ນາຍົກຈີນຄົນໃໝ່ ສັນຍາວ່າຈະສ້າງວຽກເຮັດງານທຳ ປັບປຸງສະພາບແວດລ້ອມທາງທຸລະກິດ

18

ສຳນັກຂ່າວຕ່າງປະເທດລາຍງານວ່າ: ທ່ານ ຫຼີ ສຽງ ນາຍົກລັດຖະມົນຕີຄົນໃໝ່ຂອງຈີນ ໄດ້ຖະແຫຼງຂ່າວຕໍ່ສື່ມວນຊົນ ພາຍຫຼັງສຳເລັດກອງປະຊຸມສະພາປະຊາຊົນແຫ່ງຊາດຈີນ ຄັ້ງທີ 14 ທີ່ນະຄອນຫຼວງ ປັກກິ່ງ ວ່າ: ລັດຖະບານຈີນ ໄດ້ວາງແຜນນະໂຍບາຍໃນການພັດທະນາເສດຖະກິດ ໂດຍເນັ້ນການສ້າງວຽກເຮັດງານທຳໃຫ້ແກ່ປະຊາຊົນ, ໃນຂະນະດຽວກັນລັດຖະບານຈະປັບປຸງສະພາບແວດລ້ອມການດຳເນີນທຸລະກິດໃຫ້ດີຂຶ້ນ, ບໍລິສັດທຸກແຫ່ງຈະໄດ້ຮັບການດູແລຢ່າງເທົ່າທຽມຈາກພາກລັດ ບໍ່ວ່າກິດຈະການໃດໆກໍຕາມ.

ກ່ຽວກັບເປົ້າໝາຍຂອງລັດຖະບານຈີນ ຕັ້ງເປົ້າໄວ້ວ່າ ປີ 2023 ນີ້ ເສດຖະກິດຈີນ ຈະຂະຫຍາຍຕົວໃນລະດັບ 5% ເຊິ່ງຖືວ່າຕ່ຳກວ່າທີ່ຄາດການໄວ້, ທ່ານນາຍົກລັດຖະມົນຕີຈີນ ກ່າວວ່າ: “ ການບັນລຸເປົ້າໝາຍດັ່ງກ່າວບໍ່ແມ່ນເລື່ອງງ່າຍໆ ” ເນື່ອງຈາກວ່າໃນປີ 2023 ນີ້ ຈີນຈະຕ້ອງປະເຊີນກັບອຸປະສັກນາໆປະການ.