ຂ່າວສານຫວຽດນາມ ລາຍງານວ່າ: ທ່ານ ນາງ ຄຣິສຕາລີນາ ຈໍເຈຍວາ ຜູ້ອຳນວຍການໃຫຍ່ກອງທຶນການເງິນລະຫວ່າງປະເທດ ( IMF ) ກ່າວໃນກອງປະຊຸມສົນທະນາ ທີ່ຈັດຂຶ້ນຢູ່ ຊາອຸດິດ ອາຣັບບີ ວ່າ: ປັດຈຸບັນ ມີ 48 ປະເທດ ໃນທົ່ວໂລກກຳລັງປະເຊີນກັບວິກິດການດ້ານສະບຽງອາຫານ ໂດຍສະເພາະ 20 ປະເທດໃນອາຟຣິກກາ ກຳລັງຕ້ອງການຄວາມຊ່ວຍເຫຼືອດ້ານສະບຽງອາຫານຢ່າງຮີບດ່ວນ.
ໃນຂະນະດຽວກັນ ປະຊາຊົນອາຣັບ ຫຼາຍກວ່າ 141 ລ້ານຄົນ ຍັງປະເຊີນກັບສະຖານະການຄວາມບໍ່ໝັ້ນຄົງດ້ານສະບຽງອາຫານເຊັ່ນດຽວກັນ.