ລະອຽດມົດຈົດ ຫຼັງງານບຸນທາດຫຼວງ ປີນີ້ຈັດໄດ້ງົດງາມຫຼາຍ

37

ຄືດັ່ງທີ່ຂ່າວເສດຖະກິດ-ການຄ້າໄດ້ລົງຂ່າວໄປກ່ອນໜ້ານີ້ກ່ຽວກັບການຈັດສັນບັນຫາຂີ້ເຫຍື້ອ ຊຶ່ງປີນີ້ຄະນະຈັດງານບຸນໄດ້ເພີ່ມທັງຖັງຂີ້ເຫຍື້ອ ແລະຄົນທີ່ບໍລິຫານຈັດການສະເພາະເລື່ອງນີ້ ບວກກັບການປະຊາສຳພັນລ່ວງໜ້າຂອງບັນດາສື່ ເຫັນວ່າພໍ່ແມ່ປະຊາຊົນທີ່ມາຮ່ວມງານກໍ່ໃຫ້ຄວາມຮ່ວມມື ເຮັດໃຫ້ງານບຸນປີນີ້ສະອາດຈົບງາມ ແລະຂີ້ເຫຍື້ອທີ່ຖືກຖີ້ມຊະຊາຍບໍ່ຫຼາຍແຮງຄືຜ່ານໆມາ.

May be an image of 7 people and text

ທາງຄະນະຈັດງານບຸນທາດຫຼວງໄດ້ເປີດເຜີຍວ່າ ປີນີ້ ທາງຜູ້ຈັດງານໄດ້ວາງຢາຍຖັງຂີ້ເຫຍື້ອ 300 ຖັງ ໃນແຕ່ລະຈຸດ ບໍລິເວນບຸນທາດຫຼວງ ພ້ອມທັງເພີ່ມບຸກຄະລາກອນຮັກສາຄວາມສະອາດໃຫ້ເປັນ 270 ຄົນ ນອກຈາກນີ້ຍັງມີຖົງຢາງດຳສະເພາະໃສ່ຂີ້ເຫຍື້ອຢາຍຢູ່ຕາມຈຸດຕ່າງໆທີ່ໄກຈາກຖັງແນ່ບວກກັບບັນດາອາສາສະໝັກທັງຫຼາຍ ເພື່ອຈັດຂີ້ເຫຍື້ອໃນງານບຸນໂດຍສເພາະ ຈຶ່ງເຮັດໃຫ້ປີນີ້ການບໍລິຫານຈັດການເລື່ອງຂີ້ເຫຍື້ອດີຂຶ້ນຫຼາຍພໍສົມຄວນ.

May be an image of grass

ແນວໃດກໍ່ຕາມຕ້ອງຊົມເຊີຍ ບຸກຄະລາກອນຮັກສາຄວາມສະອາດ ແລະ ອາສາສະຫມັກຕ່າງໆ ທີ່ເກັບມ້ຽນຂີ້ເຫຍື້ອໄດ້ເປັນຢ່າງດີ
ພາຍຫຼັງທີ່ສຳເລັດການຈັດງານບຸນນະມັດສະການພຣະທາດຫຼວງແລ້ວ ໂດຍລວມເຫັນໄດ້ວ່າ ປີ 2023 ນີ້ ມີການຈັດການກັບຂີ້ເຫຍື້ອໄດ້ເປັນຢ່າງດີ ໂດຍກຽມຖັງຂີ້ເຫຍື້ອໄປໃນແຕ່ລະຈຸດໃຫ້ທົ່ວເຖິງ ພ້ອມຍັງມີໜ່ວຍງານມາເກັບມ້ຽນໃນເວລາຂີ້ເຫຍື້ອເຕັມຖັງອີກດ້ວຍ.

May be an image of 1 person, temple and text

ຊົມເຊີຍຜູ້ມາທ່ຽວບຸນນຳເດີ້

May be an image of 7 people and service vehicle