ຫົວເຫວີຍ ຮ່ວມລົງນາມໃນສັນຍາລະດັບໂລກຂອງ ITU ເພື່ອຈະຊ່ວຍໃຫ້ປະຊາກອນ 120 ລ້ານຄົນ ໃນທົ່ວໂລກທີ່ຢູ່ເຂດຫ່າງໄກສອກຫຼີກສາມາດເຊື່ອມຕໍ່ກັບໂລກດິຈິຕອນ

39

ວັນທີ 23 ພະຈິກ 2022 ທີ່ເຊິນເຈີ້ນ, ສປ ຈີນ, ຫົວເຫວີຍ ໄດ້ລົງນາມໃນສັນຍາວ່າດ້ວຍການເຂົ້າຮ່ວມເປັນພັນທະມິດດິຈິຕອນ ຫຼື Partner2Connect ຂອງສະຫະພາບໂທລະຄົມນາຄົມສາກົນ (International Telecommunication Union-ITU) ເຊິ່ງຈະນໍາການເຊື່ອມຕໍ່ໄປສູ່ປະຊາກອນປະມານ 120 ລ້ານຄົນ ໃນເຂດຫ່າງໄກສອກຫຼີກຫຼາຍກວ່າ 80 ປະເທດ ພາຍໃນປີ 2025.

ທ່ານ Liang Hua, ປະທານບໍລິສັດ ຫົວເຫວີຍ ປະກາດວ່າ: ບໍລິສັດໄດ້ເຂົ້າຮ່ວມ ITU P2C Digital Alliance ແລະ ໄດ້ປະກາດການຕັດສິນໃຈໃນງານຟໍຣັມຄວາມຍືນຍົງ (2022 ຂອງບໍລິສັດ, Connectivity+: Innovate for Impact). ເວທີນີ້ ມີການແລກປ່ຽນຄວາມຄິດເຫັນວ່ານະວັດຕະກໍາ ICT ສາມາດໃຫ້ຄຸນຄ່າທາງທຸລະກິດ ແລະ ສັງຄົມຂອງການເຊື່ອມຕໍ່ ແລະ ຂັບເຄື່ອນການພັດທະນາແບບຍືນຍົງໃນຍຸກເສດຖະກິດດິຈິຕອນໄດ້ແນວໃດ.

ໃນກອງປະຊຸມດັ່ງກ່າວມີບັນດາການນຳຂັ້ນສູງຈາກ ITU ແລະ ອົງການສະຫະປະຊາຊາດ, ລັດຖະມົນຕີໂທລະຄົມ ແລະ ຜູ້ກໍານົດນະໂຍບາຍທາງດ້ານການສື່ສານໂທລະຄົມມະນາຄົມໃນກຳປູເຈຍ, ໄນຈີເຣຍ, ບັງກລາແດັສ, ປາກີສະຖານ, ແລະ ບັນດາຜູ້ນຳທຸລະກິດ, ຄູ່ຮ່ວມມື, ນັກຊ່ຽວຊານ ແລະ ລູກຄ້າຈາກຈີນ, ອາຟຣິກາໃຕ້, ແບນຊິກ ແລະ ເຢຍລະມັນ ເຂົ້າຮ່ວມ

ທ່ານ Malcolm Johnson ITU ຮອງເລຂາທິການໃຫຍ່ກ່າວວ່າ: “ເຫັນໄດ້ຊັດເຈນວ່າການເຊື່ອມຕໍ່ເຖິງກັນພຽງຢ່າງດຽວແມ່ນບໍ່ພຽງພໍ, ມັນຕ້ອງມີລາຄາບໍ່ແພງ, ເນື້ອຫາຕ້ອງມີຄວາມກ່ຽວຂ້ອງ ແລະ ເປັນພາສາທ້ອງຖິ່ນ ແລະ ຜູ້ໃຊ້ຕ້ອງມີທັກສະໃນການນໍາໃຊ້ທີ່ດີທີ່ສຸດ. ຂໍຂອບໃຈ ຫົວເຫວີຍ ສໍາລັບການສະໜັບສະໜູນການຮ່ວມມືດ້ານດິຈິຕອນ Partner2Connect (P2C) ແລະ ສໍາລັບການປະກາດຄໍາໝັ້ນສັນຍາ P2C ທີ່ຈະສ້າງການເຊື່ອມຕໍ່ໃນຂົງເຂດທີ່ສໍາຄັນຂອງການເຊື່ອມຕໍ່ສູ່ຊົນນະບົດ ແລະ ສົ່ງເສີມທັກສະດິຈິຕອນ.”
ທ່ານ Siddharth Chatterjee ຜູ້ປະສານງານຂອງອົງການສະຫະປະຊາຊາດປະຈໍາ ສປ ຈີນ ໄດ້ຮຽກຮ້ອງໃຫ້ມີ “ການຮ່ວມມືຫຼາຍຝ່າຍ” ຂອງບັນດານັກວາງນະໂຍບາຍ, ພາກເອກະຊົນ, ນັກວິຊາການ ແລະ ສັງຄົມ “ຄວາມເປັນຈິງທີ່ໜ້າສະລົດໃຈ” ຂອງຄວາມເລື່ອມລໍ້າທາງດິຈິຕອນທີ່ກີດກັ້ນປະຊາກອນໂລກອອກໄປເຖິງ 1 ໃນ 3. ທ່ານກ່າວວ່າ: “ໂລກຂະບວນການຂອງພວກເຮົາຕ້ອງການການປັບປຸງການຮ່ວມມືດ້ານດິຈິຕອລຢ່າງຮີບດ່ວນ ເພື່ອໃຊ້ຄວາມສາມາດບົ່ມຊ້ອນດ້ານເຕັກໂນໂລຊີ ເພື່ອສ້າງວຽກເຮັດງານທຳໃໝ່, ຊຸກຍູ້ການຮ່ວມມືດ້ານການເງິນ, ປິດຊ່ອງຫວ່າງຍິງຊາຍ, ຊຸກຍູ້ການຟື້ນຟູສີຂຽວ ແລະ ຫັນໂລກຂອງພວກເຮົາຄືນໃໝ່ໃຫ້ມີຄວາມຈະເລີນຮຸ່ງເຮືອງກວ່າເກົ່າ. “ດຽວນີ້ແມ່ນເວລາທີ່ຈະປະຕິບັດ.”

ທ່ານ Liang Hua ເນັ້ນໜັກວ່າ: ການເຂົ້າເຖິງເຄືອຂ່າຍທີ່ໝັ້ນຄົງແມ່ນຄວາມຮຽກຮ້ອງຕ້ອງການຂັ້ນພື້ນຖານໃນຍຸກດິຈິຕອນ. ສໍາລັບຫຼາຍຄົນທີ່ຍັງຄົງບໍ່ສາມາດເຂົ້າເຖິງການເຊື່ອມຕໍ່ອິນເຕີເນັດໄດ້, ການເຂົ້າເຖິງການເຊື່ອມຕໍ່ທີ່ເຊື່ອຖືໄດ້ຈະເປັນເຄື່ອງໝາຍບາດກ້າວທໍາອິດໄປສູ່ການຫັນປ່ຽນຊີວິດຂອງເຂົາເຈົ້າ. “ການເຊື່ອມຕໍ່ຈະເປັນຫຼາຍກວ່າເຄື່ອງມືສໍາລັບການສື່ສານທີ່ສະດວກສະບາຍ ແລະ ການຮ່ວມກັບເທັກໂນໂລຊີດິຈິຕອນເຊັ່ນ cloud ແລະ AI, ການເຊື່ອມຕໍ່ຈະຊ່ວຍໃຫ້ທຸກຄົນເຂົ້າສູ່ໂລກດິຈິຕອນ ແລະ ໃຫ້ພວກເຂົາເຂົ້າເຖິງຂໍ້ມູນເພີ່ມເຕີມ, ທັກສະການບໍລິການທີ່ດີກວ່າ ລວມທັງໂອກາດທາງທຸລະກິດທີ່ກວ້າງຂວາງ. ສິ່ງດັ່ງກ່າວຈະຊຸກຍູ້ການພັດທະນາເສດຖະກິດສັງຄົມຕື່ມອີກ.

ທ່ານ Cao Ming, ປະທານບໍລິສັດ ຫົວເຫວີຍ Wireless Solution ກ່າວວ່າ: “ໃນຖານະເປັນວິສາຫະກິດທີ່ມີຄວາມອາດສາມາດດ້ານ ICT ອັນດັບຕົ້ນຂອງໂລກ, ຫົວເຫວີຍ ໄດ້ລວມເອົາທ່າແຮງດ້ານນະວັດຕະກໍາດ້ານເທັກໂນໂລຊີອັນເຕັມຮູບແບບທາງດ້ານອຸປະກອນ, ສະຖານີຖານ, ພະລັງງານ, ລະບົບສາຍສົ່ງ ແລະ ເສົາອາກາດ ເພື່ອແກ້ໄຂຄວາມຫຍຸ້ງຍາກໃນການນຳໃຊ້ແບບດັ່ງເດີມເຊັ່ນ: ຄ່າໃຊ້ຈ່າຍສູງ, ການຂົນສົ່ງທີ່ຈໍາກັດ, ການຂາດແຄນພະລັງງານ ແລະ ສິ່ງທ້າທາຍດ້ານການບໍາລຸງຮັກສາ. ພວກເຮົາໄດ້ຍົກລະດັບໂຊລູຊັນ RuralStar ແລະ RuralLink ຢ່າງຕໍ່ເນື່ອງ ເພື່ອຂະຫຍາຍການສັນຍານຄວບຄຸມທີ່ມີຄຸນນະພາບໄປສູ່ເຂດຫ່າງໄກສອກຫຼີກ, ເຊື່ອມຕໍ່ປະຊາກອນໄດ້ຫລາຍຂຶ້ນ, ສຸກສາລາ, ໂຮງຮຽນ, ການບໍລິຫານຂັ້ນທ້ອງຖິ່ນ ແລະ ວິສາຫະກິດຂະໜາດນ້ອຍ ແລະ ຂະໜາດກາງ ເພື່ອຮັບປະສົບການການເຊື່ອມຕໍ່ບຣອດແບນຄວາມໄວສູງເຊັ່ນດຽວກັນກັບຜູ້ທີ່ອາໄສຢູ່ໃນເຂດຕົວເມືອງ”.

ໂຊລູຊັນ RuralStar ໄດ້ສະຫນອງການເຊື່ອມຕໍ່ສໍາລັບຫຼາຍກວ່າ 60 ລ້ານຄົນໃນເຂດຫ່າງໄກສອກຫຼີກໃນຫຼາຍກວ່າ 70 ປະເທດ, ການກໍ່ສ້າງເຄືອຂ່າຍບຣອດແບນຜ່ານສາຍໄຍແກ້ວນໍາແສງ ຫົວເຫວີຍ ໄດ້ສະເໜີໂຊລູຊັ່ນ AirPON ທີ່ເປັນນະວັດຕະກຳສຳລັບພື້ນທີ່ທີ່ມີຄວາມໜາແໜ້ນຂອງປະຊາກອນຕໍ່າ, ລວມທັງເຂດຫ່າງໄກສອກຫຼີກ, ຫຼຸດຜ່ອນຄ່າໃຊ້ຈ່າຍໃນການສ້າງສະຖານີ, ຄ່າໃຊ້ຈ່າຍໃນການຕິດຕັ້ງສາຍໄຍແກ້ວນໍາແສງ ແລະ ການບໍລິໂພກພະລັງງານຂອງເຄືອຂ່າຍ, ໃນຂະນະທີ່ຮັບປະກັນຕໍ່ການຂະຫຍາຍເຄືອຂ່າຍການສື່ສານທ້ອງຖິ່ນຢ່າງວ່ອງໄວ.

ໃນອາຟຣິກາ, ຫົວເຫວີຍ ໄດ້ວາງສາຍໃຍແກ້ວນໍາແສງຫຼາຍກວ່າ 250.000 ກິໂລແມັດ ເຊິ່ງເຮັດໃຫ້ 30 ລ້ານຄົວເຮືອນເຂົ້າເຖິງບໍລິການບອດແບນຄວາມໄວສູງ, ປະສົບການຂອງຜູ້ໃຊ້ບໍລິການເຄືອຂ່າຍໄດ້ເຫັນການປັບປຸງຢ່າງຕໍ່ເນື່ອງ. ຄວາມໄວສະເລ່ຍຂອງບຣອດແບນບ້ານສູງກວ່າ 30 Mbit/s, ເຮັດໃຫ້ປະສົບການເຄືອຂ່າຍໃນເຮືອນ (FTTH) ທີ່ໄວກວ່າ ແລະ ສະຖຽນກວ່າ.

ໃນຂະນະທີ່ພື້ນຖານໂຄງລ່າງ ICT ສືບຕໍ່ພັດທະນາ, ເຕັກໂນໂລຢີນະວັດຕະກໍາເຊັ່ນ: Cloud ແລະ AI ແມ່ນອະນຸຍາດໃຫ້ຜູ້ທີ່ຢູ່ໃນເຂດຊົນນະບົດຫ່າງໄກສອກຫຼີກສາມາດເພີດເພີນກັບຄວາມສະດວກສະບາຍຂອງໂລກດິຈິຕອນ. ຫົວເຫວີຍ Cloud ໄດ້ສະເໜີຍຸດທະສາດການໃຫ້ບໍລິການທຸກຢ່າງ ແລະ Huawei ໄດ້ອາໄສຄວາມຊ່ຽວຊານດ້ານເຕັກນິກ ແລະ ປະສົບການການຫັນເປັນດິຈິຕອນຫຼາຍກວ່າ 30 ປີຂອງ ຫົວເຫວີຍ ຜ່ານການບໍລິການ Cloud. ນີ້ໝາຍຄວາມວ່າການເຂົ້າເຖິງຄວາມສາມາດດ້ານພື້ນຖານໂຄງລ່າງດ້ານດິຈິຕອນຂອງ ຫົວເຫວີຍ ຜ່ານ Cloud ໃນປັດຈຸບັນແມ່ນງ່າຍ, ລາຄາບໍ່ແພງ ແລະ ຍືນຍົງທຽບເທົ່າກັບການເຂົ້າເຖິງບໍລິການນໍ້າປະປາ ແລະ ໄຟຟ້າ.

ການຫັນປ່ຽນດິຈິຕອນ, ທັກສະດ້ານດິຈິຕອນ ແລະ ຮູບແບບທຸລະກິດໃໝ່ລ້ວນແຕ່ມີຄວາມຈຳເປັນຕໍ່ການພັດທະນາທີ່ສົມດູນຢູ່ໃນເຂດຫ່າງໄກສອກຫຼີກ. ກ່ອນໜ້ານີ້ ຫົວເຫວີຍ ໄດ້ປະກາດວ່າໃນປີ 2025, ດ້ວຍການປັບປຸງໂຄງສ້າງພື້ນຖານດ້ານ ICT, ບໍລິສັດ ຈະເຮັດວຽກຮ່ວມກັບຄູ່ຮ່ວມງານເພື່ອເຮັດໃຫ້ປະຊາກອນ 500 ລ້ານຄົນ ສາມາດເພີດເພີນກັບການບໍລິການດ້ານການເງິນດິຈິຕອນ ແລະ 500.000 ຄົນໄດ້ເຂົ້າເຖິງການສຶກສາໃນມິຕິໃໝ່.

ໃນປະເທດກຳປູເຈຍ ເຊິ່ງເປັນປະເທທໍາອິດຂອງຄູ່ຮ່ວມມື P2C ຂອງ ITU, ທາງຫົວເຫວີຍ ຈະເຮັດວຽກຮ່ວມກັບບັນດາພະແນກການຂອງລັດຖະບານໂດຍຜ່ານກະຊວງໄປສະນີ ໂທລະຄົມມະນາຄົມ ແລະ ການສື່ສານ ແລະ ຕະຫລອດຈົນມະຫາວິທະຍາໄລຕ່າງໆ ເພື່ອສະໜອງໂອກາດໃນການຝຶກອົບຮົມໃຫ້ແກ່ຜູ້ຊ່ຽວຊານດ້ານໄອຊີທີ 10.000 ຄົນໃນ 5 ປີຂ້າງໜ້າ.

ຫົວເຫວີຍ ມຸ່ງໝັ້ນທີ່ຈະພັດທະນາ ໂດຍຜ່ານການພັດທະນານະວັດຕະກໍາເຕັກໂນໂລຢີຢ່າງຕໍ່ເນື່ອງ, ຫົວເຫວີຍ ກໍາລັງປະກອບສ່ວນເຂົ້າໃນລະດັບທີ່ສູງຂຶ້ນຂອງດິຈິຕອນໃນເຂດຫ່າງໄກສອກຫຼີກ, ເຮັດໃຫ້ທຸກຄົນມີຄວາມສຸກກັບຄວາມສະດວກສະບາຍຂອງຊີວິດດິຈິຕອນ ແລະ ສົ່ງເສີມການພັດທະນາທີ່ສົມດູນຂອງເສດຖະກິດດິຈິຕອນທົ່ວໂລກ.