ຍອດຜູ້ເສຍຊີວິດຈາກໂສກນາດຕະກຳ “ ອິແທວອນ ” ເພີ່ມເປັນ 154 ຄົນ

59

ສຳນັກຂ່າວຢອນຮັບ ລາຍງານໃນວັນທີ 31 ຕຸລາ 2022 ວ່າ: ເຈົ້າໜ້າທີ່ສຳນັກງານມາດຕະການຮັບມືກັບໄພພິບັດ ແລະ ຄວາມປອດໄພຂອງ ສ.ເກົາຫຼີ ເປີດເຜີຍວ່າ ຍອດຜູ້ເສຍຊີວິດຈາກການສະຫຼອງວັນຮາໂລວິນ ເຂດ “ ອິແທວອນ ” ໃນນະຄອນຫຼວງເຊອູນ ຂອງສາທາລະນະລັດເກົາຫຼີ ໄດ້ກາຍເຫດການໂສກນາດຕະກຳຄັ້ງໃຫຍ່ ຈົນເຮັດໃຫ້ມີຜູ້ເສຍຊີວິດເພີ່ມຂຶ້ນເປັນ 154 ຄົນແລ້ວ, ໃນຈຳນວນນີ້ ມີຊາວຕ່າງປະເທດ 26 ຄົນ.

May be an image of 1 person and street

ເຈົ້າໜ້າທີ່ຄາດວ່າ: ຍອດຜູ້ເສຍຊີວິດອາດຈະເພີ່ມຂຶ້ນ ເນື່ອງຈາກວ່າ ຍັງມີຜູ້ບາດເຈັບສາຫັດ 33 ຄົນ, ຂະນະທີ່ບາດເຈັບສົມຄວນ 116 ຄົນ.

ທັງນີ້, ເຂດ ອິແທວອນ ເປັນໜຶ່ງໃນສະຖານທີ່ຍອດນິຍົມຂອງນັກທ່ອງທ່ຽວລາຕີ, ໃນຂະນະທີ່ ຮາໂລວິນ ປີນີ້ ເປັນຄ່ຳຄືນທີ່ວຸ້ນວາຍທີ່ສຸດ ເນື່ອງຈາກມີນັກທ່ອງທ່ຽວເຂົ້າຮ່ວມປະມານ 1 ແສນຄົນ ຈົນເກີດເຫດໂສກນາດຕະກຳແບບບໍ່ຄາດຄິດຂຶ້ນ.

May be an image of 2 people, people standing, people walking and outdoors

ທັງນີ້, ເນື່ອງຈາກລັດຖະບານ ສ.ເກົາຫຼີ ໄດ້ຜ່ອນຄາຍມາດຕະການຄວບຄຸມໂຄວິດ – 19 ບວກກັບຫຼາຍຄົນໂຫຍຫາທ່ອງທ່ຽວແບບອິດສະຫຼະ ໂດຍບໍ່ຈຳເປັນຕ້ອງໃສ່ຜ້າອັດປາກ – ດັງ ຈຶ່ງເຮັດໃຫ້ມີຜູ້ຄົນເຂົ້າຮ່ວມເກີນ ກວ່າພື້ນທີ່ຈະຮອງຮັບໄດ້ ຈຶ່ງເຮັດໃຫ້ແຫຍ້ບຽດກັນ ແລະ ໃນທີ່ສຸດກໍລົ້ມທັບຕໍ່ໆກັນໄປ, ຫຼາຍຄົນຖືກລົ້ມທັບເກືອບຊົ່ວໂມງ ກວ່າເຈົ້າໜ້າທີ່ຈະເຂົ້າມາຊ່ວຍທັນ.

ເຫດການຄັ້ງນີ້ ເປັນໂສກນາດຕະກຳທີ່ແຫຍ້ບຽດ ແລະ ລົ້ມທັບກັນຕາຍຄັ້ງຮ້າຍແຮງທີ່ສຸດໃນປະຫວັດສາດຂອງ ສ.ເກົາຫຼີ.