ຈັດຂຶ້ນຍິ່ງໃຫຍ່ສະຫຼອງ ທົ່ງໄຫຫີນເປັນມໍລະດົກໂລກແຫ່ງທີ 3 ຂອງລາວ

208

ມື້ນີ້ເປັນເລິກງາມຍາມດີທີ່ປະຊາຊົນຊາວແຂວງຊຽງຂວາງໄດ້ຮ່ວມກັບລັດຖະບານ ສະຫຼີມສະຫຼອງການຮັບຮອງເອົາ ທົ່ງໄຫຫີນເປັນມໍລະດົກໂລກທາງດ້ານວັດທະນະທຳແຫ່ງທີ3 ຂອງລາວ ພາຍຫຼັງທີ່ພິທີສະຫຼອງໄດ້ແກ່ຍາວມາແຕ່ປີ 2019 ຍ້ອນການລະບາດຂອງພະຍາດໂຄວິດ-19.

May be an image of 3 people, people standing and outdoorsລັດຖະບານ ແຫ່ງ ສປປ ລາວ ກໍຄື ກະຊວງຖະແຫຼ່ງຂ່່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ປະກາດການຮັບຮອງເອົາແຫຼ່ງໄຫຫີນແຂວງຊຽງຂວາງ – ທົ່ງໄຫຫີນ ເຂົ້າເປັນມໍລະດົກໂລກ ທາງດ້ານວັດທະນະທຳ ແຫ່ງທີ 3 ຂອງ ສປປ ລາວ ຢ່າງເປັນທາງການ ພາຍຫລັງທີ່ໄດ້ກະກຽມມາເປັນເວລາ 20 ກວ່າປີນັບແຕ່ປີ 1998 ເປັນຕົ້ນມາ.

May be an image of outdoors

ພິທີຖະແຫຼ່ງຂ່າວ ການປະກາດຮັບຮອງເອົາແຫຼ່ງໄຫຫີນແຂວງຊຽງຂວາງ – ທົ່ງໄຫຫີນ ເຂົ້າເປັນມໍລະດົກໂລກ ຢ່າງເປັນທາງການ ໄດ້ຈັດຂຶ້ນທີ່ຫໍວັດທະນະທຳແຫ່ງຊາດ ໃນວັນທີ 25 ກໍລະກົດ 2019 ໃຫ້ກຽດຖະແຫຼ່ງຂ່າວໂດຍ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທັງເປັນປະທານຄະນະກຳມະການແຫ່ງຊາດເພື່ອມໍລະດົກໂລກ ແລະ ທ່່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ໂດຍມີຄະນະນຳຈາກກະຊວງ ຖວທ ແລະ ພາກສ່່ວນທີ່ກ່ຽວຂ້ອງໄດ້ເຂົ້າຮ່ວມຢ່າງ.

May be an image of 2 people, tree and outdoors

ແຫລ່ງໄຫຫີນແຂວງຊຽງຂວາງ ຫຼືທົ່ງໄຫຫີນໄດ້ເຂົ້າເປັນມໍລະດົກໂລກໃນວັນທີ 6 ກໍລະກົດ 2019 ໂດຍກອງປະຊຸມໃຫຍ່ ຄັ້ງທີ 43 ຂອງອົງການອຸຍແນດສະໂກ ເຊິ່ງຮັບຮອງເອົາຢ່າງເປັນທາງການ ທີ່ນະຄອນຫຼວງບາກູ ປະເທດອາແຊັກໄບຊານ.

No photo description available.

ແຫຼ່ງໄຫຫີນແຂວງຊຽງຂວາງມີໄຫທັງໝົດຈໍານວນ 1.325 ໜ່ວຍ, ຝາປິດໄຫ 215 ອັນ ແລະ ກ້ອນຫີນ 399 ກ້ອນ ຢູ່ໃນພື້ນທີ່ 11 ແຫຼ່ງໄຫຫີນ ໄດ້ຂຶ້ນທະບຽນ ແລະ ບັນທຶກຈຸດພິກັດ ເຂົ້າເປັນມໍລະດົກໂລກຂອງອົງການອຸຍແນດສະໂກ.

May be an image of 8 people, people standing and outdoors
ລັດຖະບານ ສປປ ລາວ ແລະ ອົງການອຸຍແນດສະໂກ ໄດ້ໃຫ້ຄວາມສໍາຄັນຕໍ່ແຫລ່ງມໍລະດົກໄຫຫີນແຂວງຊຽງຂວາງມາເປັນເວລາດົນນານແລ້ວ ໂດຍໄດ້ມີການຮ່ວມມືກັນດໍາເນີນການສຶກສາຄົ້ນຄວ້າ ແລະ ວາງແຜນໃນການປົກປັກຮັກສາມໍລະດົກວັດທະນະທໍາອັນລໍ້າຄ່າດັ່ງກ່າວໃຫ້ມີຄວາມຍືນຍົງ ແລະ ເກີດຜົນປະໂຫຍດສູງສຸດ ໂດຍເລີ່ມຈັດຕັ້ງປະຕິບັດວຽກງານຕ່າງໆ ຕັ້ງແຕ່ປີ 1998 ເປັນຕົ້ນມາ.

No photo description available.
ຜົນສໍາເລັດໃນການຈັດຕັ້ງເຄື່ອນໄຫວປະຕິບັດວຽກງານໄລຍະຜ່ານມາແມ່ນ ໄດ້ຮັບການເອົາໃຈໃສ່ຊຸກຍູ້, ຊີ້ນໍາ ແລະ ຕິດຕາມຢ່າງໃກ້ຊິດຈາກຂັ້ນເທິງ, ຄະນະພັກ ຄະນະນໍາຂອງກະຊວງ ຖວທ ກໍຄືອໍານາດການປົກຄອງທ້ອງຖິ່ນແຂວງຊຽງຂວາງ. ໃນຂະນະດຽວກັນ ບັນດາພະແນກການຕ່າງໆຂອງແຂວງ, ອໍານາດການປົກຄອງທ້ອງຖິ່ນເມືອງ ແລະ ບ້ານຕ່າງໆ ໄດ້ເອົາໃຈໃສ່ໃຫ້ອໍານວຍຄວາມສະດວກ, ປະສານງານ ແລະ ປະກອບສ່ວນໃນການຕອບສະໜອງຂໍ້ມູນໃຫ້ແກ່ການຈັດຕັ້ງປະຕິບັດວຽກງານຢ່າງເປັນປົກກະຕິ. ພ້ອມດຽວກັນນັ້ນ ບັນດາຊ່ຽວຊານຕ່າງປະເທດ, ອົງການອຸຍແນດສະໂກປະຈໍາພາກພື້ນອາຊີ-ປາຊີຟິກ ໄດ້ໃຫ້ການປະສານງານ, ຮ່ວມມືຢ່າງໃກ້ຊິດ ພ້ອມທັງປະກອບສ່ວນທາງດ້ານຊ່ຽວຊານຜູ້ທີ່ມີປະສົບການ ແລະ ງົບປະມານຈໍານວນໜຶ່ງເຂົ້າໃນການຈັດຕັ້ງປະຕິບັດວຽກງານພາກສະໜາມ.

May be an image of 11 people, people standing and outdoors
ເຖິງຈະປະສົບບັນຫາຫຍຸ້ງຍາກທາງດ້ານງົບປະມານ, ອຸປະກອນຮັບໃຊ້ທາງດ້ານວິຊາການບໍ່ພຽງພໍ ແລະ ສະພາບການປ່ຽນແປງຂອງດິນຟ້າອາດ ແຕ່ບັນດາຊ່ຽວຊານ, ນັກວິຊາການທັງສູນກາງ ແລະ ທ້ອງຖິ່ນ ກໍໄດ້ເອົາໃຈໃສ່ສຸມທຸກເຫື່ອແຮງ ແລະ ສະຕິປັນຍາຂອງຕົນເຂົ້າໃນການເຄື່ອນໄຫວຈັດຕັ້ງປະຕິບັດວຽກງານພາກສະໜາມຈົນສາມາດບັນລຸຜົນສໍາເລັດຕາມແຜນການ ແລະ ຈຸດປະສົງລະດັບຄາດ ໝາຍທີ່ໄດ້ວາງໄວ້ ແລະຖືກຮັບຮອງເອົາຢ່າງເປັນທາງການໃນວັນທີ 6 ກໍລະກົດ 2019 ຫຼັງຈາກນັ້ນມາຮອດວັນທີ 25 ກໍລະກົດ 2019ໄດ້ ພິທີຖະແຫຼ່ງຂ່າວ ການປະກາດຮັບຮອງເອົາແຫຼ່ງໄຫຫີນແຂວງຊຽງຂວາງ – ທົ່ງໄຫຫີນ ເຂົ້າເປັນມໍລະດົກໂລກ ຢ່າງເປັນທາງການໂດຍ ລັດຖະບານແຫ່ງ ສປປລາວ ໄດ້ຈັດຂຶ້ນທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ.