ເປີດໂອກາດໃຫ້ຕົນເອງ ບໍ່ຢຸດຕາມຫາຝັນ ຝາກເຊຍ MGL02 ນໍ້າທິບ ປະພັນ

57

ແນະນໍາອີກໜຶ່ງສາວງາມ ແລະ ມີຄວາມຕັ້ງໃຈບໍ່ຫຼຸດລະ ຄວາມພະຍາຍາມ ກ້າວເດີນຕາມຄວາມຝັນຂອງຕົນເອງທີ່ວາດໄວ້ ແລະ ໃນຕອນນີ້ກໍໄດ້ຜ່ານເຂົ້າຮອບ 20 ຄົນ ເປັນທີ່ຮຽບຮ້ອຍແລ້ວ ໃນເວທີປະກວດທີ່ກໍາລັງມາແຮງ ແລະ ມີຖານແຟນໆຢ່າງໜາແໜ້ນນັ້ນກໍຄືເວທີ Miss Grand Laos 2022 ນັ້ນເອງ ແລະ ໜຶ່ງໃນສາວງາມທີ່ໂດດເດັ່ນແບບສຸດໆ ນັ້ນກໍຄືຄົນນີ້ ນ້ຳທິບ ປະພັນ ຊື່ຫຼີ້ນແມ່ນ ( ເອ້ ) MGL02 ແລະ ປັດຈຸບັນແມ່ນກຳລັງສຶກສາຢູ່ທີ່ກວາງຊີ ແລະ ກຳລັງຈະເສັງເຂົ້າທີ່ມະຫາວິທະຍາໄລແຫ່ງຊາດດ້ວຍ.

ສໍາລັບ ເອ້ ແມ່ນເປັນອີກຍິງຄົນໜຶ່ງທີ່ມີຄວາມຝັນ ແລະ ຕາມຫາຝັນຂອງຕົນເອງຢູ່ສະເໝີໃນເວທີນາງງາມ ເຊິ່ງ ເອ້ ໄດ້ໃຫ້ສໍາພາດວ່າ: ສໍາລັບ ເອ້ ທີ່ຜ່ານມາເຄີຍເຂົ້າຮ່ວມການປະກວດໃນເວທີ Miss universe laos2021 ແລະ ໃນຕອນນັ້ນກໍແມ່ນໄດ້ເຂົ້າເຖິງຮອບ Top16 ແລະ ເນື່ອງຈາກເວທີຜ່ານມານັ້ນຍັງບໍ່ໄປຖິງເປົ້າໝາຍທີ່ເອ້ຕັ້ງໄວ້. ສະນັ້ນຈຶ່ງຂໍສານຝັນຂອງຕົນເອງຕໍ່ໃນເວທີ Grand Laos 2022 ນັ້ນເອງ.

ຄວາມຄາດຫວັງຂອງເອ້ເອງ ໃນການເຂົ້າຮ່ວມປະກວດຄັ້ງນີ້ ກໍຍ້ອນວ່າຢາກເປີດໂອກາດໃຫ້ຄົນຮູ້ຈັກເຮົາຫຼາຍຂຶ້ນ ເພື່ອທີ່ຈະມີງານ ແລະ ເອ້ກໍຫວັງຢາກເຂົ້າຮອບເລິກໆ ແລະ ໄປເຖິງຝັນທີ່ເປັນເຈົ້າຂອງມົງກຸດ ທີ່ເປັນ ຄວາມໃຝ່ຝັນຂອງຜູ້ເຂົ້າປະກວດ ແລະ ແມ່ຍິງທຸກຄົນ.

ຖ້າຖາມເຖິງເລື່ອງຂອງຈຸດເດັ່ນ ກໍຄືເອ້ເອງແມ່ນຕິດຕາມເວທີນີ້ມາດົນແລ້ວ ຄອນເຊັບຂອງເພິ່ນ ກໍຄືຕ້ອງເປັນແມ່ຍິງທີ່ງາມ ແລະ ມີຄວາມກ້າຫານ, ໝັ້ນໃຈໃນຕົນເອງ. ສະນັ້ນ, ເອ້ກໍເລີຍຕ້ອງກະກຽມຕົວ ແລະ ປັບປຸງບຸກຄະລິກກະພາບຕົນເອງ ການເວົ້າຈາ, ການວາງຕົວ ໃຫ້ກົງຕາມຄອນເຊັບຂອງກອງ ແລະ ຄວາມສາມາດພິເສດຟ້ອນ, ເດີນແບບ, ພິທິກອນ ແລະ ຮ້ອງເພງດ້ວຍ ເຊິ່ງທັງໝົດນັ້ນຈະເປັນການຊ່ວຍເຮັດໃຫ້ເອ້ເອງ ສາມາດເອົາຊະນະໃຈຄະນະກໍາມະການໄດ້ຢ່າງແນ່ນອນ.

ຄະຕິປະຈໍາໃຈຂອງເອ້ແມ່ນ: “ ຢ່າແປກໃຈ ຖ້າມື້ໜຶ່ງຊີວິດເຮົາດີຂຶ້ນ ແລ້ວຈະມີບາງຄົນຫາຍໄປ ເພາະສຸດທ້າຍແສງສະ ຫວ່າງຈະນຳພາຄວາມມືດອອກໄປໃຫ້ໝົດ, ຄົນທີ່ສິນສະເໝີກັນເທົ່ານັ້ນຈະຢູ່ນຳກັນໄປໄດ້ດົນ ”.

ສິ່ງທີ່ນ້ອງຄິດໄວ້ ຖ້າຫາກເອ້ໄດ້ຮັບຕຳແໜ່ງ ສິ່ງທີ່ຢາກຈະເຮັດເພື່ອຊ່ວຍເຫຼືອສັງຄົມ ກໍຄື ຊ່ວຍເຫຼືອຄົນທີ່ທຸກຍາກ ຕາມເຂດຊົນນະບົດ ບໍ່ວ່າຈະເປັນອາຫານການກິນ, ເຄື່ອງດື່ມ ຫຼື ຂາດແຄນທີ່ພັກອາໄສ ຢາກຊ່ວຍພວກເຂົາເທົ່າທີ່ຕົນເອງເຮັດໄດ້  ແລະ ສຸດທ້າຍກໍຂໍໃຫ້ທຸກຄົນ ຊ່ວຍໂຫວດ ຊ່ວຍເຊຍ ແລະ ເປັນກຳລັງໃຈໃຫ້ເອ້ ແລະ ໝູ່ຜູ້ເຂົ້າປະກວດ Miss Grand Laos 2022 ແດ່ເດີ ແລະ ເອ້ຈະເຮັດໜ້າທີ່ຂອງຕົນເອງໃຫ້ເຕັມທີ່ ແລະ ສຸດຄວາມສາມາດເລີຍ. ສາມາດຕິດຕາມຜົນງານຕ່າງໆຂອງນ້ອງເອ້ ໄດ້ຜ່ານຊ່ອງທາງເຟສບຸ໊ກສ່ວນຕົວ Namthip Paphun.

ຮູບ Namthip Paphun.