ກຳປູເຈຍ ລົງທຶນພັດທະນາທ່າເຮືອ “ ສີຫານຸວີລ ” ເປັນສູນກາງການຂົນສົ່ງ

03 May 2023

ຄລິກແຊຣ໌ 0 Facebook WhatsApp

ສຳນັກຂ່າວຊິນຫົວລາຍງານວ່າ: ສົມເດັດ ຮຸນເຊນ ນາຍົກລັດຖະມົນຕີກຳປູເຈຍ ໄດ້ເປີດເຜີຍຕໍ່ສື່ມວນຊົນ ໃນໂອກາດເຂົ້າຮ່ວມພິທີວາງສີລາລືກ ໂຄງການພັດທະນາທ່າເຮືອ ສີຫານຸວີລ ວ່າ: ໂຄງການພັດທະນາທ່າເຮືອສີຫານຸວີລ ( Sihanoukville ) ຈະປະກອບສ່ວນສຳຄັນຕໍ່ການພັດທະນາເສດຖະກິດ ລວມທັງການຄ້າລະຫວ່າງປະເທດຂອງກຳປູເຈຍ ຂະຫຍາຍຕົວຂຶ້ນ, ນອກຈາກນີ້ຍັງສາມາດຫຼຸດຕົ້ນທຶນການຂົນສົ່ງທາງທະເລ ແລະ ດຶງດູດການລົງທຶນຈາກພາກເອກະຊົນທັງພາຍໃນ ແລະ ຕ່າງປະເທດຫຼາຍຂຶ້ນ.

อาจเป็นรูปภาพของ คลอง Panama Canal และ ข้อความ

ໃນຂະນະທີ່ລັດຖະມົນຕີກະຊວງໂຍທາທິການ ແລະ ຂົນສົ່ງຂອງກຳປູເຈຍ ກ່າວວ່າ: ໂຄງການກໍ່ສ້າງທ່າເຮືອແຫ່ງໃໝ່ແບ່ງອອກເປັນ 3 ໄລຍະ ໂດຍໄລຍະທຳອິດຈະກໍ່ສ້າງທ່າທຽບເຮືອບັນທຸກສິນຄ້າທົ່ວໄປເທິງບົກ ແລະ ທ່າທຽບເຮືອບັນທຸກຕູ້ຄອນເທັນເນີ ມີລວງຍາວ 350 ແມັດ ແລະ ເລິກ 14,5 ແມັດ ເຊິ່ງສາມາດຮອງຮັບເຮືອບັນທຸກຕູ້ຄອນເທັນເນີຂະໜາດ 4.000 TEU ໂດຍຄາດວ່າໄລຍະທຳອິດຈະໃຊ້ງົບປະມານ 275 ລ້ານໂດລາ ແລະ ຈະໃຫ້ສຳເລັດໃນປີ 2026. ຂະນະທີ່ໂຄງການກໍ່ສ້າງໄລຍະທີ 2 ຈະເລີ່ມລົງມືໃນປີ 2025 – 2028 ແລະ ໄລຍະທີ 3 ຈະເລີ່ມລົງມືໃນປີ 2026 – 2029 ໂດຍຄາດວ່າຈະລົງທຶນທັງໝົດ 698 ລ້ານໂດລາ.

อาจเป็นรูปภาพของ โรงกลั่นน้ำมัน และ คลอง Panama Canal

ປັດຈຸບັນທ່າເຮືອສີຫານຸວີລ ສາມາດຮອງຮັບຕູ້ຄອນເທັນເນີໄດ້ປະມານ 700.000 TEU ຕໍ່ປີ ແລະ ຈະເພີ່ມເປັນ 1,4 ລ້ານ TEU ໃນປີ 2026 ແລະ ເພີ່ມເປັນ 2,58 ລ້ານ TEU ໃນປີ 2029.

ຕິດຕາມພວກເຮົາຜ່ານຊ່ອງທາງຕ່າງໆ

ຂ່າວທີ່ກ່ຽວຂ້ອງ