ໂປເຕ້ ຜູ້ມີທັກສະໃນດ້ານການເຕັ້ນ ແຖມໂດດເດັ່ນໃນເວທີ Mister Global Laos 2022

172

ອີກໜຶ່ງໜຸ່ມທີ່ໜ້າຈັບຕາມອງ ແລະ ສະດຸດຕາເປັນທີ່ສຸດໃນເວທີປະກວດຊາຍງາມກໍ່ຄື Mister Global Laos 2022 ເຊິ່ງນັ້ນກໍ່ຄື MGL06 ໂປເຕ້ ນອກຈາກເປັນຜູ້ທີ່ມີຄວາມໂດດເດັ່ນໃນເລື່ອງຂອງ ຄວາມຫຼໍ່, ຫຸ່ນ ຍັງມີຄວາມສາມາດໃນດ້ານການເຕັ້ນ ຖືວ່າເປັນຜູ້ທີ່ມີຄວາມສາມາດ ແລະ ຍັງມີອີກຫຼາຍຢ່າງກັບໜຸ່ມຄົນນີ້ທີ່ຫຼາຍຄົນໄດ້ຮູ້ແລ້ວຕ້ອງຫຼົງຮັກ.

ໂປເຕ້ບອກໄວ້ວ່າການເປັນ Mister Global ຄືຄວນເປັນຕົວຂອງຕົວເອງ ແລະ ມີຄວາມໝັ້ນໃຈໃນຕົນເອງ ກ້າທີ່ຈະສະແດງຄວາມເປັນຕົນເອງອອກມາ, ກ້າທີ່ຈະຮຽນຮູ້ ແລະ ພັດທະນາຕົນເອງຢູ່ຕະຫຼອດເວລາ. ແລະ ການມາປະກວດໃນຄັ້ງນີ້ໂປເຕ້ຍັງບອກວ່າ: ຕົນເອງເຮັດການບ້ານທຸກຄັ້ງເພື່ອເປັນການກຽມຄວາມພ້ອມໃຫ້ກັບຕົນເອງໃຫ້ມີຄວາມໝັ້ນໃຈ ພ້ອມທີ່ຈະສູ້ ແລະ ຮຽນຮູ້ຢູ່ຕະຫຼອດເວລາ.

ໂປເຕ້ໄດ້ບອກໄວ້ອີກວ່າ Mister Global ເປັນໂຄງການທີ່ໜ້າສົນໃຈຫຼາຍທີ່ເປີດໂອກາດໃຫ້ກັບຊາຍໝຸ່ມໄດ້ມາຄົ້ນຫາຕົວເອງ, ຮຽນຮູ້ ແລະ ພັດທະນາຕົນເອງໃນເສັ້ນທາງວົງການບັນເທີງລາວ ແລະ ເຕ້ກໍ່ມີຄວາມໝັ້ນໃຈໃນຕົວເອງຫຼາຍໃນການປະກວດຄັ້ງນີ້ ເພາະເຕ້ມີຈິດໃຈທີ່ເຂັ້ມແຂງເຕ້ເຊື່ອວ່າການມີຈິດໃຈທີ່ເຂັ້ມແຂງນີ້ແລະຈະພາເຕ້ໄປເຖິງເສັ້ນໄຊທີ່ເຕ້ຕ້ອງການໄດ້ ແລະ ອີກຢ່າງເຕ້ຢາກເປັນແຮງບັນດານໃຈໃຫ້ກັບຊາຍໝຸ່ມທຸກຄົນໃຫ້ມີຄວາມໝັ້ນໃຈໃນຕົນເອງ, ກ້າທີ່ຈະສະແດງອອກ, ກ້າທີ່ຈະຮຽນຮູ້ ແລະ ພັດທະນາຕົນເອງ ເຖິງແມ່ນວ່າເຮົາຈະມີຮູບຮ່າງພາຍນອກແນວໃດກໍ່ຕາມ ແຕ່ຖ້າເຮົາມີຈິດໃຈທີ່ມັກຮັກແລ້ວ ຕໍ່ໃຫ້ເຈິກັບບັນຫາ ແລະ ອຸປະສັກໃດກໍ່ຕາມເຮົາກໍ່ສາມາດທີ່ຈະຂ້າມຜ່ານມັນໄປໄດ້.

ນອກຈາກນີ້ເພິ່ນຍັງບອກນິຍາມຄວາມເປັນໂຕເອງນັ້ນກໍ່ຄື: ເວົ້າໜ້ອຍ ສຸພາບ ອ່ອນໂຍນ ແລະ ແນ່ນອນຄວາມສາມາດພິເສດທີ່ໂປເຕ້ມີແມ່ນ ເປັນຄົນທີ່ມັກທາງດ້ານການເຕັ້ນ ເພາະເຕ້ຄິດວ່າເຕ້ສາມາດທີ່ຈະຮຽນຮູ້ໄດ້ໄວ ມັນເຮັດໃຫ້ເຕ້ຮູ້ສຶກຜ່ອນຄ່ອຍ, ມີຄວາມສຸກ ແລະ ມີຄວາມສຸກໄປກັບມັນ.

ຈັ່ງໃດກໍ່ຝາກທຸກຄົນເຊຍໜຸ່ມຄົນນີ້ກັນຫຼາຍໆແນ່ເດີ ເຊິ່ງຮອບຕັດສິນກໍ່ໃກ້ເຂົ້າມາແລ້ວ ແລະ ອີກບໍ່ດົນນີ້ເຮົາກໍ່ຈະມາຮູ້ນຳກັນແລ້ວວ່າໃຜທີ່ຈະຄວ້າລາງວັນຊະນະເລີດໄດ້ເປັນ Mister Global laos 2022