫ້ລະອຽດ ຊີມລົດຊາດຕາມໃຈມັກພໍດີແລ້ວ ຈາກນັ້ນກໍນຳຫອມທີ່ຊອຍລົງໄປຕຳໃຫ້ເຂົ້າກັນ ຖືວ່າເປັນອັນສຳເລັດ ຕັກໃສ່ຖ້ວຍພ້ອມເສີບໄດ້.

ຕິດຕາມພວກເຮົາຜ່ານຊ່ອງທາງຕ່າງໆ

ຂ່າວທີ່ກ່ຽວຂ້ອງ