ຍິງລາວທັງງາມທັງເກັ່ງ ມອບ 100 ລ້ານກີບ+ພ້ອມສ້າງເຮືອງຫຼັງງາມໃຫ້ແມ່ ຫຼັງຈາກປະສົບຜົນສໍາເລັດ

124

ເປັນອີກໜຶ່ງເລື່ອງລາວທີ່ບົ່ງບອກວ່າ ແມ່ຍິງລາວ ທັງງາມທັງເກັ່ງຢ່າງ ທ່ານ ນາງ ດາ ສີລະມາດ CEO ແບຣນ DA ສະຫຼອງຄວາມສໍາເລັດຂອງຕົວເອງ, ຈັດງານການຕະຫຼາດທາງອອນລາຍ ( Online Marketing 2024 ) ແລະ ສະຫຼອງຍອດຂາຍ 1 ລ້ານອັນ ຂຶ້ນເມື່ອວັນທີ 28 ທັນວາ 2023 ທີ່ໂຮງແຮມ ຄລາວພາຊາ ( Crown Plaza Hotel ) ນະຄອນຫຼວງວຽງຈັນ ສປປ ລາວ.

ໃນພິທີ ດາ ຍັງສ້າງຄວາມຕືນເຕັ້ນກາງເວທີດ້ວຍການ ມອບ 100 ລ້ານກີບ ໃຫ້ແມ່ ພ້ອມສ້າງເຮືອນຫຼັງງາມໆໃຫ້ແມ່ອີກດ້ວຍ ບໍ່ວ່າຈະເປັນຜູ້ມອບ ແລະ ຜູ້ຮັບ ລວມເຖິງແຂກທີ່ເຂົ້າຮ່ວມງາມ ນໍ້າຕາຊຶມກັນທັງງານ ດ້ວຍຄວາມພາກພູມໃຈ ເພາະສາວດາ ໄດ້ເລົ່າເລື່ອງຊີວິດຂອງຕົວເອງ ກ່ອນຈະມາເຖິງຈຸດນີ້ ຕ້ອງສູນເສຍ, ຜ່ານຜ່າ ແລະ ອົດທົນຕໍ່ສູ້ກັບຫຼາຍສິ່ງ ໂດຍທີ່ມີພໍ່ແມ່ ແລະ ຄົນຮັກທີ່ຄອຍສະໜັບສະໜູນ ລວມເຖິງຢາກເຫັນພວກເຮົາປະສົບຜົນສໍາເລັດ.

CEO ແບຣນ DA ກ່າວຝາກໃນງານວ່າ: ເຮົາຕ້ອງ “ສໍາເລັດໃຫ້ໄວ ໃຫ້ທັນຄົນທີ່ຢາກເຫັນເຮົາສໍາເລັດ” ຢ່າມົວແຕ່ເຮັດວຽກ ຫາເງິນຈົນລືມບາງຄົນທີ່ເຂົາຢາກຢູ່ກັບເຮົາ ຢາກມີເວລາກັບເຮົາ ເພາະຕໍ່ໃຫ້ມື້ໃດທີ່ເຮົາຫາກປະສົບຜົນສໍາເລັດ ເຮົາມີເງິນຄໍາຫຼວງຫຼາຍ ຖ້າຫັນມາແລ້ວ ບໍ່ເຈີໃຜ ບໍ່ມີຄົນທີ່ເຮົາເຮັດເພື່ອເຂົາ ມັນອາດບໍ່ມີຄວາມໝາຍ
ຮູບ-ຂ່າວ: Larh Creators