ຊາອຸດິດ ອາຣັບບີ ຈະປັບຫຼຸດການຜະລິດນໍ້າມັນລົງ

28

ສໍານັກຂ່າວສານຫວຽດນາມ ລາຍງານວ່າ ຊາອຸດິດ ອາຣັບບີ ຈະປັບຫຼຸດການຜະລິດນໍ້າມັນລົງ 573.000 ບາເຣວຕໍ່ວັນ ນັບແຕ່ເດືອນພະຈິກນີ້ເປັນຕົ້ນໄປ.

May be an image of outdoors

ການຕັດສິນໃຈປັບຫຼຸດການຜະລິດນ້ຳມັນດັ່ງກ່າວມີຂຶ້ນ ຫຼັງຈາກທີ່ກຸ່ມຜູ້ຜະລິດ ແລະ ສົ່ງອອກນ້ຳມັນ ( ໂອເປັກ ) ແລະ ຊາດພັນທະມິດ ( OPEC+ ) ໄດ້ເຫັນດີເປັນເອກະພາບປັບຫຼຸດການຜະລິດນ້ຳມັນລົງ ເພື່ອແນໃສ່ຮັກສາສະຖຽນລະພາບຂອງຕະຫຼາດນໍ້າມັນ. ນີ້ຖືເປັນການປັບຫຼຸດຂະໜາດໃຫຍ່ທີ່ສຸດ ນັບຕັ້ງແຕ່ຕົ້ນປີ 2020 ໂດຍສະເພາະ ນັບແຕ່ການແຜ່ລະບາດຂອງພະຍາດໂຄວິດ – 19.

ກ່ອນໜ້ານີ້ ໂອເປັກພລັສ ໄດ້ຕັດສິນໃຈປັບຫຼຸດການຜະລິດນໍ້າມັນລົງ 2 ລ້ານບາເຣວຕໍ່ວັນ ໂດຍເລີ່ມແຕ່ເດືອນພະຈິກ 2022 ເຊິ່ງເປັນສ່ວນໜຶ່ງຂອງມາດຕະການ ເພື່ອແນໃສ່ຮັກສາຄວາມໝັ້ນຄົງຂອງຕະຫຼາດນໍ້າມັນ, ສະກັດກັ້ນສະພາບການເໜັງຕີງ ແລະ ຮັບມືກັບສະຖານະການຄວາມບໍ່ໝັ້ນຄົງທີ່ບໍ່ເຄີຍມີມາກ່ອນ ໃນຕະຫຼາດນໍ້າມັນ.

May be an image of outdoors

ການປັບຫຼຸດການຜະລິດນໍ້າມັນລົງໃນຄັ້ງນີ້ນີ້ ຄາດວ່າປະລິມານນ້ຳມັນຂອງ ຊາອຸດິດ ອາຣັບບີ ແລະ ຣັດເຊຍ ຈະຢູ່ໃນລະດັບ 10,47 ລ້ານບາເຣວຕໍ່ວັນ.