ເຫັນພາບນີ້ແລ້ວເຮັດໃຫ້ຫຼາຍໆຄົນຄິດຮອດບັນຍາກາດເກົ່າໆ ສະໄໝເປັນນັກຮຽນ ປີໃດມີຄູຝຶກຫັດມາຄືກັບວ່າ ໂຮງຮຽນມີສີສັນໃໝ່ ແລະຢາກໃຫ້ມາຂຶ້ນຫ້ອງສອນ ຢາກມີຄູຄົນໃໝ່ໆ!
ຫຼາຍປີມານີ້ ກະແສຂ່າວຄູອາສາເຖິງຈະບໍດີເທົ່າໃດໜັກແຕ່ຜູ້ຮຽນໃນສາຍຄູກໍ່ຍັງຕັ້ງໃຈດ້ວຍຈິດໃຈອັນແຮງກ້າ ເພື່ອກຽມພ້ອມເປັນແມ່ພີມທີ່ດີໃນອະນາຄົດ.
ແລະນີ້ຄືຂະບວນການລົງຝຶກຫັດຂອງເຫຼົ່ານັກສຶກສາຄູ ທີ່ວິທະຍາໄລ ດົງຄຳຊ້າງ ລົງໄປຝຶກງານຢູ່ແຂວງໄຊຍະບູລີ ໃນຕອນເຊົ້າວັນທີ 30 ມັງກອນ 2023 ຜ່ານມາ.
ຊຶ່ງວິທະຍາໄລຄູ ດົງຄຳຊ້າງ ໄດ້ຈັດສົ່ງນັກສຶກສາປີສຸດທ້າຍລົງຝຶກຫັດວິຊາຊີບຄູ ປະຈຳສົກຮຽນ 2022-2023 ພິທີມອບ-ຮັບຂະບວນຝຶກຫັດດັ່ງກ່າວໄດ້ຈັດຂຶ້ນທີ່ຫ້ອງການສຶກສາທິການ ແລະ ກິລາເມືອງ ປາກລາຍ ແຂວງ ໄຊຍະບູລີ.
