ຝຣັ່ງ ເພີ່ມງົບປະມານຊຸກຍູ້ການໃຊ້ລົດຖີບ

20

ສຳນັກຂ່າວຊິນຫົວ ລາຍງານວ່າ ທ່ານ ເອລີຊາເບທ ບອນ ນາຍົກລັດຖະມົນຕີຝຣັ່ງ ໄດ້ປະກາດຈັດສັນງົບປະມານ ເພື່ອສະໜັບສະໜູນການນຳໃຊ້ລົດຖີບ ເປັນຄັ້ງທີ 2 ດ້ວຍຈຳນວນເງິນ 250 ລ້ານເອີໂຣ ສຳລັບປີ 2023.

ປັດຈຸບັນ, ຝຣັ່ງ ກຽມປ່ຽນຜ່ານ ເພື່ອກ້າວໄປສູ່ການເປັນປະເທດແຫ່ງລົດຖີບ ຫຼັງຈາກມີການຈັດສັນງົບປະມານເພື່ອສະໜັບສະໜູນການນຳໃຊ້ລົດຖີບຄັ້ງທຳອິດ ເມື່ອ 4 ປີກ່ອນ.

May be an image of 7 people, bicycle and street

ລົດຖີບ ເປັນຍານພາຫະນະທີ່ຂາຍດີທີ່ສຸດ ໃນປີ 2021 ແລະ ໄດ້ເພີ່ມເສັ້ນທາງລົດຖີບ 14.000 ກິໂລແມັດ ໃນໄລຍະຕະຫຼອດ 4 ປີຜ່ານມາ. ປັດຈຸບັນ, ຊາວໜຸ່ມໃນຝຣັ່ງ ໄດ້ຮຽນຮູ້ວິທີການຂີ່ລົດຖີບ ຫຼາຍກວ່າ 170.000 ຄົນ ໂດຍການແຂ່ງຂັນກີລາໂອແລມປິກ ແລະ ພາຣາແລມປິກ ທີ່ຝຣັ່ງ ໃນປີ 2024 ຈະເປັນຫຼັກຖານຢືນຢັນເຖິງຄວາມສຳຄັນຂອງລົດຖີບໃນຝຣັ່ງ.

May be an image of 4 people, bicycle, street and road

ເມື່ອປີ 2018 ຝຣັ່ງ ໄດ້ສ້າງແຜນຍຸດທະສາດສົ່ງເສີມການນຳໃຊ້ລົດຖີບສະບັບທຳອິດ ສຳລັບປີ 2018 – 2025 ດ້ວຍງົບປະມານ 350 ລ້ານເອີໂຣ ແລະ ມີການເພີ່ມງົບປະມານ ສະໜັບສະໜູນຈາກແຜນການຟື້ນຟູເພີ່ມອີກ 150 ລ້ານເອີໂຣ ໃນໄລຍະການແຜ່ລະບາດ   ໃຫຍ່ຂອງພະຍາດໂຄວິດ – 19.