ເຈດີ ປະກາດເພີ່ມເງິນເດືອນໃຫ້ພະນັກງານເກືອບ 2 ເທົ່າ

18

ສຳນັກຂ່າວຕ່າງປະເທດລາຍງານວ່າ JD.com ແພລັດຟອມອີຄອມເມີສ ລາຍໃຫຍ່ຂອງຈີນ ມີແຜນເພີ່ມເງິນເດືອນຄັ້ງໃຫຍ່ໃຫ້ແກ່ພະນັກງານ ໂດຍສະເພາະພະນັກງານຝ່າຍຈັດຊື້ ແລະ ຝ່າຍຂາຍ ເກືອບ 2 ເທົ່າ ເລີ່ມວັນທີ 1 ມັງກອນ 2024, ສ່ວນພະນັກນັກງານຝ່າຍຂາຍຍ່ອຍ ຈະໄດ້ເພີ່ມປະມານ 20%.

ໃນໄຕມາດ 3 ຂອງປີ 2023 JD.com ໃຊ້ເງິນປະມານ 26 ພັນລ້ານຢວນ ເພື່ອຈ່າຍຄ່າແຮງງານ ຫຼື ເງິນເດືອນແກ່ພະນັກງານ, ທ່າມກາງການແຂ່ງຂັນທຸລະກິດອີຄອມເມີສທີ່ຮຸນແຮງ ແລະ ຄວາມບໍ່ແນ່ນອນສູງ ເນື່ອງຈາກຜູ້ບໍລິໂພກໃຊ້ຈ່າຍໜ້ອຍລົງ ແຕ່ຕະຫຼາດອີຄອມເມີສໃນຈີນ ຄາດວ່າ ມີທ່າອ່ຽງຟື້ນຕົວດີຂຶ້ນໃນປີ 2024.

JD.com ເປັນຜູ້ຄ້າຍ່ອຍອອນລາຍອັນດັບ 2 ຂອງຈີນ ແຕ່ເສຍຕຳແຫນ່ງໃຫ້ແກ່ບໍລິສັດອີຄອມເມີສລາຍໃໝ່ໆ ໃນຊຸມປີຜ່ານມາ ເຊິ່ງບໍລິສັດໄດ້ຫາທາງເພີ່ມຍອດຂາຍ ໂດຍໃນໄຕມາດ 3 ຂອງປີ 2023 JD.com ມີລາຍໄດ້ເພີ່ມຂຶ້ນ 1,7% ສູງກວ່າທີ່ຄາດການໄວ້.