ອີຣັກ ສົ່ງອອກນໍ້າມັນດິບຫຼາຍກວ່າ 99 ລ້ານບາເຣວ ໃນເດືອນພະຈິກ

28

ສຳນັກຂ່າວຊິນຫົວ ລາຍງານວ່າ: ກະຊວງນໍ້າມັນຂອງອີຣັກ ເປີດເຜີຍວ່າ ປະລິມານການສົ່ງອອກນໍ້າມັນດິບຂອງອິຣັກ ໃນເດືອນພະຈິກ 2022 ລວມມີ 99,86 ລ້ານບາເຣວ, ສ້າງລາຍຮັບ 8,23 ຕື້ໂດລາສະຫະລັດ.

May be an image of 1 person, standing, fire and outdoors

ຖະແຫຼງການຂອງກະຊວງນ້ຳມັນຂອງອິຣັກ ໄດ້ອ້າງອີງຕາມສະຖິຕິຈາກອົງການຕະຫຼາດນໍ້າມັນແຫ່ງລັດ ລະບຸວ່າ: ລາຄາຈຳໜ່າຍ ນໍ້າມັນດິບໃນເດືອນພະຈິກ ສະເລ່ຍ 82,41 ໂດລາສະຫະລັດຕໍ່ບາເຣວ.

ລາຍງານລະບຸວ່າ: ແຫຼ່ງນໍ້າມັນທາງພາກກາງ ແລະ ພາກໃຕ້ ຂອງອີຣັກ ໄດ້ສົ່ງອອກນໍ້າມັນຜ່ານທ່າເຮືອບາສະຣາ ລວມມີ 97,2 ລ້ານບາເຣວ, ໃນຂະນະທີ່ແຫຼ່ງນໍ້າມັນຈາກແຂວງເຄີຄຸກ ທາງພາກເໜືອ ສົ່ງອອກນໍ້າມັນຜ່ານທ່າເຮືອເມືອງເຊຍຮັນ ຂອງ ຕວັກກີ ໃນທະເລເມດີເຕເຣນຽນ ຫຼາຍກວ່າ 2 ລ້ານບາເຣວ.

No photo description available.

ທັງນີ້, ລາຄານໍ້າມັນໃນຕະຫຼາດໂລກ ໄດ້ປັບຂຶ້ນຕັ້ງແຕ່ເກີດວິກິດການ ຣັດເຊຍ – ອູ  ແກຣນ ເມື່ອເດືອນກຸມພາຜ່ານມາ ໄດ້ສ້າງຜົນປະໂຫຍດຕໍ່ອີຣັກ ແລະ ກຸ່ມປະເທດຜູ້ສົ່ງອອກນໍ້າມັນ, ໃນຂະນະທີ່ລາຍໄດ້ຫຼັກຂອງອີຣັກ ເພິ່ງພາການສົ່ງອອກນ້ຳມັນກວມເອົາຫຼາຍກວ່າ 90% ຂອງລາຍໄດ້ຂອງປະເທດ.