ເພື່ອຮັບປະກັນຄວາມໂປ່ງໃສ, ຖືກຕ້ອງ, ຄົບຖ້ວນ ແລະ ສາມາດກວດສອບໄດ້ໃນຂົງເຂດການເງິນ ປັດຈຸບັນກົມສ່ວຍສາອາກອນ ກະຊວງການເງິນ, ໄດ້ພັດທະນາລະບົບທີ່ທັນສະໄໝ, ໃນການຈັດເກັບລາຍ ຮັບເຂົ້າງົບປະມານແຫ່ງລັດ ໂດຍສະເພາະການເກັບລາຍຮັບຜ່ານລະບົບ TaxRIS ເປັນທີ່ຮຽບຮ້ອຍແລ້ວ.
ສະນັ້ນ, ໃນວັນທີ 10 ມັງກອນ 2023 ນີ້, ໄດ້ພິທີເປີດການນໍາໃຊ້ໂຄງການພັດທະນາຈໍສະແດງຜົນ (Dash Board) ໂດຍການເຂົ້າຮ່ວມເປັນປະທານຂອງທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ, ມີທ່ານ ຮອງລັດຖະມົນຕີກະຊວງການເງິນ, ທ່ານ ຫົວໜ້າຫ້ອງການກະຊວງ, ທ່ານ ຫົວໜ້າກົມສ່ວຍອາກອນ, ຄະນະກົມ, ຄະນະພະແນກ, ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ໂຄງການພັດທະນາຈໍສະແດງຜົນ (DashBoard) ແມ່ນໜຶ່ງໃນເຄື່ອງມືທັນສະໄໝ, ເປັນເຄື່ອງມືໃນການຄຸ້ມຄອງຕິດຕາມການນຳໃຊ້ລະບົບ TaxRIS ໃຫ້ສາມາດນຳໃຊ້ໄດ້ຢ່າງຕໍ່ເນື່ອງ ແລະ ມີຜົນປະໂຫຍດສູງສຸດໂດຍສາມາດຕິດຕາມການເຮັດວຽກຂອງລະບົບເຊີເວີ,ຖານຂໍ້ມູນ, ລະບົບຄວາມປອດໄພ, ລະບົບເຄືອຄ່າຍເຊື່ອມຕໍ່ໄປຫາ 18 ແຂວງ ແລະ 148 ເມືອງໃນຂອບເຂດທົ່ວປະເທດໃຫ້ສາມາດນຳໃຊ້ລະບົບໄດ້ຕະຫຼອດເວລາ, ຄຸ້ມຄອງ ແລະ ຕິດຕາມການນຳໃຊ້ລະບົບ, ຕິດຕາມການເຊື່ອມຕໍ່ຂໍ້ມູນໃບເກັບເງິນອິເລັກໂທຣນິກ, ຕິດຕາມການຊຳລະອາກອນຜ່ານລະບົບທະນາຄານ,ອັນເປັນການສ້າງຄວາມເຊື່ອໝັ້ນໃຫ້ແກ່ບັນຜູ້ປະກອບການໃນການມອບລາຍຮັບຂອງສ່ວຍສາອາກອນໃນຂອບເຂດທົ່ວປະເທດດ້ວຍຄວາມໂປງໃສ, ຖືກຕ້ອງ, ຄົບຖ້ວນ ແລະ ກວດສອບໄດ້.
ໂຄງການພັດທະນາຈໍສະແດງຜົນ (DashBoard) ເຮັດໜ້າທີ່ຕິດຕາມຕົວເລກລາຍຮັບສ່ວຍສາອາກອນ, ສາມາດຕິດຕາມ, ກວດກາ,ຄວບຄຸມບັນຊາການຢູ່ສູນກາງໃນການຄຸ້ມຄອງຕົວເລກລາຍຮັບສ່ວຍສາອາກອນໃນຂອບເຂດທົ່ວປະເທດ, ຕິດຕາມການນຳໃຊ້ລະບົບຂອງເຈົ້າໜ້າທີ່ສ່ວຍສາອາກອນ, ສັງລວມຂໍ້ມູນຕ່າງໆຂອງລະບົບຂໍ້ມູນ ຂ່າວສານ TaxRIS ນຳມາສະແດງໃຫ້ໜ້າຕ່າງຈໍສະແດງຜົນຄອບຄຸມ, ແຜນທີ່ການຕິດຕັ້ງລະບົບ TaxRIS ຢູ່ແຂວງ ແລະ ເມືອງຕ່າງໆທົ່ວປະເທດ, ພ້ອມທັງລະບຸສະຖານະຈຸດທີ່ທຳງານປົກກະຕິ ຫຼື ມີເຫດຂັດຂ້ອງ, ແຜນທີ່ ເຄືອຄ່າຍການເຊື່ອມຕໍ່ລະບົບ TaxRIS ຂັ້ນເມືອງພ້ອມທັງລະບຸສະຖານະຈຸດທີ່ທຳງານປົກກະຕິ ຫຼື ມີເຫດຂັດຂ້ອງ; ແຜນວາດການຕິດຕາມອຸປະກອນຕ່າງໆໃນຫ້ອງ Data Center ເຊັ່ນ: ເຄື່ອງແມ່ຂ່າຍ, ອຸປະກອນເຄືອຂ່າຍ, ອຸປະ ກອນຄວາມປອດໄພເຄືອຂ່າຍ, ອຸປະກອນຈັດເກັບຂໍ້ມູນ, ອຸປະກອນສຳຮອງຂໍ້ມູນ; ຈໍສະແດງຜົນຄອບຄຸມຜົນລາຍ ຮັບ, ສະແດງລະບົບຄວາມປອດໄພ ແລະ ການຖືກໂຈມຕີຈາກພາຍນອກເຂົ້າມາ.
ພ້ອມດຽວກັນນີ້, ລະບົບໂປຣແກຣມ, ອຸປະກອນ Server, Network ຂອງ PTIN ແລະ IPOS ເພື່ອ ຕິດຕາມກວດປະສິດທິພາບ ແລະ ການນຳໃຊ້ຂອງລະບົບເຊີເວີ; ຕິດຕາມກວດກາການເຊື່ອມຕໍ່ກັບລະບົບພາຍນອກ ເປັນຕົ້ນ: ການຊຳລະອາກອນ, ການສົ່ງຂໍ້ມູນໃບເກັບເງິນອິເລັກໂທຣນິກເຂົ້າມາໃນລະບົບ TaxRIS, ການເຊື່ອມ ຕໍ່ກັບພາກສ່ວນອື່ນໆຂອງລັດຜ່ານໂປຣແກຣມກວດກາຕິດຕາມປະລິມານທີ່ນຳໃຊ້ລະບົບ TaxRIS ແລະ ກວດກາ ຕິດຕາມຂໍ້ມູນເອີເລີຈາກການນຳໃຊ້ຕົວຈິງຜ່ານໂປຣແກມ, ເພື່ອກວດຕິດຕາມລະບົບຄວາມປອດໄພ ແລະ ລະບົບ ເຊື່ອມຕໍ່ລະບົບພາຍໃນຂອງ TaxRIS ອາກອນເມືອງໃຫ້ສາມາດສະແດງຜົນແບບທັນທີ (Real Time).