ກະແສກໍາລັງມາເລີຍ ເອີ້ນໄດ້ວ່າມີຄວາມໂດດເດັ່ນ ມາແຮງ ແລະ ເປັນໜຶ່ງໃນຕົວເຕັງໃນເວທີ Miss Universe 2023 ບ໊ອບບີ້ ພາວີນ້າ ມູນວົງສາ ຕົວແທນເພື່ອເຜີຍແຜ່ ແລະ ນໍາສະເໜີແຂວງບໍລິຄໍາໄຊ ເວົ້າໄດ້ວ່າເວທີ Miss Universe Laos 2023 ປີນີ້ ຜູ້ເຂົ້າປະກວດແມ່ນມີຫຼາຍຫຼາກ ຄວາມສາມາດ.
ສະນັ້ນ, ຕ້ອງຕິດຕາມເບິ່ງອີກໜຶ່ງສາວ ບ໊ອບບີ້ ພາວີນ້າ ມູນວົງສາ ນາງແບບສາວໝັ້ນ ຜູ້ຝັນໄກໃນການມາຄວ້າມົງກຸດຈາກເວທີນາງງາມຈັກກະວານລາວປີນີ້ ເຊິ່ງນ້ອງບ໊ອບບີ້ ນໍ້າໜັກ 51 ກິໂລກຣາມ, ສູງ 165 ຊັງຕີແມັດ ອາຍຸ 21 ປີ ແລະ ປັດຈຸບັນກໍາລັງສຶກສາຢູ່ທີ່ປະເທດຫວຽດນາມ ປີທີ 2 ສາຂາວິທະຍາສາດສິ່ງແວດລ້ອມ ແລະ ການຈັດການ.
ຜົນງານທີ່ຜ່ານມາເຄີຍປະກວດ Laos super model 2019 ແລະ ເປັນ top 10, ເຄີຍເປັນ extra ຊີຣີເລື່ອງ ຄວາມຮັກ ຄວາມລັບ ( secret love the series ), ຖ່າຍແບບວາລະສານຂອງ Wow magazine society Laos ແລະ ເປັນ Wow Freshy girl 2021. ນອກນີ້, ຍັງມີຜົນງານດ້ານການເດີນແບບຖ່າຍແບບຕ່າງໆອີກດ້ວຍ.
ສາວຄົນນີ້ຍັງມີຄວາມສາມາດພິເສດຫຼາກຫຼາຍຢ່າງບໍ່ວ່າຈະເປັນການຮ້ອງເພງ, ພິທີກອນ ແລະ ພິເສດສຸດໆຄືເວົ້າໄດ້ເຖິງ 4 ພາສາກັນເລີຍ ບໍ່ວ່າຈະເປັນ ພາສາລາວ, ໄທ, ອັງກິດ ແລະ ຫວຽດນາມ, ພ້ອມນີ້ຍັງມີຄະຕິປະຈໍາໃຈຂອງເພິ່ນແມ່ນ : “ I’m Bobby, I’m sexy and I’m confident ” ຖືໄດ້ວ່າເປັນຜູ້ເຂົ້າປະກວດທີ່ມີທັງຄວາມໝັ້ນໃຈ, ທັງຄວາມຄວາມສາມາດ ແລະ ພອນສະຫວັນກັນເລີຍ.
ສໍາລັບສາວງາມຄົນນີ້ແມ່ນຜ່ານເຂົ້າຮອບ 15 ຄົນ ເປັນທີ່ຮຽບຮ້ອຍແລ້ວ ໂດຍສາວຄົນນີ້ ໄດ້ນິຍາມຄວາມເປັນຕົວຕົນຂອງຕົນເອງວ່າ ບຸກຄະລິກເປັນຄົນແຮງໆ ແຕ່ໃຈດີ, ຕະຫຼົກເຮຮາ ແລະ ເປັນກັນເອງກັບທຸກຄົນ ແລະ ມີເປົ້າໝາຍສູງສຸດໃນຊີວິດຄືການໄດ້ຮຽນຮູ້ ແລະ ເຕີບໃຫຍ່ ຢ່າງມີຄຸນຄ່າ ພຽບພ້ອມຄວາມສາມາດ ຢາກເຫັນຕົວເອງມີ ຄວາມສຸກ, ຄອບຄົວ ແລະ ປະສົບຜົນສຳເລັດໃນທຸກໆດ້ານທີ່ຕັ້ງໃຈໄວ້ ເປົ້າໝາຍປຽບເໝືອນເສັ້ນໄຊທີ່ເຮົາຕ້ອງແລ່ນໃຫ້ເຖິງ.
ນອກນີ້, ຍັງມີໂຄງການທີ່ຢາກເຂົ້າຮ່ວມຄືການຢາກສົ່ງເສີມໂຄງການເດັກນ້ອຍທີ່ດ້ອຍການພັດທະນາທາງດ້ານການສຶກສາ ເພາະເຊື່ອວ່າການສຶກສາຈະເປັນໃບເບີກທາງໃຫ້ພວກເຂົາເອົາຕົວລອດໃນສັງຄົມ ແລະ ມີວຽກເຮັດງານທຳທີ່ດີໃນອະນາຄົດ ເພາະເດັກຄືອະນາຄົດຂອງຊາດເຊັ່ນດຽວກັນ.
ແຟນຂ່າວບັນເທີງ ແລະ ແຟນໆເວທີ Miss universe laos ຢ່າລືມເດີ ມາຮ່ວມເຊຍ ຮ່ວມເປັນກໍາລັງໃຈໃຫ້ສາວງາມຄົນນີ້ທີ່ມາລ່າຕາມຄວາມຝັນໃນເວທີ Miss Universe laos 2023 ແລະ ຝາກພີ່ນ້ອງແຂວງບໍລິຄໍາໄຊ ສົ່ງກໍາລັງໃຈເຊຍເພິ່ນແດ່ ສາມາດຕິດຕາມການເຄື່ອນໄຫວຂອງນ້ອງໄດ້ຜ່ານທາງເຟສ ບຸ໊ກ Bobby Mounvongsa.
