ເວັບໄຊສຳນັກຂ່າວ budapesttimes.hu ຂອງຮົງກາຣີ ລາຍງານວ່າ: ລັດຖະບານຮົງກາຣີ ໄດ້ຕັດສິນໃຈຂະຫຍາຍເວລາສ່ວນຫຼຸດການບັງຄັບ ສຳລັບຜະລິດຕະພັນອາຫານ, ການຈໍາກັດອັດຕາດອກເບ້ຍເງິນຝາກຂອງນັກລົງທຶນ ສະຖາບັນ ແລະ ເອກະຊົນບາງຄົນ, ຕະຫຼອດຮອດຂໍ້ຫ້າມໃນການໂອນເງິນສ່ວນຫຼຸດຂອງທະນາຄານກາງ ແບບບໍ່ຈໍາກັດຈົນເຖິງໝົດປີນີ້.
ເພດານອັດຕາດອກເບ້ຍເງິນຝາກ, ກຳນົດໄວ້ທີ່ອັດຕາຜົນຕອບແທນຂອງ T-bill ທີ່ເປັນພັນທະບັດຂອງລັດຖະບານ ໂດຍສະເລ່ຍ 3 ເດືອນ ໂດຍເປີດຕົວເມື່ອວັນທີ 22 ພະຈິກ 2022 ເຊິ່ງຖືກກຳນົດໃຫ້ໝົດອາຍຸໃນວັນທີ 30 ກັນຍາ 2023. ເພດານນີ້, ໃຊ້ກັບນັກລົງທຶນສະຖາບັນ, ກອງທຶນບໍາເນັດ – ບໍານານ, ບໍລິສັດປະກັນໄພ ແລະ ກອງທຶນການລົງທຶນ ເຊັ່ນດຽວກັບລູກຄ້າທະນາຄານຂາຍຍ່ອຍທີ່ 20 ລ້ານໂຟຣິນ ( forints ) ປະມານ 51.300 ເອີໂຣ ຫຼື ຫຼາຍກວ່ານັ້ນຢູ່ໃນບັນຊີຂອງພວກເຂົາ.
ລາຍງານລະບຸວ່າ: ລັດຖະບານ ຍັງຕັດສິນໃຈຂະຫຍາຍເວລາການຫ້າມໂອນເງິນສ່ວນຫຼຸດຂອງທະນາຄານກາງ ແບບບໍ່ຈໍາກັດຈົນເຖິງ 31 ທັນວາ 2023.
ຂະນະດຽວກັນ, ຮ້ານສັບພະສິນຄ້າ ( ຊຸບເປີ້ມາເກັດ ) ກໍຫຼຸດລາຄາສິນຄ້າຕາມຄໍາສັ່ງຂອງລັດຖະບານ ເຊິ່ງຈະຕ້ອງລາຍງານຢ່າງເປັນປົກກະຕິ ກ່ຽວກັບຜະລິດຕະພັນອາຫານຈໍານວນໜຶ່ງ ທີ່ໄດ້ຮັບການຂະຫຍາຍເວລາຈົນໄປເຖິງທ້າຍປີນີ້.
