ສາມຫລ່ຽມຄຳເປັນເຂດເສດຖະກິດພິເສດທີ່ມີການພັດທະນາຢ່າງຕໍ່ເນື່ອງໃນທຸກໆດ້ານບໍ່ວ່າຈະເປັນການລົງ, ການບໍລິການຄ້າຂາຍ ແລະຄົມມະນາຄົມຂົນສົ່ງກໍ່ເຕີບໂຕໄປພ້ອມໆກັບລະບົບພື້ນຖານໂຄງລ່າງທີ່ໄດ້ພັດການພັດທະນາໄປເປັນກ້າວໆຫຼ້າສຸດນີ້ໄດ້ເປີດໂຕເຮືອບັນທຸກທີ່ຮັບໃຊ້ສະເພາະພາຍໃນເຂດຈຳນວນ 1 ລຳໃສ່ຊື່ວ່າ “Xingde 006”.
ພິທີສະເຫຼີມສະຫຼອງການເດີນທາງຄັ້ງທໍາອິດຂອງເຮືອບັນທຸກ “Xingde 006” ຈັດຂຶ້ນໃນວັນທີ 5 ພະຈິກ 2022 ຜ່ານມານີ້ເອງທີ່ທ່າເຮືອຂົນສົ່ງສິນຄ້າສາກົນຂອງເຂດເສດຖະກິດພິເສດ ສາມຫຼ່ຽມຄຳ.
ການເດີນທາງຄັ້ງທໍາອິດຂອງເຮືອບັນທຸກ “Xingde 006” ໂດຍມີການນຳ ແລະ ພະນັກງານທີ່ກ່ຽວຄ້ອງຂອງສະພາບໍລິຫານເຂດເຂົ້າຮ່ວມອວຍພອນໄຊໃຫ້ເຮືອລຳດັ່ງກ່າວ.
ເຮືອ”Xingde 006” ລຳນີ້ ມີຄວາມຍາວ 55,9 ແມັດ ກວ້າງ 8,7 ແມັດ ສາມາດບັນທຸກນ້ຳໜັກໄດ້ 560 ໂຕນ ສ້າງໂດຍໂຮງງານສ້ອມແປງ ແລະ ສ້າງເຮືອຈາໂຈສິບສອງພັນນາ ສ້າງສຳເລັດ ແລະ ມອບ-ຮັບໃນວັນທີ 28 ຕຸລາ 2022.
ເຮືອລຳດັ່ງກ່າວຈະເປັນເຮືອຮັບໃຊ້ສະເພາະຂອງ ກຸ່ມບໍລິສັດ ດອກງິ້ວຄຳ ຈຳກັດ ມີໜ້າທີ່ໃນການຂົນສົ່ງສິນຄ້າຂອງເຂດເສດຖະກິດພິເສດ ສາມຫຼ່ຽມຄຳ.