ສຳນັກຂ່າວ ຊິນຫົວ ລາຍງານວ່າ: ຈີນ ໄດ້ຕັ້ງເປົ້າໄວ້ວ່າ ລວມຍອດຜະລິດຕະພັນພາຍໃນປະເທດ ( ຈີດີພີ ) ໃຫ້ຂະຫຍາຍຕົວຫຼາຍກວ່າ 4,5% ໃນປີ 2023.
ລາຍງານລະບຸວ່າ: ລັດຖະບານຈີນ ໄດ້ຕັ້ງເປົ້າໝາຍສຳລັບຕົວຊີ້ວັດທາງເສດຖະກິດທີ່ສຳຄັນອື່ນໆ ເຊັ່ນ: ການຮັກສາອັດຕາການວ່າງງານ ທີ່ສຳຫຼວດໃນເຂດຕົວເມືອງ ບໍ່ເກີນ 5%, ໃນຂະນະທີ່ດັດສະນີລາຄາຜູ້ບໍລິໂພກ ( CPI ) ເພີ່ມຂຶ້ນບໍ່ເກີນ 3%, ພ້ອມທັງຄາດການວ່າ ຈີນ ຈະບັນລຸການເຕີບໂຕ ທາງເສດຖະກິດເຊີງບວກ ແລະ ຮັກສາການເຕີບໂຕຢ່າງຕໍ່ເນື່ອງ.
ສຳລັບປີ 2022 ດັດສະນີ ລາຄາຜູ້ບໍລິໂພກ ເພີ່ມຂຶ້ນ 1,8% ແລະ ອັດຕາການວ່າງງານທີ່ສຳຫຼວດໃນເຂດຕົວເມືອງຢູ່ທີ່ 5% ເຊິ່ງລັດຖະບານຈີນ ຈະໃຫ້ຄວາມສຳຄັນໃນການຟື້ນຟູ ແລະ ຂະຫຍາຍການບໍລິໂພກ ໃນປີ 2023 ໂດຍຈະສົ່ງເສີມການວາງແຜນ ແລະ ການກໍ່ສ້າງຖານໂລຈິສ ຕິກ ແລະ ອື່ນໆ.
