ຫ່າງຫາຍໄປຫຼາຍປີຍ້ອນການລະບາດຂອງພະຍາດໂຄວິດ-19 ປີນີ້ຈິ່ງໄດ້ຈັດອີກ ຮັບຮອງງານໃຫຍ່ມີຫຼາຍກິດຈະການໜ້າສົນໃຈແນ່ນອນ ໃຜກຳລັງຄິດຈະໄປທ່ຽວໄລຍະນີ້ແນະນຳໃຫ້ໄປງານນີ້ເລີຍ ທີ່ເມືອງຕົ້ນເຜິ້ງແຂວງບໍ່ແກ້ວ!
ພາຍໃນງານເທດສະການດອກງິ້ວບານຄັ້ງທີ 20 ປະຈຳປີ 2023 ຈະມີການປະກວດນາງງາມຢູ່ 2 ປະເພດຄື: ປະກວດນາງສາວດອກງີ້ວບານ ຊິງເງິນລາງວັນລວມ 160 ລ້ານກີບ ແລະ ປະກວດນາງສາວທ່ອງທ່ຽວລາວ ຊິງເງິນລາງວັນລວມ 300 ລ້ານ ກີບ ປະຈຸບັນຍັງສືບຕໍ່ຮັບສະໝັກນາງສາວງາມ .
ແລະ ຍັງມີກິດຈະກຳຕ່າງໆທີ່ໜ້າສົນໃຈເຊັນ: ການສະແດງສິລະປະ 4 ປະເທດ, ງານແຂ່ງຂັນຊ່ວງເຮືອ 4 ປະເທດ ລາວ ໄທ ມຽນມາ ຈີນ (ຊິງເງິນລາງວັນລວມ 250,000,000 ກີບ), ກິດຈະກຳປ່ອຍໂຄມໄຟ 1000 ອັນ, ກິດຈະກຳລອຍກະທົງ, ງານແຂ່ງຂັນຕີມວຍ, ງານເທດສະການດົນຕີ ດອກງິ້ວສີຄຳ.
ພ້ອມດຽວກັນນັ້ນຍັງຈະມີພິທີທົດລອງເປີດໃຫ້ບໍລິການຂອງ ໂຮງແຮມດາວດອກງິ້ວຄຳ, ພິທີທົດລອງໃຫ້ບໍລິການສະໜາມຝຶກຊ້ອມກ໊ອຟ ທີ່ຣີສອດສະໜາມກ໊ອຟສາກົນພູກິ່ວລົມ. ນອກຈາກນັ້ນຍັງຈະໄດ້ຈັດກອງປະຊຸມສົ່ງເສີມ ແລະ ດຶງດູດການລົງທຶນໃນເທດສະການດອກງິ້ວບານຄັ້ງທີ 20 ເພື່ອສົ່ງເສີ່ມການທ່ອງທ່ຽວ ແລະ ວັດທະນະທໍາ. ຖືວ່າເປັນການຈັດງານທີ່ຍິ່ງໃຫຍ່ ໃຫຍ່ກວ່າທີ່ເຄີຍຈັດຜ່ານມາ ຫຼັງຈາກບໍ່ໄດ້ຈັດມາເປັນເວລາ 3 ປີ ເນື່ອງຈາກການລະບາດຂອງພະຍາດໂຄວິດ 19. ເຊິ່ງງານດັ່ງກ່າວຈະຈັດຂຶ້ນໃນວັນທີ 25-29 ມັງກອນ 2023. ຂໍເຊີນຊວນພໍ່ແມ່ປະຊາຊົນ ທັງພາຍໃນ ແລະ ຕ່າງປະເທດກຽມຕົວໄປທ່ຽວງານ.
ກິດຈະກຳຕະຫຼອດງານເທດສະການປະກອບມີດັ່ງນີ້
1. ປະກວດນາງສາວດອກງີ້ວບານ
2. ປະກວດນາງສາວທ່ອງທ່ຽວລາວ
2. ການສະແດງສິລະປະ 4 ປະເທດ
3. ງານແຂ່ງຂັນຊ່ວງເຮືອ 4 ປະເທດ
4. ກິດຈະກຳປ່ອຍໂຄມໄຟ 1000 ອັນ
5. ກິດຈະກຳລອຍກະໂທງ
6. ງານແຂ່ງຂັນຕີມວຍ
7. ງານເທດສະການດົນຕີ ດອກງິ້ວສີຄຳ
8. ພິທີທົດລອງເປີດໃຫ້ບໍລິການ ໂຮງແຮມດາວດອກງິ້ວຄຳ
9. ພິທີທົດລອງໃຫ້ບໍລິການສະໜາມຝຶກຊ້ອມກ໊ອຟ ທີ່ຣີສອດສະໜາມກ໊ອຟສາກົນພູກິ່ວລົມ
10. ກອງປະຊຸມສົ່ງເສີ່ມການທ່ອງທ່ຽວ, ວັດທະນະທໍາ ແລະ ດຶງດູດການລົງທຶນ.