ເວົ້າໄດ້ວ່າມາໄດ້ຖືກທາງ ມາດີມີສະເໜເວທີທຳອິດເປັນເຈົ້າຂອງລາງວັນໄປເລີຍ ນີ້ແລນໍທີ່ເພິ່ນວ່າ ທຸກຢ່າງມັນຈະໄດ້ມາເມື່ອເຖິງເວລາ ຖ້າມີຝັນຂໍໃຫ້ຕັ້ງໃຈຕັ້ງຫຼັກໃຫ້ດີ ແລະໄປໃຫ້ເຖິງຄືກັບໜຸ່ມຄົນນີ້ Mister Laos ຄົນຫຼ້າສຸດ ກິໂຕ້ ພົມມະສິດ ສີສານ.
ໜຸ່ມກິໂຕ້ ໃນໄວ 26 ປີ ລູກຫຼານທາງແຂວງຄຳມ່ວນຕອນນີ້ກາຍເປັນຕົວແທນໝູ່ບ້ານຈາກແດນພໍ່ກະດວດທີ່ໜ້າຕິດຕາມສຸດໆຄົນໜຶ່ງ ຫຼັງຈາກເພິ່ນຄວ້າລາງວັນທີ1 ໃນເວທີ ມິສເຕີລາວ 2022 (Mister Laos)ໃນຄ່ຳຄືນຂອງວັນທີ 11 ທັນວາຜ່ານມານີ້ເອງ ຈາກນີ້ຕ້ອງເກາະຕິດໜຸ່ມຫຼໍ່ຄົນນີ້ຈະເຮັດຫຍັງຕໍ່ໄປ ເພາະລະດັບການສຶກສາກໍ່ບໍ່ທຳມະດານະໆໆໆ ເປັນໜຸ່ມນັກຮຽນນອກຈົບປະລິນຍາຕີມາຈາກ ສປ.ຈີນ ມະຫາວິທະຍາໄລຢຸນນານມິນຈູ ແຖມປັດຈຸບັນມີທຸລະກິດສ່ວນຕົວກ່ຽວກັບການຂຸດຄົ້ນແຮ່ທາດ ແລະ ເປັນເຈົ້າຂອງຮ້ານອາຫານຊື່ວ່າຮ້ານຈະເລີນພຸງ ກ້ຽວຊ່າອີກດ້ວຍ.
ສຳລັບໜຸ່ມຜູ້ໄດ້ຕຳແໜ່ງຫຼ້າສຸດນີ້ ບໍ່ໄດ້ເນັ້ນຄວາມຫຼູຫຼາເພິ່ນວ່າ ມັກໃນຄວາມອົບອຸ່ນ ອ່ອນໂຍນ ເຫັນອົກເຫັນໃຈຄົນອ້ອມຂ້າງຄິດບວກ ແຕ່ໃນເວລາດຽວກັນກໍ່ບໍໄດ້ອ່ອນແອ ພ້ອມນີ້ຕ້ອງມີສະຕເປັນຂອງໂຕເອງ.
ສຳລັບພາສາຕ່າງປະເທດທີ່ສາມາດເວົ້າໄດ້ ຈີນ, ອັງກິດ ແລະພາສາຫວຽດໜ້ອຍໜຶ່ງ
ກິດຈະກຳຍາມວ່າງຂອງໜຸ່ມກິໂຕ້ຄືອ່ານໜັງສືອ້າວແບບນີ້ໆເອງທີ່ມີຄວາມຮູ້ຫຼາຍ ນອກນັ້ນກໍ່ອອກໄປຫຼິ້ນກີລາ ແລະ ກໍມັກຈະໄປທ່ອງທ່ຽວຫາປະສົບການ ທີ່ສຳຄັນແມ່ນເກັບກ່ຽວເອົາສິ່ງດີໆກັບມາພັດທະນາຮ້ານອາຫານ ແລະ ທຸລະກິດຂອງໂຕເອງໃຫ້ດີຂຶ້ນ
ວ້າວໆເວົ້າໄດ້ວ່າບໍທຳມະດາເລີຍລະໜຸ່ມຄົນນີ້ ຢູ່ຊື່ກໍ່ສຸດຍອດແລ້ວຍັງປ່ຽມລົ້ນດ້ວຍຄວາມສາມາດອີກສາວໆປື້ມກັນໃຫຍ່ແລ້ວ
