ວິທະຍຸສາກົນຫວຽດນາມ ລາຍງານວ່າ: ໄທ ຕັ້ງເປົ້າສົ່ງອອກສິນຄ້າໄປຍັງ 3 ຕະຫຼາດໃນທະວີບອາຊີ ໃຫ້ເພີ່ມຂຶ້ນຈາກ 50 ຕື້ໂດລາສະຫະລັດໃນປີນີ້ ເພີ່ມຂຶ້ນເປັນ 57 ຕື້ໂດລາສະຫະລັດໃນປີ 2023.
ຕະຫຼາດໃນອາຊີທີ່ໄທຄາດຫວັງໄວ້ປະກອບມີ: ຕາເວັນອອກກາງ, ອາຊີໃຕ້ ແລະ ກຸ່ມບັນດາປະເທດ CLMV ( ກຳປູເຈຍ, ສປປ ລາວ, ມຽນມາ ແລະ ສສ ຫວຽດນາມ ), ການສົ່ງອອກຂອງໄທ ໄປຍັງ 3 ຕະຫຼາດດັ່ງກ່າວ ຄາດວ່າບັນລຸປະມານ 50 ຕື້ໂດລາສະຫະລັດ ໃນປີ 2022 ແລະ ເພີ່ມເປັນ 57 ຕື້ໂດລາສະຫະລັດ ໃນປີ 2023.
ທັງນີ້, ໄທ ໄດ້ສ້າງຕັ້ງບັນດາກຸ່ມປະຕິບັດງານ ໂດຍມີບັນດາເຈົ້າໜ້າທີ່ຂັ້ນສູງຂອງກະຊວງການຄ້າ ແລະ ຜູ້ຕາງໜ້າວິສາຫະກິດພາກເອກະຊົນ ຮັບຜິດຊອບເພື່ອຊອກຫາມາດຕະການຊຸກຍູ້ສົ່ງເສີມການສົ່ງອອກ, ແກ້ໄຂສິ່ງກີດຂວາງຕໍ່ການສົ່ງອອກ ເພື່ອບັນລຸເປົ້າໝາຍດັ່ງກ່າວ.
