ສຳນັກຂ່າວຊິນຫົວລາຍງານວ່າ ຖະແຫຼງການຮ່ວມຂອງລັດຖະບານ ກຳປູເຈຍ ກັບອົງການອາຫານ ແລະ ການກະເສດຂອງສະຫະປະຊາຊາດ ແລະ ໂຄງການອາຫານໂລກ ຂອງສະຫະປະຊາຊາດ ໄດ້ຮຽກຮ້ອງໃຫ້ເພີ່ມການລົງທຶນ ເພື່ອຮອງຮັບການປ່ຽນຜ່ານລະບົບອາຫານເພີ່ມຂຶ້ນ ເພື່ອຮັບປະກັນຄວາມໝັ້ນຄົງດ້ານສະບຽງອາຫານ ແລະ ໂພຊະນາການ ລວມທັງການຮັບມືກັບອຸປະສັກ ແລະ ວິກິດການຕ່າງໆ.
ໃນຂະນະທີ່ ກຳປູເຈຍ ເລີ່ມຈັດຕັ້ງປະຕິບັດຕາມແຜນລະດັບຊາດດ້ານລະບົບອາຫານ ເພື່ອການພັດທະນາແບບຍືນຍົງ 2030 ແລະ ກຳປູເຈຍ ຕ້ອງປ່ຽນຕ່ອງໂສ້ການສະໜອງສະບຽງອາຫານ ເພື່ອໃຫ້ມີອາຫານທີ່ມີຄຸນນະພາບ ແລະ ຄຸນຄ່າທາງໂພຊະນາການ ສຳລັບຊາວກຳປູເຈຍ ທຸກຄົນຜ່ານການລົງທຶນໃນນະວັດຕະກໍາ, ເຕັກໂນໂລຊີ ແລະ ລະບົບດີຈີຕອນ.