ໃນປີ 2022 ຜ່ານມາ, ຫ້ອງການກະສິກໍາ-ປ່າໄມ້ ເມືອງພຽງ ແຂວງໄຊຍະບູລີ ໄດ້ລົງຊຸກຍູ້ປຸກລະດົມຊາວກະສິກອນປູກພືດເປັນສິນຄ້າສົ່ງອອກ ແຜນການຜະລິດ ໃນເນື້ອທີ່ 17.570,88 ເຮັກຕາ, ຜົນຜະລິດ 243.180,97 ໂຕນ ໄດ້140,58% ຂອງແຜນການປີ.
ໃນນີ້: ປູກສາລີແຂງ 3.460,57 ເຮັກຕາ ປູກໄດ້ເກີນແຜນ 38,42%, ໝາກໂມ 496,8 ເຮັກຕາ ທຽບໃສ່ແຜນປະຕິບັດໄດ້ 165,6%, ໝາກຖົ່ວເຫຼືອງ 380,36 ເຮັກຕາ, ທຽບໃສ່ແຜນປະຕິບັດໄດ້ 126,79%, ໝາກກ້ວຍ 1.534 ເຮັກຕາ, ໝາກເດືອຍ 3.307 ເຮັກຕາ, ມັນຕົ້ນ 7.030,6 ເຮັກຕາ, ທຽບໃສ່ແຜນປະຕິບັດໄດ້ເກີນ 3,06%, ໝາກງາ 930 ເຮັກຕາ, ແລະ ປູກພືດເສດຖະກິດອື່ນໆ 431 ເຮັກຕາ ເກີນແຜນທີ່ວາງໄວ້ 174,75%.
ໃນໄລຍະ 1 ປີຜ່ານມາ, ເມືອງພຽງ ສາມາດສົ່ງ ໝາກກ້ວຍ 24.900 ໂຕນ, ໝາກໂມ 22.356 ໂຕນ, ໝາກພຸກ 275 ໂຕນ, ເຂົ້າຈ້າວສົ່ງອອກມີທັງໝົດ 496 ໂຕນ, ມັນຕົ້ນ 210.918 ໂຕນ ໃນນີ້: ມັນຕົ້ນຫົວ 1.250 ໂຕນ ແລະ ມັນຕົ້ນແຫ້ງ 209.668 ໂຕນ, ຖົ່ວເຫຼືອງ 3.409,62 ໂຕນ, ໃນນີ້: ມີຖົ່ວເຫຼືອງຝັກສົດ 3.329 ໂຕນ ແລະ ຖົ່ວເຫຼືອງຝັກແຫ້ງ 80 ໂຕນ ແມ່ນສົ່ງອອກໄປ ສປ ຈີນ ແລະ ສົ່ງສາລີເມັດໄປຂາຍຢູ່ປະເທດໄທ 19.049,84 ໂຕນ.
ນອກຈາກນັ້ນ, ທາງເມືອງຍັງສົ່ງໄປຂາຍໃຫ້ຕ່າງເມືອງ, ແຂວງຫຼວງພະບາງ, ແຂວງວຽງຈັນ ມີສາລີເມັດ 200 ໂຕນ, ໝາກງາ 1.395 ໂຕນ, ມັນຕົ້ນແຫ້ງ 915 ໂຕນ ແລະ ມັນຕົ້ນຫົວ 1.250 ໂຕນ, ໝາກເດືອຍປໍ້ 1.692 ກວ່າໂຕນ, ປໍສາ 55 ໂຕ່ນ, ສາມາດສ້າງລາຍຮັບໄດ້ທັງໝົດ 9 ຮ້ອຍກວ່າຕື້ກີບ.
