ຫ້າເດືອນນີ້ ບາລະມີສູງສົ່ງ ຕາມຄຳທຳນາຍຈະມີລົດ ມີເຮືອນ

13

ມາເບິ່ງຄຳທຳນາຍຕາມຕຳລາໂຫລະສາດ ທີ່ໄດ້ທຳທາຍດວງຊາຕາຂອງຄົນທີ່ມີບາລະມີສູງສົ່ງໃນໄລຍະນີ້ ກໍຄື 5 ເດືອນ ເຊັ່ນ: ເດືອນພຶດສະພາ, ມັງກອນ, ສິງຫາ, ມິຖຸນາ ແລະ ເດືອນພະຈິກ ເຊິ່ງໃນ 5 ເດືອນມີເກນທີ່ຈະລວຍ ແລະ ໝົດທຸກໝົດໂສກ ມີແຕ່ສິ່ງດີໆເຂົ້າມາໃນຊີວິດ.

ເດືອນພຶດສະພາ: ທ່ານເປັນຄົນທີ່ອົດທົນເກັ່ງ ກວ່າຈະໄດ້ຫຍັງມາຈັກຢ່າງໃດຢ່າງໜຶ່ງ ທ່ານແສນເມື່ອຍແສນທົນເປັນຢ່າງຍິ່ງ ບໍ່ວ່າຈະເລື່ອງເງິນ ການຈັບຈ່າຍໃຊ້ສອຍ ທ່ານນັ້ນເປັນຜູ້ທີ່ຫາຢູ່ຝ່າຍດຽວເປັນສ່ວນໃຫຍ່ ແຕ່ໃນປີນີ້ນັ້ນຂໍບອກເລີຍວ່າ ດວງປ່ຽນວາດສະໜາປ່ຽນຈາກຄົນທີ່ເຄີຍເມື່ອຍຫຼາຍໆ ຕອນນີ້ເລີ່ມໜ້ອຍລົງຢ່າງເຫັນໄດ້ຊັດເຈນ ການງານເຫັນຜົນການເງິນອູ້ຟູ້ ມີໂອກາດໄດ້ຊື້ເຮືອນ ຫຼື ເຄື່ອງໃຫຍ່ເປັນຊິ້ນເປັນອັນ.

ເດືອນມັງກອນ: ທີ່ແນ່ນອນວ່າເດືອນມັງກອນນີ້ນັ້ນ ຕະຫຼອດໄລຍະຊີວິດທີ່ຜ່ານມາ ສຸກສະບາຍມີເງິນມີຄໍາໃຊ້ແຕ່ມາໄລຍະໜຶ່ງຮູ້ສຶກຫຼາຍຢ່າງຂາດຫາຍໄປ ເງິນ – ຄໍາບໍ່ພໍໃຊ້ກໍໄລຍະ 1 ປີ ກ່ອນໜ້ານີ້ທ່ານເມື່ອຍຢາກຍອມຮັບເລີຍວ່າທ່ານເປັນຄົນທີ່ອົດທົນຢ່າງທີ່ສຸດ ແຕ່ຫຼັງຈາກມື້ນີ້ໄປທັງຊີວິດຈະກັບມາເປັນທ່ານອີກຄັ້ງຈາກຄົນທີ່ເຄີຍມີທຸກຢ່າງມີເງິນມີຄໍາໃຊ້ ກໍຈະກັບມາເປັນຄືເກົ່າໃນໄວໆນີ້ ສຸດທ້າຍນີ້ຂໍໃຫ້ໝັ່ນເຮັດບຸນໃຫ້ຫຼາຍໆຍາມເຖົ້າມາຈະໄດ້ໃຊ້ຜົນບຸນນັ້ນໆ.

ເດືອນສິງຫາ: ຈາກ 1 ປີທີ່ຜ່ານມາ ຮູ້ສຶກວ່າການຄ້າ ການທໍາມາຫາກິນດວງຈະບໍ່ຂຶ້ນເລີຍ ເຮັດຫຍັງກໍຂາດທຶນບໍ່ເປັນຊິ້ນເປັນອັນປານໃດ ແຕ່ຢ່າຫ່ວງເລີຍໃນປີນີ້ ແລະ ປີຕໍ່ໆໄປ ຄົນທີ່ເກີດເດືອນສິງຫານັ້ນຖືໄດ້ວ່າຮັບບົດຮຽນລາຄາແສນແພງໄປແລ້ວ ຈາກນີ້ໄປຫຼາຍຕໍ່ຫຼາຍຢ່າງຈະດີຂຶ້ນ, ທາງທໍາມາຫາກິນທ່ານຈະພົບແຫຼ່ງເຮັດເງິນນັ້ນໆໄດ້ເປັນຢ່າງດີ ແລະ ທ່ານກໍສາມາດເຂົ້າກັບມັນໄດ້ດີເປັນຢ່າງຍິ່ງ ສຸດທ້າຍແລ້ວຈະຈະເລີນງອກງາມມີກິນມີໃຊ້ຕະຫຼອດໄລຍະຊີວິດ.

ເດືອນມິຖຸນາ: ທ່ານເກີດເດືອນມິຖຸນາໃນເລື່ອງເງິນໆ ຄໍາໆເປັນເດືອນດຽວທີ່ປະສົບຄວາມສໍາເລັດໃນເລື່ອງຂອງການບໍລິຫານເງິນ ທ່ານເອງຈາກທີ່ເກັບເງິນບໍ່ຢູ່ ເກັບເງິນບໍ່ເກັ່ງນັ້ນ ຈາກທີ່ໄດ້ຮັບບົດຮຽນແສນແພງມານັ້ນ ທ່ານເລີ່ມປ່ຽນຕົວເອງທັນທີ ຢູ່ດີໆກໍລວຍເຮັດໃຫ້ເກີດຜົນອັນສໍາເລັດ ຈາກນີ້ໄປຜູ້ຄົນຈະຕິດຕາມທ່ານທັງໃນທາງທີ່ດີ ແລະ ໃນທາງບໍ່ດີ ຂໍຈົ່ງລະວັງໃຫ້ຫຼາຍ ຫຼັງເດືອນເມສາ ຊີວິດຈະອູ້ຟູ້ຫຼາຍເປັນຍຸກຮຸ່ງເຮືອງຂອງຊີວິດເລີຍ.

ເດືອນພະຈິກ: ທ່ານເກີດເດືອນພະຈິກທີ່ເກັ່ງສຸດ ທ່ານເປັນຄົນດຸໝັ່ນສະຫຼາດຫຼັກແຫຼມຮ້ອງໄດ້ວ່າໃຜຢູ່ນໍາກໍຮູ້ສຶກອຸ່ນໃຈ ເພາະເປັນທີ່ເພິ່ງພາໄດ້ເປັນຢ່າງດີ ໃນໄລຍະ 2 – 3 ປີທີ່ແລ້ວ ການເງິນຂອງທ່ານຮູ້ສຶກວ່າຈະອ່ອນຄ່າຫຼາຍມີເທົ່າໃດກໍໃຊ້ໝົດ ບໍ່ຮູ້ຈັກພໍເປັນໜີ້ເປັນສິນ ຈາກການບໍ່ລະມັດລະວັງການໃຊ້ຈ່າຍ ເຊື່ອວ່າຫຼັງຈາກ 2 ປີນັ້ນແລ້ວ ດວງທ່ານໃນປີນີ້ດີຫຼາຍ ໃນເລື່ອງການເງິນທ່ານຈະໄດ້ຮັບຜົນຕອບແທນທີ່ສົມເຫດສົມຜົນ ບໍ່ມີການໂກງຢ່າງແນ່ນອນ ຖ້າເຮັດຖືກຕ້ອງການງານດີເປັນຢ່າງຍິ່ງ ເຖິງກາງປີມີເກນຢູ່ດີໆກໍລວຍ ການຍ້າຍວຽກຈະຍັບໄປໃນບ່ອນດີໆ ຈະພົບຮັກແທ້ໃນໄລຍະທ້າຍປີ.
[ ຂໍ້ມູນຈາກ: ວັດຖຸມຸງຄຸນ ]