ໂຢໂຢ້ ແລະ ອາລີ້ ຕາງໜ້າມອບເຂົ້າສານ ຊ່ວຍເຫລືອຜູ້ປະສົບໄພນ້ຳຖ້ວມ ເມືອງຫລາແຂວງອຸດົມໄຊ

54

ຄູ່ຮັກນັກບຸນ ໂຢ້ໂຢ້ ວານິພອນ ພູມີໄຊ Miss vientiane2017, Miss Tourism Queen Laos 2018, 2nd Miss Universe Laos 2021 ແລະ ໜຸ່ມ ອາລີ້ ທະນູພົນ ໄຊຖາວອນ Mister International Laos 2019 ຕາງໜ້າ ບໍລິສັດ ລາວກອດລາວ ເດີນທາງມອບການຊ່ວຍເຫລືອໃຫ້ກັບຜູ້ປະສົບໄພນ້ຳຖ້ວມທີ່ເມືອງຫລາ ແຂວງອຸດົມໄຊ ເປັນໂມເມັ້ນດີໆອີກໜຶ່ງຢ່າງທີ່ຮ່ວມກັນສ້າງ ແລະ ມອບສົ່ງຕໍ່

.

ໂດຍທັງສອງບອກວ່າ ຮູ້ສຶກພາກພູມໃຈທີ່ໄດ້ມີສ່ວນຮ່ວມຊ່ວຍເຫລືອຜູ້ປະສົບໄພນ້ຳຖ້ວມທີ່ເມືອງຫລາ, ແຂວງອຸດົມໄຊໃນຄັ້ງນີ້ ໃນການເດີນທາງມາສຳພັດກັບສະພາບການຕົວຈິງເຫັນໄດ້ວ່າປະຊາຊົນທີ່ໄດ້ຮັບຜົນກະທົບຈາກໄພທຳມະຊາດແມ່ນຍັງມີຄວາມຕ້ອງການສິ່ງຈຳເປັນໃນການດຳລົງຊີວິດໃນຫລາຍດ້ານ

.

ເຮົາ 2 ຄົນຕາງໜ້າໃຫ້ແກ່ບໍລິສັດ ລາວກອດລາວໄດ້ປະກອບສ່ວນຊ່ວຍເຫລືອເປັນເຂົ້າສານຈຳນວນ 2 ໂຕນແຈກຢາຍໃຫ້ກັບປະຊາຊົນໃນພື້ນທີ່ດັ່ງກ່າວເພື່ອເປັນສ່ວນໜຶ່ງໃນການສ້າງກຳລັງໃຈໃຫ້ພວກເຂົາຜ່ານຜ່າວິກິດໃນຊີວິດຄັ້ງນີ້ໄປໄດ້ດ້ວຍດີ.

.

ບໍລິສັດ ລາວກອດລາວ ແມ່ນບໍລິສັດໃຫ້ບໍລິການຂໍ້ມູນຂ່າວສານດ້ານການທ່ອງທ່ຽວໃນລາວ, ສຳລັບບັນດາທ່ານທີ່ສົນໃຈໃຊ້ບໍລິການສາມາດສອບຖາມຂໍ້ມູນເພີ່ມຕື່ມໄດ້ທີ່ ລາວກອດລາວ Laos Hug Laos

.

.

ຂໍ້ມູນຈາກ: ວາລະສານເທວາ Theva Magazine,