ມື້ນີ້ຈະພາມາຮູ້ຈັກກັບແບຣນຜ້າໄໝລາວທີ່ມີຊື່ວ່າເຮືອນສະເໜ່

91

ທ້າວ ພອນປະເສີດ ຈີນດາໄມ ຫຼື ເຈເຈ ອະດີດນັກສຶກສາຈາກມະຫາວິທະຍາໄລເສດຖະກິດແຫ່ງຊາດຮ່າໂນ້ຍ ສສ ຫວຽດນາມ ເຊິ່ງປັດຈູບັນເປັນນັກອອກແບບ ແລະ ເຈົ້າຂອງແບຮນເສື້ອຜ້າທີ່ມີຊື່ວ່າສະເໜ່.

May be an image of 1 person

ພອນປະເສີດ ໄດ້ໃຫ້ຂໍ້ມູນວ່າແບຣນສະເໜ່ ແມ່ນໄດ້ເກີດມາຈາກຄວາມມັກຮັກ ແລະ ຫຼົງໄຫຼ ໃນແຟຊັນຜ້າແພໄໝລາວຕ່າງໆຂອງຕົວເອງ ເພາະເຫັນແມ່ໃສ່ຕອນຍັງນ້ອຍລະຮູ້ສຶກວ່າຜ້າໄໝລາວນັ້ນງົດງາມຫຼາຍ ບໍ່ວ່າຈະເປັນການຈົກລວດລາຍຕ່າງໆ ແລະ ອີກຢ່າງໜຶ່ງກໍຄືຕ້ອງການສື່ໃຫ້ເຫັນເຖິງເອກະລັກຄວາມເປັນລາຍບູຮານ;ມົນສະເໜ່ຂອງຜ້າໄໝລາວ ກໍເລີຍມີຄວາມຝັນວ່າໃຫຍ່ຂຶ້ນຈະພະຍາຍາມສານຕໍ່ກັບຄວາມມັກໂຕນີ້ ເລີຍໄດ້ມີການສ້າງແບຣນຜ້າໄໝລາວຂຶ້ນມາ ກໍຄືແບຣນສະເໜ່
ປັດຈຸບັນສະເໜ່ ໄດ້ແບ່ງອອກເປັນຫຼາຍພາກສ່ວນ ແລະ ໄດ້ຮັບຄວາມສົນໃຈເປັນຢ່າງດີ ບໍ່ວ່າຈະເປັນ:

May be an image of 11 people and text that says 'SANÉ'

1 ເຮືອນສະເໜ່ ແມ່ນເຮັດກ່ຽວກັບເຄື່ອງສວມໃສ່ອອກສະໄຕຫຼວງພະບາງ ທາງເຮົາສຶກສາ ແລະ ຄົ້ນຄວ້າວ່າການນຸ່ງຖືສະໄໝກ່ອນນຸ່ງແບບໃດ ແລະ ໄດ້ນຳມາປະຍຸກໃຫ້ເປັນອີກເວີຊັນຂອງຮ້ານ ເພື່ອໃຫ້ແທດເໝາະກັບຍຸກສະໄໝ ເພື່ອໃຫ້ລູກຄ້າໄດ້ເຊົ່າ ຊົມໃຊ້ໃນງານສຳຄັນຕ່າງໆ ເຊັ່ນ: ງານແຕ່ງດອງ, ງານໝັ້ນ, ຖ່າຍພີເວດດິ້ງ ແລະ ຖ່າຍແບບກ່ຽວກັບການຮັກສາວັດທະນະທຳການນຸ່ງຖື.

2 ສະເໜ່ ທີ່ອອກແບບເຄື່ອງນຸ່ງໃຊ້ໃນຊີວິດປະຈຳວັນ ໂດຍໃຊ້ຜ້າຈາກທຳມະຊາດ ບໍ່ວ່າຈະເປັນ ຝ້າຍລາວ ແລະ ຜ້າເລນິນ ມາອອກແບບໃຫ້ມີຄວາມທັນສະໄໝ ແລະ ລາຄາຈັບຕ້ອງໄດ້.

3 ສະເໜ່ Underwear ແມ່ນຊຸດຊັ້ນໃນທ່ານຊາຍ ໂດຍເນັ້ນການສວມໃສ່ທີ່ສະບາຍ ໃສ່ແລ້ວໝັ້ນໃຈ ເຊິ່ງກຳລັງເປັນທີ່ນິຍົມຫຼາຍຂຶ້ນໃນຕອນນີ້ ປັດຈຸບັນເຮືອນສະເໜ່ຕັ້ງຢູ່ທີ່ບ້ານອານຸ ເມືອງຈັນທະບູລີ ນະຄອນຫຼວງວຽງຈັນ ຖ້າຫາກວ່າບຸກຄົນໃດມີຄວາມສົນໃຈ ແລະ ມັກຮັກໃນຜ້າໄໝລາວ ກໍເຊີນເລີຍທີ່ເຮືອນສະເໜ່.