ອີກໜຶ່ງໜຸ່ມທີ່ບໍ່ທຳມະດາ ອາເຟີຍ ວົງພະຈັນ ພົມສະໝຸດ ເປັນເຖິງນັກທຸລະກິດ Mister 11

79

ບອກເລີຍວ່າຄົນນີ້ ສ່ອງແລ້ວກໍ່ສ່ອງອີກ ສ່ອງເລື້ອຍໆໄປ ຜູ້ທີ່ມາພ້ອມກັບໂປຣຟາຍທີ່ບໍ່ທຳມະດາ ສຳລັບ ອາເຟີຍ ວົງພະຈັນ ພົມສະໝຸດ ນັກທຸລະກິດໜຸ່ມ Mister 11 ຕົວແທນນະຄອນຫຼວງວຽງຈັນ ໂດຍເຈົ້າໂຕຕັດສິນໃຈລົງປະກວດໃນເວທີ Mister Laos ແລະ ກໍ່ເປັນທີ່ໜ້າຈັບມອງອີກໜຶ່ງໜຸ່ມໃຫ້ກັບຫຼາຍຄົນ ໂດຍສະເພາະແຟນຄັບ ປັດຈຸບັນ ອາເຟີຍ ປະກອບອາຊີບເປັນເຈົ້າຂອງບໍລິສັດ compoovalentus ລາວ-ໄທ ແລະ ກໍາລັງສົນໃຈ ສຶກສາທາງດ້ານການອອກແບບຕັດຫຍິບເສື້ອຜ້າແຟຊັນອີກດ້ວຍ ( ບອກເລີຍວ່າປັງແຮງທຸກຄົນ)

.

ໜຸ່ມອາເຟີຍບອກວ່າ ສາເຫດທີ່ຕັດສິນໃຈມາປະກວດ ແມ່ນຍ້ອນຢາກພັດທະນາບຸກຄະລິກກະພາບໃຫ້ດີຂຶ້ນ, ປະສົບການໃໝ່ໆ ແລະ ພິສູດຕົນເອງ ວ່າຈະເຮັດມັນໄດ້ບໍ່ ຢາກພິສູດຄວາມກ້າ ຄວາມສາມາດໂຕເອງ ເພາະສາຍວົງການກໍ່ເປັນຄວາມຝັນມາແຕ່ນ້ອຍ ຈຶ່ງເລືອກທີ່ຈະລົງໃນເວທີດັ່ງກ່າວນີ້.

.

ແລະອີກໜຶ່ງສິ່ງທີ່ຕ້ອງຮູ້ກ່ຽວກັບໜຸ່ມຄົນນີ້ຄື ກ່ອນທີ່ຈະມາປະກວດກໍເຮັດລະກິດກ່ຽວກັບແບຣນທຸລະກິດ ອາຫານເສີມທີ່ເຮັດຈາກສະໝຸນໄພ ນໍາເຂົ້າຈາກອາເມລິກາ 100 % ບໍ່ມີສານເຄມີ ( ຖືວ່າທັງຫຼໍ່, ທັງເກັ່ງ ຄົບເຊັດມ້ວນດຽວຈົບອີຫຼີສໍາລັບໜຸ່ມຄົນນີ້)

ໜຸ່ມອາເຟີຍຍັງບອກວ່າ ເວທີ Mister Laos ເປັນເວທີທໍາອິດ ທີ່ມາປະກວດ ແຕ່ວ່າກໍເຄີຍໄດ້ໃຫ້ສະປອນເຊີສະໜັບສະໜຸນ ເວທີຕ່າງໆບໍ່ວ່າຈະເປັນເວທີ Miss Grand ແລະ ຫຼາຍໆເວທີຊ່ວຍຊຸກຍູ້ວົງການບັນເທີງລາວ. ໜຸ່ມຄົນນີ້ຍັງຢາກຈະເປັນກະບອກສຽງໃຫ້ໄວໜຸ່ມທຸກຄົນ ໂດຍສະເພາະຄົນທີ່ຂີ້ອາຍ ບໍ່ກ້າ ຫຼື ຄົນທີ່ຖືກບູລີ່ ຢາກໃຫ້ກ້າ ແລະ ມາພິສູດຕົນເອງ ຖິ້ມສິ່ງໃດເປັນທາງລົບຖິ້ມມັນໄປ ເພາະເວທີນີ້ຈະຊ່ວຍປັບແນວຄິດໃຫ້ເຮົາດີຂຶ້ນ ຄິດບວກຫຼາຍຂຶ້ນ ໄດ້ມາພິສູດຕົນເອງ ແລະ ປັບປຸງແກ້ໄຂບຸກຄະລິກ ແນວຄິດ Mindset ເຮັດໃຫ້ມີຈິດໃຈເຂັ້ມແຂງ ແລະ ເປັນສະພາບບຸລຸດ.( ຈັ່ງໃດກໍ່ຝາກເຊຍໜຸ່ມຄົນນີ້ກັນຫຼາຍແນ່ເດີທຸກຄົນ)

.

ທີ່ສຳຄັນອີກບໍ່ພໍເທົ່າໃດມື້ໃນຕໍ່ໜ້ານີ້ກໍ່ຈະເປັນມື້ຮອບຕັດສິນແລ້ວ ສຳລັບເວທີປະກວດຊາຍງາມ ນັ້ນກໍ່ຄື Mister Laos ໂດຍປັດຈຸບັນໜຸ່ມໆທັງ 20 ຄົນກໍ່ຢູ່ໃນຊ່ວງຂອງການເກັບໂຕ ເພື່ອເພີ່ມທັກສະໃນຫຼາຍດ້ານໃຫ້ກັບຕົນເອງ ແລະ ປັດຈຸບັນແມ່ນຍັງຢູ່ໃນຊ່ວງຂອງການເປີດໂຫວດ ແລະ ທຸກຄົນສາມາດເຂົ້າໄປໂຫວດໃຫ້ກັບໜຸ່ມໆໄດ້ເລີຍ ໂດຍສາມາດຕິດຕາມການເຄື່ອນໄຫວໄດ້ທາງ Mister Laos